انتقل إلى المحتوى

كورݣي ويلزي

من ويكيپيديا
لمقال مقطوع من شجرة، ما كايدي ليه تا شي مقال أخر، زيد ليان ديالو ف مقالات خرين.
كورݣي ويلزي
كورݣي ويلزي
لعيشة
لمودة د لعيشة12 a
خصايصو
لعلو30 سم


كورݣي ويلزي (ب النݣليزية: Welsh Corgi) ولا غير كورݣي، هي سلالة صغيرة ديال كلاب الرعي لي تأصلات ف ويلز. السمية كورݣي (Corgi) تشتقات من لكلمات لويلزيين كور - Cor و كي - Ci (لي تطوورات ل ݣي - Gi)، و لي كايعنيو "قزم" و "كلب" ب شكل متابع.

جوج سلالات تحتانيين معتارف بيهم؛ لكورݣي لويلزي د پيمبروك و لكورݣي لويلزي د كارديݣان. شي تبدالات كسديين تشافو بينات الجوج نواع. على حساب السطونضارات د السلالة، لكارديݣان كاتكون كبر ب شكل عام، ف التقل و الطول ب جوج. قزازبهم كايكونو مبدلين ف الشكل، و التقزاب (Docking) لي كان كايتطبق على لكورݣيات قبل، دابا ممنوع ب شكل كبير.

تاريخياً، لپيمبروك منسوب ل لكلاب لي جاو معا لحبّاكين لفلامانيين (Flemish) ف جوايه لقرن 14، أما لكارديݣان مقرون ب لكلاب لي جاو معا لمستوطنين النورديكيين (Norse)، ب الضبط واحد الجد مشروك معا كلب لڤالهوند السويدي (Swedish Vallhund).

لپيمبروك هي لي شعبية كتر بينات الجوج سلالات التحتانيين، وخا هاكداك مازالة كاتبان ف الليستة د سلالات لكلاب لمحسوسين ف كلوب كينيل د لمملكة لمتحدة.[1] لكورݣي لويلزي د پيمبروك كسب الشعبية حيتاش إيليزابيط التانية كان عندها كتر من 30 پيمبروك ولا تكرويزات بين لكورݣي و داكسهوند (Dachshund) لي معروفين ب سمية الضورݣي (Dorgi).

التاريخ

[بدل | بدل لكود]

پيمبروكشير (Pembrokeshire) و كارديݣانشير (Cardiganshire) هوما جوج أقاليم فلاحيين و تاريخيين حدا بعضياتهم ف جنوب غرب ويلز.[2] لكورݣيات لويلزيين كانو كلاب د قطيع لبݣر، النوع د كلب لقطيع لي كايعيطو ليه "كعّاب" - "heeler" يعني كاينيّبو (nip) لݣدام/لكعاب د لحيوانات لكبر باش يخلّيوهم محركين.[3] التخليطة ديال الطولة لحادرة و لخفّة لخلوقية د لكورݣيات لويلزيين كاتخليهم يتجنبو حوافر لبݣر.[4] لموصطالاح "كورݣي" كايعني يا كلب-كور (Cur) يا كلب قزم (كور - cor = قزم، ݣي - Gi = ترطاب (lenition) د كي - ci، لي كاتعني كلب) ف اللوغة لويلزية، و لي ماكانوش ناويينها كا معيورة، و لاكين كا موصطالاح وصفي على لقد د لكلب.[2][5] تعاودو حجايات مبدلين على لأصل د هاد السلالة؛ شي وحدين كايآمنو بلي الجوج سلالات التحتانيين لعصريين تطوورو من أصل مشروك،[6] ف لوقيتة لي وحدين خرين كايقرنو لكورݣي ب لمجي د لحبّاكين لفلامانيين من لبدو د جوايه لقرن 10.[7] النضريات لخرين على لأصل ديال التنويع د پيمبروك كاتشير بلي واقيلا تأصلو من سلالات لقطيع لوسط أوروپيين من لمنطاقة الضايرة ب ألمانيا د دابا. على حساب لوقت فين هاد لكلاب تآمپورطاو ل ويلز، يقدرو يكونو يا دوتشه بغاكين (Deutsche Bracken) ولا داكسهوند (Dachshund).[8]

