لحسين لمانوزي

سمع (فيشي)
من ويكيپيديا
لحسين لمانوزي
معلومات عامة
زيادة 1943 (80/81 عام)
لجنسية لمغريب
لحرفة نقابي، ميكانيسيان، مناضل و نقابي
لّوغات لي كيعرف عربية، لوغات أمازيغية و لفرانساوية
معلومات خرى
لحيزب تيحاد لوطني د لقوات شعبية



لحسين لمانوزي (بالشلحة: ⵍⵃⵓⵙⵉⵏ ⵍⵎⴰⵏⵓⵣⵉ) (تولد عام 1943 ف تفراوت - تخطّف نهار 29 أكتوبر 1972 ف تونس لعاصمة) كان مناضل ونقابي مغريبي داخل مع لإتحاد لوطني د لقوّات الشعبية. ختافا لحسين لمانوزي نهار 29 أكتوبر 1972 ف لمطار ديال تونس ملّي كان مسافر للمغريب.

حياتو[بدل | بدل لكود]

لحسين لمانوزي كان من الناس اللي أسسو الشبيبة ديال لإتحاد لوطني للقوات الشعبية، و كان عندو نشاط نقابي كبير. ف 1964، جرات عليه الشركة اللي كان خدّام فيها (لخطوط لملكية لمغربية) علاود النشاط النقابي ديالو[1]، و مشا لبلجيكا.

عاش لحسين ما بين بلجيكا و فرانسا و لمغريب، و من بعد مشا لليبيا، و تمّا كان من الناس اللي خدمو فلبرنامج ديال "صوت التحرير"، اللي كان برنامج ضد النضام د لمغريب، و تيدوز مباشرة ف الراديو ديال ليبيا.[2] نهار 29 أكتوبر 1972، فالذكرى السابعة ديال لخطيف ديال لمهدي بن بركة، كان لحسين غادي يمشي ف طيارة من تونس للمغريب، و تمّا فين اتّخطف و ما بقا تا حد ما عارف شي خبار عليه.

لمصير ديال لحسين لمانوزي باقي ما اتّعرف تال دابا، و كاينة سميتو فاللائحة ديال الناس اللي لمصير ديالهم مجهول من لعوامات د الرصاص.[3]

عيون لكلام[بدل | بدل لكود]

  1. ^ جلال، سعد (2008-04-06). "الحسين المانوزي..لكي لا ننسى.. !!". هيسپريس (ب لعربية). مأرشيڤي من لأصل ف 2019-06-03. تطّالع عليه ب تاريخ 2022-08-27.
  2. ^ النباش، هشام (2020-05-23). "الحسين المانوزي.. يساري غيّبه الاختفاء القسري ومصيره مجهول إلى اليوم". أمَزان24 (ب لعربية). مأرشيڤي من لأصل ف 2023-03-30. تطّالع عليه ب تاريخ 2022-08-27.
  3. ^ العسبي، لحسن (2009-10-29). "ذكرى مناضل ..المختطف الحسين المانوزي.. منذ 37 سنة ووالداه ينتظران أن يعود." الاتحاد الاشتراكي (ب لعربية). مأرشيڤي من لأصل ف 2019-06-03. تطّالع عليه ب تاريخ 2022-08-27.
هادي زريعة ديال مقالة علا موضوع عندو علاقة ب شخصيات د لمغريب خاصها تّوسع. تقدر تشارك ف لكتبة ديالها.