لانديكاتور د مايرز-بريݣس ديال لأنماط
| لمقال مقطوع من شجرة، ما كايدي ليه تا شي مقال أخر، زيد ليان ديالو ف مقالات خرين. |
لانديكاتور د مايرز بريݣس ديال لأنماط ف لمجال ديال تّيپولوجيا د شخصية هوّا تيست علا شكل مجموعة د لأسئلة، كيهدف ل تحديد لختيارات سّيكولوجية ديال نّاس لي كاتبين كيفاش كيشوفو لعالم ؤ كيفاش كياخدو قرارات. تّيست كيحاول يحدد 4 ديال نّواع د لأنماط: نّطيوائية ؤلا نّبيساط، لحسّان ؤلا لحدس، تّفكير ؤلا لإحساس، لحوكم ؤلا لإدراك. كلا واحد من هاد لعناصر كيتّرمز ليه ب حرف، شي لي كيعطينا شخصية مرموز ليها ب 4 د لحروف.[1]
هاد تّيست كيعطي 16 شخصية مختالفة هوما:
- لأنماط لمحللة:[2] intj , intp , entj , entp
- لأنماط الديپلوماسية:[3] infj , infp , enfj , enfp
- لأنماط لمنضمة:[4] istj , isfj , estj , esfj
- لأنماط لمستكشفة:[5] istp , isfp , estp , esfp
كاينين بزاف د نّتيقادات من طاراف عولاما د لپسيكولوجيا، لي كيعتابرو هاد تّيست ماشي دقيق ؤ ماشي عيلمي، حيت ماعندوش قدرة د تّنبؤ، ؤ ماكيوصفش أصلاً شخصيات لي كيدّاعي بلي كيوصفها، ؤ حتا نّتايج ديالو يقدرو يتبدلو عند نفس شّخص علا حساب فوقاش دارو. ؤ فوق من هادشي زݣل واحد لاصپي موهيم ديال شّخصية لي هوّا نّرڤوزية (ب نّݣليزية Neuroticism). كاين تيست أخور كيشبه ل تّيست ديال مايرز بريݣس لي كيتّعتابر عيلمي كتر، هوّا تّيست ديال لمزايا لخمسة لكبار د شّخصية (ب نّݣليزية Big Five personality traits).[6]
- ↑ "MBTI® Basics" (ب الإنجليزية). Archived from the original on 2023-07-03. Retrieved 2021-11-21.
- ↑ "Roles: Analysts" (ب الإنجليزية).
- ↑ "Roles: Diplomats" (ب الإنجليزية).
- ↑ "Roles: Sentinels" (ب الإنجليزية).
- ↑ "Roles: Explorers" (ب الإنجليزية).
- ↑ "Reinterpreting the Myers-Briggs Type Indicator From the Perspective of the Five-Factor Model of Personality" (ب الإنجليزية). doi:10.1111/j.1467-6494.1989.tb00759.x.
{{cite journal}}: Cite journal requires|journal=(معاونة); Unknown parameter|authors=ignored (معاونة)
 هادي زريعة ديال مقالة خاصها تّوسع. تقدر تشارك ف لكتبة ديالها. |