كونفوشيوس
كونفوشيوس
| ||
 | ||
| معلومات عامة | ||
| زيادة | ج. 551 قبل لميلاد تشيوفو (ليو) | |
| لموت | ج. 479 قبل لميلاد (71/72 عام) Si River (ليو) | |
| طريقة دلموت | موتة طبيعية | |
| لجنسية | ليو | |
| لحرفة | فيلسوف، معلّيم و كاتب | |
| لّوغات لي كيعرف | شينوية قديمة | |
| لفاميلة | ||
| لواليد | 孔紇 | |
| لواليدة | Yan Zhengzai | |
| خوت | Meng Pi | |
| شريك | 亓官氏 | |
| لولاد | Kong Li 孔姣 | |
| معلومات خرى | ||
| دين | كونفوشية | |
| لأعمال |
| |
      | ||
كونفوشيوس (مزيود ف جوايه 551 ق.م، توفى ف جوايه 479 ق.م) لي سميتو فاش تزاد كونڭ تشيو كان فيلسوف شينوي ديال لفترة د الربيع و لخريف، لي كيتّعتابر من أعضم لحوكاما ف التاريخ د الشينوا. التعاليم ديال كونفوشيوس كيشكّلو الساس ديال التقافات د لمجتمعات ديال شرق أسيا، و تال ليوم عندهوم تأتير كبير بزاف ف الشينوا و شرق أسيا.[1] لفلسفة ديالو، لي كاتسمى لكونفوشيوسية كاتركز على لأخلاق لفردية و د لحوكومة، التعامل الصحيح بين لأفراد، لعدل، الضرافة، لإخلاص، و لمسؤولية ديال لحاكم باش يڭيدي على ساس ديال لفضيلة.[2]
كونفوشيوس عتابر راسو ناقل ديال لقيم د لفترات لي سبقوه، لي على حساب ما ڭال مابقاوش كيطبّقوهوم الناس ف زمانو. و كان كيدعو ل بر لواليدين، لوفا ل لفاميلة، التبجيل د الجدود، لإحترام ديال لولاد ل واليديهوم و الناس لي كبر منهوم، و لإحترام ديال لمرا ل الراجل ديالها. كونفوشيوس معروف ب لحكمة لفضية (لحكمة الدهبية ب صيغة د النفي) لي هيّ: "ماتديرش ل الناس لخرين داكشي لي مابغيتيش يتدار ليك".[3]
لفترة فاش عاش كونفوشيوس عرفات زديهار فكري كبير ف الشينوا. لأفكار ديالو ولّاو مقبولين بزاف ف لفترة د الدولات لمتحاربة، ولاكين تراجعو شوية ف لفترة لي تبعاتها ديال سلالة تشين. تحت السلطة د لإمبراطور وو د سلالة هان، خدات لكونفوشيوسية طابع رسمي ف الدولة، و ولّات لقراية ديالها إجبارية على أي واحد باغي ياخد منصب رسمي. ف لفترات ديال سلالات طانڭ و صونڭ، تطورات لكونفوشيوسية ل سيستيم فلسافي لي تسمى "لكوفوشيوسية الجديدة"، و من بعد ل لكونفوشيوسية لعصرية. من السلالات الشينوية لقديمة تال لفترة لعصرية، تدمجات لكونفوشيوسية ف النسيج لإجتماعي و لأسلوب د لحياة د الشناوا.[4]
تقليدياً، كيتّعتابر كونفوشيوس هوّ لمؤلف ؤلا لإديتور ديال عدد د النصوص لقديمة، لي منهوم لكلاسيكيات لخمسة. لأكاديميين ديال دابا كيحتاطو من نسب جميع هاد لمكتوبات ل كونفوشيوس، حيت شي وحدين منهوم و تا شي أفكار فلسافية ديالو عندهوم أصول قدم منو.[5] لمقولات ديالو تجمعو ف كتاب التعاليم د كونفوشيوس، ولاكين هادشي ما طرا تال سنوات مور لموت ديالو.
- ↑ "The Life and Significance of Confucius". www.sjsu.edu. Archived from the original on 2019-12-27. Retrieved 2017-09-27.
- ↑ "The Development of Confucianism in Ancient China". Constitutional Rights Foundation. Archived from the original on 7 أكتوبر 2023. Retrieved 2023-10-21.
- ↑ "Unthinkable: Which 'golden rule' of ethics is best, the Christian or Confucian?". The Irish Times (ب الإنجليزية). Retrieved 2023-10-21.
- ↑ Mark, Joshua J. "Confucianism". World History Encyclopedia. Archived from the original on 2021-04-17. Retrieved 2020-11-04.
- ↑ "The Philosophers of the Warring States". Khan Academy (ب الإنجليزية). Archived from the original on 2023-04-30. Retrieved 2023-04-30.
| عالمي | |
|---|---|
| وطني | |
| أكاديميا | |
| فنانين | |
| ناس | |
| غيرهم | |
