لجامعة د مالطا
لجامعة د مالطا
| ||
| ||
| معلومات أساسية | ||
| نوع د لمؤسسة | جامعة حكومية و ناشر مفتوح المصدر | |
| لبلاد | مالطا | |
| تاريخ د تّأسيس | 1769 | |
| عاداد طّالابا | 11,269 | |
| عاداد لموضّافين | 3,033 | |
| سّيت رّسمي | um.edu.mt | |
| معلومات إضافية | ||
| عضو ف | اتحاد الجامعات المتوسطية، شبكة أوتريخت، الرابطة د الجامعات لؤروپية و لوكالة الجامعية لفرانكوفونية | |
| أملاك | ||
| ||
لجامعة د مالطا (بلمالطية: L-Università ta' Malta، UM قبل كانت UOM) هي مؤسسة د تعليم لعالي ف مالطا. كاتقتارح ديپلوم د باشلور، ماستر و دكتورا. هي عضو ف لجمعية د لجامعات لأوروپية و ريزو لاكسيس لأوروپي، وجمعية د لجامعات لكومنولس، و ريزو أوتريخت، وريزو سانتاندر، ومجموعة كومپوسيتلا والجمعية الأوروپية للتعلم على طول لحياة ف لجامعات (EUCEN) وبرنامج دولي ديال تبادل د طلاب (ISEP).[1]
لإسم لقصير ديالا هو ميليت Melit.
قبل لجامعة د مالطا، كانت كاينة واحد لجامعة مسيحية عيساوية إسما كوليجيوم ميليتينس (Collegium Melitense) تاسسات ف 12 نونبر 1592.[2] كان فلول موطعا ف واحد دار قديمة ف ڤاليطا. قبل ماتبنا لجامعة بين 1595 و 1597. لبناية لولة دبا معروفة بلسم د لبناية لقديمة د لجامعة.[3]
لعيساويين جراو عليهوم من مالطا ف 1768، و واخا لملكية ديالوم داتا لخزينة د نضام د لقديس جون، لجامعة بقات مفتوحة و لاساسد بقاو خدامين. لجامعة د مالطا بدات رسمياً ف 22 نونبر 1769 ملي مانويل پينتو دا فوسينكا سنا ضهير.[4] توقفات مؤقتاً ملي كان لمدير هو فرنسيسكو شيمينز دي طيخاضا ف 1770، قبل ماتعاود تفتاح ملي جا إمانويل دي روهان پولدوك ف 1779.[2]
تعوضات ب ليكول سونطرال (l'École Centrale) ملي فرانسا ستعمرات مالطا بين 1798 و 1800، ولكن عاودت فتحات ملي دخلو لينڭليز فلقرن 19. بين 1937 و 1974 لمؤسسة كان إسما لجامعة لملكية د مالطا.[3]
لبناية لرئيسية د جامعة د مالطا كاينة ف واحد لموطاع كيتسمى تال قروق ف مسيدة. مساحة ديالا تقريبا 250200 , جاو فيها أغلبية المؤسسات و المراكز د الجامعة.[5]
بلانات باش يبنو هاد لبناية بداو ف لخر د لخمسينات بعد ما الجامعة القديمة د ڤاليطا رجعات صغيرة بزاف. شكل د لبناية لجديدة صمماتو واحد شركة نڭليزية. عاوناتا فيها شركة مالطية إسما مورتيمير. لحجرة لولانية نزلوها ف 22 شتنبر 1964 نهار مورا ستقلال ديال مالطا. لبني تسالا ف 1970. شكل ديالا مأنسپيري من لجامعات د مريكان.[6]
لبناية د ڤاليطا هي أول بناية ديال لجامعة، كاينا ف لعاصمة د مالطا. لبناية كتستقبل محاضرات دولية و عدد قليل ديال الدروس و مدارس د الصيف. حاليا فيها مختبر د لبحت و لإبداع و تطوير, فيها مركز ديال لقراية و طرق حل لمشاكيل و فيها حتى لمكتبة ديال لجامعة.[7][8]
لعدد د تلامد تقريبا 11500 (منم 1074 ماجين من لخارج) كيقراو لوقت كامل أولا غير نص وقت. لجامعة تابعة لنظام ديال إيراسموس. كل عام كتخرجو منا 3000 تلميد. باش تدخلا خصك دوز واحد إمتحان منقط على 7.[9]
تلامد ديال مالطا و إتحاد لأروپي مكخلصو والو إدا كانو كقراو لوقت كامل نيڤو باشلور. لخلاص كيكون بنسبة نيڤو ماستر و ما فوق و بنسبة لتلامد لي مماجينشي من إتحاد لأروپي. كاين حاليا 600 تلميد براني فالجامعة شي لي كيمتل %7 من تلامد كاملين.
-
الدخلة ديال الجامعة -
بّناية لقديمة د لجامعة ف ڤاليطا -
كامپوس هاب، بنايات د السكنى و الشوپينڭ مابين الجامعة و سبيطار ماطير ديي Mater Dei -
لمكتبة ديال لجامعة د مالطا.
- ^ The Association of Commonwealth Universities. "University of Malta". مأرشيڤي من لأصل ف 14 أبريل 2012.
- ^ a b "History of the University". University of Malta. مأرشيڤي من لأصل ف 6 يناير 2018.
- ^ a b "History on the University of Malta Valletta Campus". University of Malta. 20 يناير 2015. مأرشيڤي من لأصل ف 9 يناير 2018.
- ^ Mifsud Bonnici، Carmelo (August 1936). "Fr. Emanuel Pinto de Fonseca" (PDF). Malta Letteraria. 11 (8): 230. مأرشيڤي من لأصل (PDF) ف 13 يناير 2020.
- ^ "Msida Campus". University of Malta. مأرشيڤي من لأصل ف 11 يوليوز 2020.
- ^ Hughes، Quentin؛ Thake، Conrad (2005). Malta, War & Peace: An Architectural Chronicle 1800–2000. Midsea Books Ltd. pp. 187–200. ردمك 9789993270553.
- ^ "Valletta Campus". University of Malta. مأرشيڤي من لأصل ف 11 يوليوز 2020.
- ^ "Valletta Venues". University of Malta. مأرشيڤي من لأصل ف 6 يناير 2018.
- ^ "MATSEC Examination Requirements / Regulations - AUFacts". AUFacts. مأرشيڤي من لأصل ف 2017-02-08. تطّالع عليه ب تاريخ 2017-02-07.