لمندوبية سامية د تخطيط
لمندوبية سامية د تخطيط
| ||
 | ||
| معلومات أساسية | ||
| نوع د لمؤسسة | وزارة التخطيط | |
| لبلاد | لمغريب | |
| لموضع | حي رّياض | |
| تاريخ د تّأسيس | 2003 | |
| سّيت رّسمي | hcp.ma | |
| معلومات إضافية | ||
| فروع | ||
لمندوبية سّامية د تّخطيط (ب لفرانساوية: Haut Commissariat au Plan ؤلا ب ختيصار HCP) هيّا مؤسسة حوكومية مغريبية مستاقلة، مسؤولة على لـإنتاج و لـتحليل و لـنشر د لـمعلومات لإحصائية رّسمية فـ لمغريب.[1]
تأسسات فـ 2003 فـ عهد لـملك محمد السادس، و جات باش تعوض "وزارة تّخطيط و لـتوقعات لإقتصادية" فـ إطار إعادة هيكلة د لإدارة لي مسؤولة على تّخطيط و لـخـبار لإحصائية. من بين لـمهام ديالها: إعداد لـحسابات لوطنية، تّسيير د لإحصاءات لـعامة، و لـتحليل د لـوضعية لإقتصادية و لِجتماعية د لبلاد.
كايترأس هاد لـمؤسسة "مندوب سامي" كايتعين بـ ظهير ملكي. من أكتوبر 2024، شاد هاد لـمنصب سّي شكيب بنموسى.[2]
فـ لـأصل، كانت لـمهام د لـمندوبية كاتقوم بيها "وزارة تّخطيط و لـتوقعات لإقتصادية"، لي كانت مسؤولة على وضع مخططات تّنمية و لـتحليلات لـماكرو-إقتصادية باش تعاون فـ سّياسات لـعمومية.
مع لـوقت، و بـ سباب لإصلاحات لإدارية لي كانت كاتهدف لـ عصرنة نّظام لإحصائي لوطني و تقوية لِستقلالية د لـتحليل لإقتصادي، تم تجميع لـمهام د تّخطيط و لإحصاء فـ مؤسسة خاصة. هاد تّطور لـمؤسساتي خلا "وزارة تّخطيط" تولي هيّ "لمندوبية السامية د التخطيط"، وهيّ بنية تابعة نياشن لـ رئيس لـحكومة، و مسؤولة على لـإنتاج د لإحصاءات رّسمية، دّراسات لإجتماعية، و لـحسابات لوطنية.[3]
فـ شتنبر 2003، عيّن لـملك محمد السادس سّي أحمد لحليمي العلمي كـ أول مندوب سامي لـ تّخطيط. تحدد لإطار لـقانوني د لـمؤسسة بـ لـمرسوم رقم 2-12-74 فـ 26 يناير 2012، و لي وضح لـمسؤوليات و لـهيكلة لإدارية د HCP. و فـ 5 أبريل 2012، تعوضات سمية "وزارة تّخطيط" بـ "لمندوبية السامية د التخطيط" فـ كاع نّصوص تّشريعية.
لمندوبية السامية د التخطيط هيّ لي كاتنتج و كاتحلل و كاتنشر لإحصاءات رّسمية فـ لمغريب. لـمسؤوليات ديالها كاتشمل:
- إعداد لـحسابات لوطنية سّنوية و لـفصلية.
- تّسيير د لإحصاء لـعام د سّكان و سّكنى (RGPH).
- قياس لـمؤشرات سّوسيو-إقتصادية بحال نسبة لـبطالة و لـقدرة شّرائية.
- تتبع لـوضعية لإقتصادية، فين سجلات فـ لـربع لّول د 2025 نـمو بـ 4.8%.[4]
لـمندوبية خداّمة بـ بزاف د لـمديريات و لـمراكز لـمتخصصة:[5]
- لقطب لإحصائي: كايشمل مديرية لإحصاء و مديرية لـحسابات لوطنية.
- مراكز لـأبحاث: بحال مركز دّراسات و لـأبحاث دّيموغرافية (CERED) و لـمرصد د ظروف لـعيش د لـأسر.
- مؤسسات أكاديمية: لـمندوبية كاتشرف على جوج مدارس كبار د لـمهندسين و لـأطر: لمعهد الوطني د لإحصاء وليقتصاد للتطبيقي (INSEA) و مدرسة علوم لإعلام (ESI).
- ↑ "Qui sommes-nous ?". hcp.ma. Retrieved 2026-03-14.
{{cite web}}: Unknown parameter|langue=ignored (|language=suggested) (معاونة) - ↑ Faouzi, Adil (2024-10-18). "King Mohammed VI Appoints Chakib Benmoussa as High Commissioner for Planning". Morocco World News. Retrieved 2026-03-14.
- ↑ "Réforme du haut-commissariat au Plan". fnh.ma. Retrieved 2026-03-14.[ليان مهرس ديما]
- ↑ "Maroc : la croissance bondit à 4,8 % au premier trimestre 2025". APAnews. 2025-07-09. Retrieved 2025-07-10.[ليان مهرس ديما]
- ↑ "About HCP". HCP Official. Retrieved 2026-02-06.
