انتقل إلى المحتوى

كينطارو مييورا

من ويكيپيديا
كينطارو مييورا
معلومات عامة
زيادة11 يوليوز 1966
تشيبا
لموت6 ماي 2021 (54 عام)
طريقة دلموتموتة طبيعية
سباب لموتتسلخ الأبهر
لجنسيةالجاپون
لحرفةمانݣاكا، فنان د قصص مصورة، مؤليف د لكوميكس و رسام توضيحي
لّوغات لي كيعرفجاپونية
معلومات خرى
لأعمال
لجوايز
IMDB: nm1176135 Allocine: 210532 Rottentomatoes: celebrity/kentaro_miura TV.com: people/kentarou-miura
iTunes: 1065356633 Last fm: Kentaro+Miura Musicbrainz: 6feee136-edc8-42e7-84bd-3cb7d023d036 Discogs: 4049350 Modifica els identificadors a Wikidata


كينطارو مييورا (ب الجاپونية: 三浦 建太郎؛ مييورا كينطاروو، 11 يوليوز، 1966 – 6 ماي، 2021) كان فنان د لمانݣا جاپوني، تّعرف ب سيرية لمانݣا د لفنطازيا لكحلة بيرزيرك، لي بدات ف التسلسيل ف 1989 و كمّلات حتى ل لموت ديالو. على حساب 2023، بيرزيرك جابت كتر 60 مليون كوپية ف التسركيل (circulation)، هادشي لي ردّها وحدة من أكتر السيريات نتاع لمانݣا تباعو ف ݣاع لوقات. ف 2002، مييورا خدا الجايزة د لمتياز ف الجايزة التقافية السادسة د أوصامو طيزوكا.

لبدية د حياتو و التعليم

[بدل | بدل لكود]

هومييورا خلاق ف 11 يوليوز، 1966، ف تشيبا، مقاطعة تشيبا، الجاپون.[1] ف 1976، و هو عندو 10 سنين، صايب لمانݣا اللولى ديالو، معنوْنة مييورانݣر (Miuranger)، لي تنشرات على قبل ولاد قيسمو ف واحد لمنشور د لمدراسة؛ السيرية سالات و هي جامعة 40 ڤوليم.[2] ف 1977، مييورا صايب لمانݣا ديالتو الجاوجة، كين إي نو ميتشي (剣への道، "الطريق ل السيف")، لي فيها خدّم لمداد لهندي ل لخطرة اللولانية. منين كان ف لمدراسة ليعدادية ف 1979، الطيكنيكات دياولو د الرسيم ولاو حسن بزاف معا بدا يخدّم الطيكنيكات د الرسيم لحتيرافي.[3]

ف 1982، ف لوقيتة لي كان فيها ف لمدراسة التانوية، مييورا تقيّد ف واحد لموقرار فنّي، فين هو و ولاد قيسمو بداو ينشرو لاعمال دياولهم ف كتيْبات لمدراسة.[3] تمّاكين، تعاشر معا كووجي موري لي غايولي ف اللاحق مانݣاكا. ب جوج بيهم عاونو ف كتابة واحد لمانݣا ضووجينشي (doujinshi) د التعاويد لعلمي لي تسيفطات ل لمجلة السبوعية شوونين سانداي، و لايني سقطات ف الجولة اللخرانية ديال لعزيلة.[4] ف عمر ال18، مييورا خدم ب شكل قصير كا معاون ل جووجي موريكاوا، لي مشهور ب هاجيمي نو إيپّو. موريكاوا دغيا عرف ب النيڤو لفنّي الزايد د مييورا و سيفطو ف حالو، و قال بلي ماكاينة حتى حاجة لي يقدر يعلّمها ل مييورا و هو ماكانش أصلاً عارفها.[5][6] و ف ديك الساع، مييورا كان ديجا مرسوم عندو ف لپورطفوي واحد لمحارب مضلّم ب واحد السيف عملاق.[7][8]

لكاريير

[بدل | بدل لكود]

