ماكوطو يوكيمورا
ماكوطو يوكيمورا
| ||
 | ||
| معلومات عامة | ||
| زيادة | 8 ماي 1976 (49 عام) يوكوهاما | |
| لجنسية | الجاپون | |
| لحرفة | مانݣاكا | |
| لّوغات لي كيعرف | جاپونية | |
| معلومات خرى | ||
| لأعمال |
| |
| لجوايز |
| |
   | ||
ماكوطو يوكيمورا (مزيود ف 8 ماي 1976) هوّا مانڭاكا (رسام د لمانڭا) جاپوني مشهور ب تأليفو ل لمانڭا ڤينلاند صاڭا Vinland Saga.[1]
يوكيمورا قرا أول مانڭا ملي كان عندو 5 سنين، لي كان دكتور سلامپ ديال أكيرا طورياما. فاش كان عندو 16 عام، قرر باش يولي رسام د لمانڭا، و بدا كيتعلم ل هاد لحرفة، و فاش كان عندو 18 عام ولّى خدام مساعد ديال مانڭاكا. بعدما تخرّج من جامعة تشوو ف طوكيو على عمر د 22 سنة، تلاقى معا عدد د الرسامين لمعروفين لي عاونوه ف تطوير لقدرات ديالو.
أول عمل ديالو بوحدو كان مانڭا ديال لخيال لعلمي ب عنوان پلانيطيس Planetes لي خرج مابين 1999 و 2004، و مبازي عليه أنيمي ب نفس السمية. بجوج كانو ناجحين و ترشّحو و دّاو عدد د لجوايز.
ف أبريل 2005، بدا كيصدر ڤينلاند صاڭا لي لقصة ديالو كاتعاود على شخصية تاريخية أيسلاندية هوّا لمستكشف لأيسلاندي ثورفين كارلسيفني، و لقى نجاح كبير بزاف كتر من لعمل اللول ديالو.
ف واحد لحوار دارو ف مارس 2023، ڭال بلي فاش يسالي من ڤينلاند صاڭا بغا يرجع يقاد مانڭا ديال لخيال لعلمي.
- پلانيطيس (1999، 2004)
- حيت فراقنا قريب (جاپونية: さようならが近いので)، 2004
- ڤينلاند صاڭا (2005 تال دابا)
- ↑ "Yukimura, Makoto". Archived from the original on 2023-07-31. Retrieved 2023-04-03.
