محمد بن علي رباطي
محمد بن علي رباطي
| ||
| ||
| معلومات عامة | ||
| زيادة | 1861 الرباط | |
| لموت | 1939 (77/78 عام) طانجا | |
| لجنسية | لمغريب | |
| لحرفة | فنان و زوّاق | |
| لّوغات لي كيعرف | عربية | |
| ||
محمد بن علي رّباطي (1861-1939) كان من بين لفنانين تشكيلين لمغاربة لوالا.[1][2][3] كيما كاتوحي كنيتو، تولد رّباطي ف رّباط عام 1861.[3] والاكين، كان ساكن ف طانجا، فين — واخا ماتبعش شي تدريب رسمي — كانو كيعاونوه فنانين ؤروپيين، ؤ فين كان كيمكن ليه ياخد لماطرييل د لوان د لما.[1]
ف1903، ولا رّباطي طباخ عند رّسام لإرلاندي سير جون لاڤيري، لي ستاقر لأول مرة ف لمغريب ف 1890.[3] لاحض لاڤيري بلي رّباطي كان رسام موهوب ب لوان د لما.
كان لمعرض لول د رّباطي ف ݣوپيل ݣاليري ف لندن عام 1916. دار لمعرض تاني ديالو ف مارساي ف فرانصا عام 1919، ؤ لمعرض تالت ف قصر د لمامونية ف رّباط عام 1922.
كان كيفضل رّباطي لخدمة ب لوان د لما ف لوراق علا صباغة د زّيت ف توب.[1] كان كيرسم بزاف مدينة طانجا، لقصبة ديالها، ؤ ناس لي فيها. رسم رّباطي شكالات باشارية ب طريقة بسيطة، ؤ كان كيرسم ف لغالبية د لوقت مشهد كبير ملون معا بزاف د ناس.[1]
كان ديما كيسني طابلويات ديالو ب لعربية.[1]
- ^ a b c d e Powers، Holiday. "محمد بن علي الرباطي". Mathaf Encyclopedia of Modern Art and the Arab World. مأرشيڤي من لأصل ف 26 يناير 2022. تطّالع عليه ب تاريخ 2019-10-19.
- ^ "محمد بن علي الرباطي .. أول رسام على الطريقة الأوروبية". مغرس. مأرشيڤي من لأصل ف 2023-10-05. تطّالع عليه ب تاريخ 2019-10-19.
- ^ a b c "نوائب الزمان ترمي بمنزل التشكيلي الرباطي في غياهب النسيان". هيسپريس (ب لعربية). مأرشيڤي من لأصل ف 2019-10-19. تطّالع عليه ب تاريخ 2019-10-19.