ف 1985، مييورا حط طلب باش يدخل ل كليّة لفنون ديال جامعة نيهون. و حط واحد لمشروع قصير، فطاطابي (再び، مرّة خرة")، على قبل لمتيحان و موراها قبلوه. لمشروع ف اللاحق جاب ل مييورا جايزة لمانݣا ال34 د فنانين لمانݣا الطالعين من مجلة شوونين السبوعية.[9] لعمل الجاي د مييورا، نووا (NOA)، تنشر ف مجلة فريش ف نفس لعام،[9][10] بلحق ماكانش ناجح.[11] ف 1988، ف لوقيتة لي كان كايخدم عند بورونسون على واحد لمشروع معنوْن ملك الدياب (王狼، أووروو)،[5] مييورا نشر واحد لپروطوتيپ د بيرزيرك ف لمجلة الشهرية كوميكومي د دار النشر هاكوسينشا؛[1][12] لپروطوتيپ د 48 صفحة جا هو التاني ف مسابقة لمانݣا السابعة د كوميكومي.[13] التسلسيل لكامل ديال بيرزيرك، لي غايولي أكتر عمل ناجح و مشهور د مييورا، بدا ف لمجلة الشهرية د هاكوسينشا، آنيمال هاوس ف 1989.[3] ف 1990، واحد لكمالة (sequel) ديال ملك الدياب، معنوْنة أووروو دين (王狼伝، "أسطورة ملك الدياب")، لي تنشرات ف نفس لمجلة.[14] ف 1992، آنيمال هاوس الشهرية تعاود تسمات يونݣ آنيمال، فين بيرزيرك كمّل ف التسلسيل. ف نفس لعام، مييورا تعاون معا بورونسون على لمانݣا جاپون (Japan)، لي حتى هي تنشرات ف يونݣ آنيمال.[15]

ف 1997، مييورا شرف عل لينتاج د واحد لانيمي آضاپطاسيو د بيرزيرك فيه 25 حلقة، لينتاج د أو إل إم (OLM, Inc)، لي تبتّ ف نفس لعام ف إن تيڤي (NTV). هو عاوتاني شرف على لعبة لڤيديو د 1999 ديال دريمكاست، سيف لبيرزيرك: الجعرة د ݣاتس. (Sword of the berserk: guts' rage). ف 2002، مييورا خدا جايزة لمتياز ف النسخة السادسة د الجوايز التقافيين د أوصامو طيزوكا على قبل بيرزيرك.[13][16] من 2006 و التسلسيل د بيرزيرك ولا كاويوقف ب شكل معاود و مجبد،[17] و ولى كايقلْب بين التسلسيل الشهري و التسلسيل اللامنتاضم. ف 2023، بيرزيرك تجمّع ل 42 ڤوليم طانكوبون ف الجاپون، و ف شتنبر 2023، جاب كتر من 60 مليون كوپية ف التسركيل ف لعالم، ب لحساب د لڤيرسيوات الديجيطال.[18] السيرية عاوتاني توسعات باش تشمل السلعات، الرسميين و لي مصاوبين من لفان ب جوج، لي تفاوتو من التماتل، فيݣورات د لاكسيو ل لپورطكلييات، لوعاب لڤيديو، و لعبة د تباديل لكارطا. شلا كتوبا د الرسيم و لماطيريالات التكميليين د مييورا لي تبازاو على بيرزيرك حتى هوما خرجو.

ف 2013، مييورا طلق لمانݣا لقصيرة و لمستاقلة ݣيݣانطو ماكشيا (Giganto Maxia)، لي تنشرات ف لبلايص الداويين ب النݣليزية من دارك هورس (Dark Horse) ف 2016.[19] دورانكي (Duranki)، واحد لمانݣا قصيرة من إنتاج الستوديو د لمانݣا الشخصي د مييورا، ستوديو ݣاݣا، تسلسلات ف يونݣ آنيمال زيرو ف 2019.[20]

التأتيرات

[بدل | بدل لكود]

مييورا فايت دكر بلي لعمل لي دار فيه التأتير لكبر هي لمانݣا د طيتسوو هارا و بورونسون، قبطة نجم الشمال/سيف النار (بدات ف 1983).[21] مييورا عاوتاني جاوه تأتيرات من لمانݣا د ݣو ناݣاي، جاك لعنيف (بدات ف 1979)، لافلام د پول ڤيرهووْڤن، السيرية د هيلرايزر (بدات ف 1987)، و لاعمال د هييِرونيموس بوص، إم. سي. إيشر، ݣوِسطاڤ ضوغيه، و پيطر بغوخل.[22]

