لعمر د أدالاين
لعمر د أدالاين
| ||
.jpg) | ||
| معلومات عامة | ||
| لعنوان لأصلي | The Age of Adaline | |
| نوع د لفيلم | فيلم رومانسي، فلم خيال، فلم دراما و فيلم ميلودراما | |
| تاريخ د نّشر | 9 يوليوز 2015 | |
| شركة د لإنتاج | ليكشور إنترتينمنت | |
| شركة د توزيع | أفلام لاينزڭييت، بيڭ بانڭ ميديا و ليونزغيت | |
| لموساهمين | ||
| لمخرج | Lee Toland Krieger | |
| سيناريست | دجي ميلز ڭودلو | |
| مودير د تّصوير | ديفيد لانزينبرغ | |
| مونتيج | سيدني كيمل | |
| مومتيلين | بليك ليفلي، مكيل هاوسمان، هاريسون فورد، إلين بورستين، كاثي بيكر، أماندا كرو، ليندا بويد، أنجالي جاي، ريتشارد هارمون، Mark Ghanimé، باركلي هوب، كريس مارتن، فولفيو سيسيري، هيرو كاناجاوا، Shaker Paleja، دانيال بيكون، روبرت مولوني، Anthony Ingruber و Serge Houde | |
        | ||
لعمر د أدالاين (لعنوان لأصلي The Age of Adaline) هو فيلم د لفانطازيا رومانسي ميريكاني خرج ف عام 2015. لفيلم من إخراج لي طولاند كريڭر و تأليف دجي ميلز ڭودلو و صالڤادور پاسكوڤيتز. لبوطولة د لفيلم لعبات دورو لمومتيلة بلييك لايڤلي، معا أدوار خرين لعبوهوم مومتلين معروفين بحال ميشييل هاوسمان، كاتي بييكر و هاريسون فورد (لي تّشهر ب الدور ديالو ف سطار وورز). لفيلم كيتّبع لقصة ديال أدالاين بومان، لي بعدما طرات ليها كسيدة على عمر د 29 عام، مابقاتش كاتشرف.
النجاح ديال لفيلم ف لبوكس ؤفيس كان محدود، ب 65,7 مليون دولار[1] (لإنتاج ديالو كلف 25 مليون دولار)، ولاكين تّعتابر من أحسن لأفلام ف السنوات اللخرة ملي خرج، و لأداء التمتيلي ديال لايڤلي و فورد نال إعجاب كبير. لفيلم ترشح ل جوج جوايز ف ساتورن أواردز نمرة 42، وحدة ل أحسن فيلم د لفانطازيا، و وحدة ل لايڤلي كا أحسن مومتيلة.
أدالاين بومان تولدات ف لبدية د عام 1908 ف سان فرانسيسكو. كبرات كيما أي بنت ميريكانية ف داك الزمان، و من بعد تجوجات، و ولدات بنت. راجلها مات ف كسيدة ف خدمتو، و 10 شهور موراها طرات ليها كسيدة ب الطونوبيلة فاش كانت كاتصوڭ فوسط عاصفة تلجية، و سكت ليها لقلب. ولاكين ضربة ديال لبرق رداتها للحياة، و من ديك الساع مابقاتش كاتشرف.
لقصة لفعلية كاتبدا ف 2014، و أدالاين ف عمرها 106 عام، ولاكين باقة كاتبان شابة ف لعشرينات، و مسمية راسها "جينيفر" باش مايعرفوهاش الناس.
- بلييك لايڤلي (أدالاين بومان) ("جينيفر")
- ميشييل هاوسمان (إليس دجونز)
- هاريسون فورد (ويليام دجونز)
- إيلين بورستيين (فليمينڭ)
- كاتي بييكر (كاتي دجونز)
- أماندا كرو (كيكي دجونز)
- أنطوني إنڭروبر (ويليام دجونز ف شبابو)
- هيو روص (الراوي)
- ↑ "The Age of Adaline" (ب الإنجليزية). Archived from the original on 2023-06-28. Retrieved 2023-06-28.
