لوليد ميمون
لوليد ميمون
| ||
 | ||
| معلومات عامة | ||
| زيادة | 19 مارس 1959 (66 عام) بني سيدل جّبل | |
| لجنسية | لمغريب | |
| لحرفة | شاعير و فنان موسيقي | |
| لّوغات لي كيعرف | تاريفيت، الداريجة لمغريبية، عربية و لفرانساوية | |
لوليد ميمون (ب لأمازيغية: ⵍⵡⴰⵍⵉⴷ ⵎⵉⵎⵓⵏ) (تولد نهار 19 مارس 1959 ف بني سيدال - إقليم الناظور) هو واحد لمغني أمازيغي مغريبي تيغني ب الريفية (تاريفيت), و معروف بسميًت "لماليك د لأغنية الريفية".
تولد الوليد ميمون ف بني سيدال ف إقليم الناظور ف 1959 ف أسرة ديال لفلاحة أبا على جد. من صغرو وهو تاتعجبو لموسيقا، و كان متبع بزاف إمديازن, اللي هوما لفنانا و الشوعارا اللي تيغنيو ف الريف. قرا الوليد الليسي فالناظور و ملي خدا لباك مشا للجامعة د ظهر المهراز ف فاس، و تمًا دار وعي سياسي و نضالي.
خرًج أول ألبوم ديالو ف 1981، و كانت سميتو أجاج، اللي هي الرعد. من بعد ماخرج لألبوم قبطوه لبوليس و ستنطقوه و منعو لألبوم يتباع و جراو على الوليد ميمون من لجامعة.[1] واخا هاكا بقا تيغنًي ب التخبية و خرج ألبوم آخر ف 1986، اللي سميتو أمتلوع (الشمكار), و اللي تباع عادي و ماتمنعش.
فاللول ديال التسعينات هاجر الوليد ميمون ل هولاندا، و خرج جوج ألبومات تمًا. ف 1997 مشا يعيش ف الكاناري، ولكن ماطوًلش فيها و مشا ل بلجيكا ف 1998، و هي اللي عايش فيها من ديك لوقت تال دابا.[2]
الوليد ميمون معروف بزاف عند الناس اللي تيسمعو لأغاني الريفية، و عندو عدد د لأغاني لمعروفة، منها بحال دابا:
- الدشار إنو (الدوًار ديالي)
- نشًين شا (حنا هنايا)
- سرام ڭانڭ (سمعو منًا)
- أدهار أوباران
- ↑ "الوليد ميمون - وغياب تغَرَّب قبل الأوان بأوان". Archived from the original on 20 يوليوز 2020.
- ↑ "الوليد ميمون - ملك الأغنية الأمازيغية الملتزمة". Archived from the original on 2020-12-25. Retrieved 2020-03-30.
 هادي زريعة ديال مقالة علا موضوع عندو علاقة ب شخصيات د لمغريب خاصها تّوسع. تقدر تشارك ف لكتبة ديالها. |