ف 6 ماي، 2021، مييورا مات ب سباب نسيلاخ آيورطي (aortic dissection) مجهد، و هو عمرو 54. موتو تّعلن ل لپوبليك ف 20 ماي، 2021.[23][24] واحد لمراسم خاصين تدارو من لفاميلة ديالو.[14]

بزاف د فنانين لمانݣا عزاوه، منهم كووجي موري، عشير مييورا من وقيت التانوي،[25] و جووجي موريكاوا، لي شرك معاه واحد لقصة د الصحبة ديالهم.[8] الناس لي خدْمو ف لاضاپطاسوات د آنيمي بيرزيرك حتى هوما عطاو التحية ل مييورا، منهم سوسومو هيراساوا، لملحن ديال السيرية د 1997؛[8] نوبوطوشي كانّا و يووكو مييامورا، لي دارو الصوات د ݣاتس و كاسكا، ف السيرية د 1997، ب شكل مرادف؛[26] هيروواكي إيواناݣا، لي دار صوت ݣاتس من التلاتية د لافلام 2012–2013؛[26] و لمغنية يوشينو نانجوو، لي دارت صوت صونيا و أدات الطيمة د لختمة على قبل لموسم الجاوج د سيرية 2016 معا ناݣي ياناݣي.[8]

السيرية د مييورا بيرزيرك تحطات ب صيفتها وحدة من أكتر لمانݣات تباعو ف ݣاع لوقات،[27] و دارت تأتير على و وسايط لمانݣا و لي ما بعد منهم، الصحافية دجايد كينݣ علّقات: "صعيب تبالغ ف التأتير لهايل لي خلّاه لعمل ديالو ف لعالم د اللوعاب، لمانݣا، لفيلم، لانيمي، و حتى لأدب ب راسو". التصويرة ديال ݣاتس و سيفو لعملاق تقرنو ب كاراكطيرات لي آنسپيراو مييورا بحال كلاود سترايف د فاينل فانطاسي VII (Final Fantasy VII) و دانكي من السيرية د ديڤيل ماي كراي (Devil May Cry)، معا الجمالية ب شكل عام ديال لوحوش و لعالم د بيرزيرك لي مآنسپيريين من السيرية د الرواح لمضلمين (Dark Souls).[28][29] لمخرج د لوعاب لڤيديو هيديياكي إيتسونو و لمنتج هيرويوكي كوباياشي من لفانز ديال بيرزيرك، و اللعبة د تباديل لأدوار (role-playing) و التقطاع و الدبيحة (hack and slash) دراݣنز ضوݣما (Dragon's Dogma)، فيها واحد الدرع مبازي على هاداك د ݣاتس و ݣريفيث.[30][31] ف وقيت لمحادتة د مؤتمر الديڤلوپرز د اللوعاب (GDC) ف 2019، إيتسونو دكر بلي لمود و الستيل د ديڤل ماي كراي 5 (Devil May Cry 5) تآنسپيراو من بيرزيرك.[32]

بزاف د لكتاتبيا علّقو بلي مييورا و بيرزيرك حطو دارو تأتيرات عليهم، بحال لكتاتبي د إيكزورسيست زرق (Blue Exorcist) كازوي كاطو،[33] لكتاتبي د باكّانو! (!Baccano) و دورارارا!! (Durarara!!) ريووݣو ناريطا،[34] لكتاتبية د باطلر كحل (Black Butler) يانا طوبوصو،[35] لكتاتبي د بلاك كلوڤر (Black Clover) يووكي طاباطا،[36] و لكتاتبي د هجوم لعمالقا (Attack On Titan) هاجيمي إيساياما، لي عيط على السيرية "هايلة، و ناضية ب الجهد […] جاني واحد النطيباع بلي السيرية منضمة مزيان كيف شي فيلم".[37] يوكو طارو علّق بلي کايم، لپروطاݣونيست د دراكنݣارد (Drakengard)، تآنسپيرا من ݣاتس، لپروطاݣونيست د بيرزيرك.[38]

