لمحجوبي أحرضان
لمحجوبي أحرضان
| ||
| ||
| معلومات عامة | ||
| زيادة | 1921 والماس | |
| لموت | 15 نونبر 2020 (98/99 عام) الرباط | |
| طريقة دلموت | موتة طبيعية | |
| سباب لموت | توقف القلب | |
| لجنسية | لمغريب | |
| لحرفة | سياسي، زوّاق و شاعير | |
| لّوغات لي كيعرف | عربية، تمازيغت (وسط لمغريب) و لفرانساوية | |
| معلومات خرى | ||
| لحيزب | لحركة شعبية (2006–2020) لحركة لوطنية شعبية (1991–2006) لحركة شعبية (1957–1991) | |
| لجوايز |
| |
لمحجوبي أحرضان (ب لأمازيغية : ⵍⵎⵃⵊⵓⴱⵉ ⴰⵃⵕⴹⴰⵏ)، لي معروف بسميت زّايغ، تولد فـ 1921 ولا 1922 ف والماس ؤ مات ف 15 نونبر 2020 ف الرباط[1]، كان عسكري ؤ سياسي مغريبي.
أصلو من لقبيلة د أيت عمار لي تابعة لأيت سݣوݣو، لمحجوبي أحرضان قرا ف لكوليج د أزرو ؤ موراها ف لمدرسة لعسكرية د مكناس.[2] شارك لمحجوبي معا لجيش لفرانصاوي ف لحرب لعالامية تانية، ؤ فديك لوقيتة ديال لحيماية لفرانصاوية تعين قايد د والماس بين 1949 ؤ 1953.[2]
مور ستيقلال، كان بين ناس لولين لي دخلو لسياسة، خدا بزاف لمناصب ف لحكومة، ؤ تعين والي د رباط، من بعد ولا لكاتيب لعام د لحركة شّعبية ف1962، أحرضان قدر يشارك ف8 لحوكومات مغريبية، من بين لوزارات لي كان شاد؛ وزارة دفاع (1961-1964)، وزارة لفلاحة (1964)، وزارة لفلاحة ؤ لإصلاح زراعي (1965)، وزارة دفاع (1966-1967)، وزارة دولة (1977)، وزارة لبريد ؤ لمواصلات (1977)، وزارة تعاون (1979) ؤ وزارة دولة (1983).
دافع لمحجوبي أحرضان فاش كان ف لحركة شعبية علا ناس د "لبلاد". مورا ماوقع نشيقاق لول ف لحركة شعبية عبر لمحجوبي أحرضان علا توجهات ديالو لأمازيغية ف لبرامج ؤ لخطابات ديالو، مفتاخر ب لأصول لأمازيغية ؤ ب تّرات لأمازيغي د لمغاربة، طالب باش تقرا لوغة لأمازيغية ؤ واجه تّيارات ديال تعريب ف لمغريب. عند لمحجوبي أحرضان شي روايات ؤ شعر كيتعلق بتقافة لأمازيغية.
- ^ "Décès de Mahjoubi Aherdane" [لْموت ديال المحجوبي أحرضان]. leconomiste.com (ب لفرانساوية). 2020-11-15. مأرشيڤي من لأصل ف 2023-04-16. تطّالع عليه ب تاريخ 2020-11-15.
- ^ a b Thomas Kerlin Park؛ Aomar Boum (2006). Historical Dictionary of Morocco (ب نڭليزية). Scarecrow Press. ص. 21. ردمك 0810853418.
|
تقدر تزيد شوف بزاف د تّصاور و لمعلومات ديال Mahjoubi Aherdane ف ويكيميديا كومنز. |