لماهاطما ݣاندي
موهانداس كرمشاند ݣاندي (بلݣوجارلتية: મોહનદાસ કરમચંદ ગાંધી - تولد ف 2 أكتوبر 1869 - مات ف 30 يناير 1948) ولمعروف بسميت لماهاطما ݣاندي، كان واحد السياسي هندي والشاف الروحي د لحركة د الاستقلال د لهند من بريطانيا. سميت لماهاطما تاتعني الروح لعضيمة,[1] وعطاهالو الشاعر لهندي طاݣور. كان ݣاندي تيطالب بلمقاومة دلإستعمار بلعصيان لمدني و بطريقة سلمية. الطريقة ديالو كان ممنوع فيها يهزَ السلاح ولا يدابز، و لفكرة ديالها كانت هي يقاوم لبريطانيين بالسلمية.
لعيد ميلاد د ݣاندي, اللي هو نهار 2 أكتوبر، هو عطلة ف لهند، و عالميا هو النهار لعالمي ديال اللاعنف.[2]
بزاف د الناس كانوا باغين يقتلو ݣاندي، وكان غادي يتًقتل 6 د لمرًات.[3] لمرة السادسة نجح فيها القتًال, و تقتل ݣاندي فدلهي ف 30 يناير 1948. كانو لهندوس لمتطرفين باغين يقتلوه حيت كان تيجيهم باللي تيجي من لمسلمين و باللي هو خان لهندوسية و تيشجع التقسيم د لهند.[4]
- ↑ "مقال على ݣاندي فجريدة الوطن لمصرية". مأرشيڤي من لأصل ف 2019-10-22. تطّالع عليه ب تاريخ 2020-02-14.
- ↑ "ليوم لعالمي للاعنف فالسيت د لأمم لمتحدة". مأرشيڤي من لأصل ف 2023-04-29. تطّالع عليه ب تاريخ 2020-02-14.
- ↑ "التاريخ د لمحاولات الستة د لقتيل د ݣاندي".
- ↑ "لأسباب د لقتيلة د ݣاندي". مأرشيڤي من لأصل ف 2021-06-21. تطّالع عليه ب تاريخ 2020-02-14.
 |
ويكيميديا كومنز عندا تصاور و معلومات على لماهاطما ݣاندي. |
 هادي زريعة ديال مقالة خاصها تّوسع. تقدر تشارك ف لكتبة ديالها. |