خرجات واحد الطلقة "تدكار" من يونݣ آنيمال كا ديديكاص ل مييورا ف 10 شتنبر 2021. زيد على هادشي الشاپيطر 364 من بيرزيرك من مورا لموت د مييورا، هاد الطلقة كان فيها واحد لكتييب سپيسيال "ميصاجات ل كينطارو مييورا" و واحد لپوصطيرة د "لمشاهد لمشهورين" من لمانݣا.[39][40] ف هاد الطلقة، لمانݣاكا كووجي موري، لي معاشر وقت طويل معا مييورا، نشر واحد لوان شوت معنونة "موري تشان كين تشان"، لي كاتعاود لقصة د صحبة موري معا مييورا.[41]

ف 7 يونيو 2022، هاكوسينشا و كووجي موري علنو بلي بيرزيرك غايبقى مكمل ف النشر، ب تخدام بلانات و تخميمات لي قالهم مييورا ب راسو ل موري، زيد عاوتاني مودكيرات و ديزاينات د لكاراكطير لي خلّاهم مييور.[42] و ماحدّو هو بوحدو لي عارف كيفاش مييورا كان ناوي يختم لقصة، موري تافق باش يكمّل السيرية و واعد: "غانكتب غير لحلاقي لي قالهم ليا مييورا. و ماغاديش نتعمق فيهم. ماغاديش نكتب لحلاقي لي ماعاقلش عليهم مزيان. غانكتب غير السطورا و لقصص لي وصفهم ليا مييورا".[42] لكريديتس كايبان دابا كا "عمل أصلي د كينطارو مييورا، الرسيم من ستوديو ݣاݣا، إشراف كووجي موري".[42][43][44]

لاعمال

[بدل | بدل لكود]
  • فطاطابي (再び، "مرّة حرة") (1985) – وان شوت (طلقة وحدة). تنشرات من لمجلة د كوضانشا شوونين السبوعية.[45]
  • نووا (Noa) (1985) – وان شوت. تنشرات من لمجلة د كوضانشا فريش.[10]
  • بيرزيرك: لپروطوتيپ (ベルセルク، بيروسيروكو) (1988) – وان شوت. تنشرات ف لمجلة د هاكوسينشا كوميكومي الشهرية.[14]
  • ملك الدياب (王狼، أووروو) (1989) – لكتابة من بورونسون، الرسيم من مييورا. تسلسلات ف لمجلة د هاكوسينشا آنيمال هاوس الشهرية.[46]
  • بيرزيرك (ベルセルク، بيروسيروكو) (1989–2021) – تسلسلات ف لمجلة د هاكوسينشا آنيمال هاوس الشهرية (1989–1992) و يونݣ آنيمال (1992–2021).[14]
  • أووروو دين (王狼伝) (1990) – كتبها بورونسون، و رسمها مييورا. تسلسلات ف لمجلة د هاكوسينشا آنيمال هاوس الشهرية.[46]
  • دجاپان (ジャパン) (1992) – كتبها بورونسون، و رسمها مييورا. تسلسلات ف يونݣ آنيمال.[46]
  • ݣيݣانطو ماكيا (ギガントマキア) (2013–2014) – تسلسلات ف لمجلة د هاكوسينشا يونݣ آنيمال.[14]
  • دورانكي (ドゥルアンキ) (2019–2020) – تسلسلات ف لمجلة د هاكوسينشا يونݣ آنيمال زيرو.[14]