لكورݣي لويلزي د كارديݣان تنسب ل لمستوطنين النورديكيين (Norse) ف لمنطاقة.[9] لكلاب لي من شكال مشابهين موجودين ف سكانديناڤيا د دابا، كايعيطو ليهم لڤالهوند السويدي،[10] و شي توارخيين كايدّاعيو بلي هاد الجوج سلالات التحتانيين كايشركو جد مشروك.[11] ف اللخر د لقرن 19، السراحا بداو يقلْبو من تربية لبݣر ل تربية لحوالا، و لاكين لݣورݣي ماكانش لايق ف لمقابلة د لحوالا. التشابيهات بينات لكورݣيات لويلزيين تنسبو ل التكرويز بينات الجوج سلالات التحتانيين، ولا ب بساطة لمجاوجة ب لعزيلة من دوك لي تمناو التنويعة د لکارديݣان تبان قريبة ف طبيعتها ل لپيمبروك.[11]

أول تاريخ مشجل ل لكورݣيات لي كايبانو ف منصات الشوو ف ويلز كان ف 1925. لکاپطين جي. پي. هاول دار واحد الرونديڤو ل لموربيين د التنويعات د لكارديݣان و لپيمبروك ب جوج و صايب لكلوب د لكورݣي لويلزي، ب عضوية بديانية د 59 عضو. واحد السطونضار عام على السلالة تسطّر، و لكورݣيات بداو يبانو ف الشووات د لكلاب. حتى ل هاد اللحضة، حتى شي تنويعة من لكورݣي ماجاوجوها ب شكل خاص على وديت الشكل لبراني. لعضاء د هاد لكلوب كانو مهتمين ب شكل لولاني ب التنويعة د پيمبروك، وخا التنويعة د كارديݣان حتى هي بانت. و فهاد اللحضة، ولا كايعيطو ل السلالات التحتانيين التنويعات د پيمبروكشير و لكارديݣانشير؛ السميات موراها تقصّرو. كانو شلا نقاشات بينات لموربيين د الجوج تنويعات ف الشووات اللولانيين، حيتاش لحوكّام لي ف نفس لوقت كانو موربيين د شي تنويعة من الجوج، كانو دايماً كايجيو من التنويعة لي مربيينها.[12]

لبطولة اللولانية تخادت ف واحد الشوو ف كارديف ف 1928، من واحد لكلبة حمرة وبيضة د لپيميروك سميتها شان فاتش. لحكيم على التنويعات معا بعضياتهم كمّل حتى ل 1934، منين كلوب كينيل عتارف ب كل تنويعة ب شكل مفارق. ف هاد التقياد اللولاني، شي 59 ݣارديݣان و شي 240 پيمبروك تليستاو ف لكتوبا د لپيديݣري.[12]

لكورݣيات لويلزيين د كارديݣان كملو ف النقصان و ولاو نادرين على لپيمبروك، ب غير 11 ل تقياد تدار ف 1940. التنويعات ب جوج نجاو ف لحرب لعالمية الجاوجة، وخا لكارديݣانات لي تقيدو ف كلوب كينيل كانو غير 61 معا لمسالية د لحرب.[12] لپيمبروك ولا مشهور بزايد ف وقيت لعوام لي مورا لحرب ف لمملكة لمتحدة؛ ف 1953، جا ف الرتبة الرابعة ف أشهر سلالة شعبية ف كلوب كينيل، من مور كاكر سپانيْل النݣليزي، لبيرجي لألماني، و لپيكينوا.[13] من بعد، سلالة لكورݣي مات ليها لحوت، الطبيب لبيطاري برايان سينݣلتن قال ف جورنال ذا تايمس - The Times ف عام 1963 بلي هادشي كان ب سباب لمشاكيل د لمجاج ديالهوم.[14]

