مارس فيلاحي

مارس فيلاحي هوّا واحد الشهر ف ليومية لفيلاحية كايبدا في 13 مارس (تقويم ݣريݣوري) و كايكمّل ف 12 أبريل.

الاربع يام الاولين ديال مارس فيلاحي محسوبين ف ليالي حيّان.

لمنزلات لّي فيه

فيه تلاتة د لمنزلات:

• بطن لحوت
• نّتح
• لبوتاين

ف تّقافة شّعبية

مارس هوّا شهر موهيم بزاف لي موسم فيلاحي. كايبان في هد لقيصّة: طناش شّهر دايرين جتيماع. حضاش حاضرين من غير مارس. هوّا جا معطّل و ڭال:

يلا حضرت، واخا تغيبو
يلا غيّبت، واخا تحضرو.

لمعنة: ف مارس، كايسبّل زّرع. يلا كاين شّتا، سّبولة غد كون غليضة. يلا ماكاينش شّتا، واخا كان زّرع كبر مزيان، بلا ما، سّبولة غد يخرج خاوي.