مصادر

[بدل | بدل لكود]
  1. 1 2 三浦建太郎 [Kentaro Miura]. Natalie (in Japanese).
  2. ↑ 三浦建太郎先生年譜＆作品リスト [Kentaro Miura's Chronology & Work List] (in Japanese). Hakusensha.
  3. 1 2 3 Miura, Kentarō (2019). Berserk. DeAngelis, Jason,, Johnson, Duane, 1976-, Nakrosis, Dan,, Studio Cutie (Deluxe edition. First ed.). Milwaukie OR.
  4. ↑ Luster, Joseph (August 12, 2016). "FEATURE: "Berserk" Discussion Explores Kentarō Miura's Roots". Crunchyroll.
  5. 1 2 Pinon, Matthieu (April 16, 2019). "Personnalité de la semaine : Kentarô Miura" [Personality of the week: Kentaro Miura]. Animeland (in French).
  6. ↑ 【11限目】 特別インタビュー「僕が“森川ジョージ”になるためにやってきたこと」（4/4）. moae.jp (in Japanese). Kodansha.
  7. ↑ Paquot, Valentin (March 19, 2020). "George Morikawa : "En trente ans de manga je n'ai jamais eu le syndrome de la page blanche !"" [George Morikawa: "In thirty years of manga I have never had the blank page syndrome!"]. Le Figaro (in French).
  8. 1 2 3 4 Pineda, Rafael Antonio; Morrissy, Kim (May 20, 2021). "Creators Offer Condolences for Berserk Creator Kentarou Miura's Passing". Anime News Network.
  9. 1 2 三浦建太郎先生年譜＆作品リスト [Kentaro Miura's Chronology & Work List] (in Japanese). Hakusensha. Archived from the original on November 5, 1999.
  10. 1 2 Miura, Kentaro (January 1, 2002). Berserk Illustration Book (in German). Panini Comics. p. 121.
  11. ↑ C, Ben (September 21, 2012). "REEL ANIME: Kentaro Miura and how a manga epic went Berserk". Madman Entertainment.
  12. ↑ 「ベルセルク」三浦建太郎氏、24年ぶりの完全オリジナル新作―その間ベルセルクは連載お休み [Kentaro Miura, known for Berserk, releases first new original work in 24 years, while Berserk is on break]. Livedoor (in Japanese). November 8, 2013.
  13. 1 2 第6回 マンガ優秀賞 三浦建太郎 『ベルセルク』 [Sixth award for excellence in manga, Kentaro Miura's "Berserk"] (in Japanese). Asahi Shimbun.
  14. 1 2 3 4 5 6 Loo, Egan (May 19, 2021). "Berserk Manga Creator Kentarou Miura Passes Away at 54". Anime News Network.
  15. ↑ "JAPAN TPB". Dark Horse Comics.
  16. ↑ "2002 (6th) Osamu Tezuka Cultural Prizes". The Hahn Library
  17. ↑ Sherman, Jennifer (September 19, 2017). "Berserk Creator Reveals He Based Band of the Hawk on High School Friendship". Anime News Network.
  18. ↑ 作者急逝の「ベルセルク」、完結へ向け新刊 親友の漫画家が監修 (in Japanese). The Asahi Shimbun. September 25, 2023.
  19. ↑ Hodgkins, Crystalyn (May 16, 2015). "Dark Horse Adds Giganto Maxia, RG Veda, Danganronpa, I Am a Hero Manga". Anime News Network.
  20. ↑ Sherman, Jennifer (August 22, 2019). "Berserk's Kentarou Miura Produces New Duranki Manga". Anime News Network.
  21. ↑ ""Berserk" Discussion Explores Kentarō Miura's Roots". Crunchyroll. August 12, 2016.
  22. ↑ Bullington, Jesse (2019). "Kentaro Miura, Grandmaster of Grimdark". In Boskovich, Desirina (ed.). Lost Transmissions: The Secret History of Science Fiction and Fantasy. Abrams Books. p. 628.
  23. ↑ 訃報 三浦建太郎先生が逝去されました [Obituary: Kentaro Miura has passed away] (in Japanese). Hakusensha. May 20, 2021.
  24. ↑ 漫画家・三浦建太郎さんが死去 54歳 『ベルセルク』『ドゥルアンキ』など [Manga artist Kentaro Miura, known for "Berserk", "Duranki", Etc. passes away at age 54]. Oricon News (in Japanese). May 20, 2021.
  25. ↑ 『ベルセルク』などで知られる漫画家・三浦建太郎先生の訃報に際し、SNS上で反応を見せた同業者の声. animate Times (in Japanese). May 21, 2021.
  26. 1 2 『ベルセルク』主人公ガッツ役・岩永洋昭、作者の一言に感謝「一生忘れません」. Oricon News (in Japanese). May 20, 2021
  27. ↑ 漫画「ベルセルク」を長期連載中 三浦建太郎さん死去 [Author of long-running series "Berserk", Kentaro Miura, passes]. The Asahi Shimbun (in Japanese). May 20, 2021
  28. ↑ Park, Gene (May 20, 2021). "Remembering Kentaro Miura, legendary creator of 'Berserk', which inspired countless fantasy stories". The Washington Post.
  29. ↑ King, Jade (May 20, 2021). "Remembering The Life, Work, And Influence Of Kentaro Miura". The Gamer.
  30. ↑ Loo, Egan (September 15, 2011). "Berserk Film to Collaborate with Capcom's Dragon's Dogma". Anime News Network.
  31. ↑ Ming, Nate (February 16, 2012). ""Dragon's Dogma" gets "Berserk" Armor and Weapons, and Limited Edition Goods!". Crunchyroll.
  32. ↑ Behan, Daire (May 22, 2021). "Berserk's Influence on Video Games". Game Rant.
  33. ↑ 映画「ベルセルク 黄金時代篇II ドルドレイ攻略」-ストーリーガイド、加藤和恵インタビュー [Movie "Berserk: Golden Age Arc II - The Battle for Doldrey" Story Guide, Kazue Kato interview]. Natalie (in Japanese). Natasha, Inc. June 18, 2012
  34. ↑ Narita, Ryōgo [@ryohgo_narita] (May 20, 2021). ベルセルク本編はもちろんの事、ベルセルクに影響を受けた作品にも数多く触れてきて今も触れ続けているのだなとしみじみと感じる。 (Tweet) (in Japanese) – via Twitter.
  35. ↑ 『ベルセルク』などで知られる漫画家・三浦建太郎先生の訃報に際し、SNS上で反応を見せた同業者の声. animate Times (in Japanese). May 21, 2021
  36. ↑ Chéry, Lloyd (July 7, 2018). "Black Clover, le meilleur manga de fantasy expliqué par son auteur" [Black Clover, the best fantasy manga explained by its author]. Le Point (in French).
  37. ↑ 映画「ベルセルク 黄金時代篇III 降臨」-諫山創インタビュー、窪岡俊之監督インタビュー [Movie "Berserk: Golden Age Arc III - The Advent" - Hajime Isayama interview, Toshiyuki Kubooka interview]. Natalie (in Japanese). Natasha, Inc. January 28, 2013
  38. ↑ Yoko, Taro (May 4, 2013). 【仕事】ドラゴン３座談会とかイロイロ。. Taro Yoko Blog.
  39. ↑ 「ベルセルク」最新364話が次号ヤングアニマルに掲載、メモリアル企画も. Natalie (in Japanese). Natasha, Inc. August 12, 2021
  40. ↑ Hazra, Adriana (August 11, 2021). "Kentarou Miura's Berserk Manga Gets New Chapter". Anime News Network.
  41. ↑ Pineda, Rafael Antonio (September 11, 2021). "Kouji Mori Draws 1-Shot Manga About Lifelong Friendship With Kentarou Miura". Anime News Network.
  42. 1 2 3 『ベルセルク』再開のお知らせ (in Japanese). Hakusensha. June 7, 2022
  43. ↑ Pineda, Rafael Antonio (June 7, 2022). "Berserk Manga Continues Under Kentarou Miura's Assistants, Kouji Mori's Supervision". Anime News Network.
  44. ↑ 「ベルセルク」連載再開、「自分たちの中に根付いた『三浦建太郎』を真摯に紡ぎたい」. Natalie (in Japanese). Natasha, Inc. June 7, 2022.
  45. ↑ 週刊少年マガジン1985年36 [Weekly Shōnen Magazine 1985, 36]. Media Arts Database (in Japanese). Agency for Cultural Affairs. Archived from the original on May 21, 2021.
  46. 1 2 3 『原作者・武論尊、もしくは史村翔』 [Original creator, Buronson, also Fumimura Sho]. manga-gai.net (in Japanese). Ginnansha Co., Ltd. March 13, 2004.
مرجّعة من "https://ary.wikipedia.org/w/index.php?title=كينطارو_مييورا&oldid=425308"