لكورݣي لويلزي د كارديݣان تليستا ف أول ليستة د السلالات لأصليين لمحسوسين د كلوب كينيل ف 2006.[15] هاد الليستة ديال دوك السلالات لي مقيدين ب قل من 300 كلب كل عام؛[16] كانو غير 84 كورݣي د كارديݣان مقيد ف 2006. من بعد واحد الزيادة لولانية، نقصو ل 46 ف 2010، و لايني ف 2015 طلعو ل لعدد الزايد ݣاع منين بدات الليستة، ب طوطال د 124 جرو مقيد.[15] ف 2013، لكورݣي لويلزي د پيمبروك حتى هو تزاد، حيت كان غير 241 جرو مقيد ف داك لعام. ف لوقيتة لي كلوب كينيل حط اللومة د هادشي على لامپورطاسيو د سلالات لكلاب لبرانيين،[16] جورنال ذا دايلي تيليݣراف - The Daily Telegraph حط اللومة د النقصان على قرار لمنع د تقزاب الزناطط لي تطبق ست سنين قبل.[17] وخا هاكداك، 2015 كان فيه زيادة د 35٪ ف عدد التقيادات د لپيمبروك؛ الشعبية د لكورݣيات ف لانسطاݣرام هي لي كانت سباب. لپيمبروكات تحيدو ف 2016 من الليستة د السلالات لأصليين لمحسوسين.[18][19]

السلالات لعصريين

[بدل | بدل لكود]
جوج كورݣيات ويلزيين، واحد د كارديݣان (ليسر) و لاخر د پيمبروك (ليمن)

الجوج تنويعات د لكورݣي لويلزي، لكارديݣان و لپيمبروك، تسماو على قبل لأقاليم لي ف ويلز فين تأصلو. لكلاب كايشركو بزاف د لخصايل لمشابهين بيناتهم، كيف لفرو ديالهم، لي كايريزيستي لما و كايبدلوه مرتين ف لعام كا متوسط. لكسدة د لكارديݣان طوْل ب شويش على ديال لپيمبروك؛ التنويعات ب جوج عندهم رجلين قصار، هادشي لي كايخلّي كسدتهم قريبة ل لرض.[20][21] هوما مامربعينش ف الجوانب بحال الطيريير - Terrier، و ماعندهومش كسدات مطوْلين بحال الطولة د كسدات الداكسهوند - Dachshund.[22] تشافو غير شي تبدالات صغار ف شكل الراس؛ ريوسهوم ب جوج بحال شي تعلب. الراس د لكارديݣان كايكون ف لعادة كبر من ديال شي پيمبروك و عندو نيف كبر.[23] كايخص غير شي يامات قلال من بعد لولادة باش يبان اللون لحقيقي ديال فرو لكورݣي، و هادشي كايبان ب الضبط ف التعلامات تلاتية اللوان (Tricolor) و د لكحل و لقهوي.[22] لكورݣيات د الزمان لعصري دايماً كايتنافسو ف طيسطات د لخفة، الطاعة، الستيعراض (Showmanship)، لكورة الطايرة (Flyball)، التبيع ب الشم، و السريح. كايقدرو يتعبرو غرايز السريح و لقابلية على الدريساج ف طيسطات لاتنافوسيين د السريح. لكورݣيات د لكارديݣان و لپيمبروك كايوريو واحد لغرايز د السريح ساسيين لي يقدرو يتصقلو على قبل لكومپيتيسيوات د السريح _ معروفين زنقاوياّ ب "ماد رن - Mad run".[24] لكورݣي لويلزي فايت تخدّم باش يقابل الدراري الصغار.[10]

لكورݣي د كارديݣان

[بدل | بدل لكود]
كورݣي ويلزي د كارديݣان

التبدالات بينات الجوج سلالات التحتانيين منهم، لبنية لعضمية، طولة لكسدة، و لقد. لكارديݣان هو لكبر ف الجوج تنويعات، ب ودنين ضايرين و كبر و ب قزيبة كيف ديال التعلب، فيها 30 سونتيميطر، و غادية ف نفس لخط معا لكسدة.[6] وخا لكارديݣان كايكونو فيه اللوان كتر من لپيمبروك، لبيض ماخصش يكون طاغي ف لفرو ديالو.[25] لكارديݣان عندو لفرو مدوبل فين لفرو لبراوي كايكون عامر، حرش ب شوية ف لقوام، و ف طولة موسطة. لفرو التحتاني كايكون قصير، رطب، و غليض.[10] على حساب سطونضار التنويعة، لعلو ديالها بين 27 و 32 سونتيميطر ل لكتاف، و كايخص توزن 14–17 لكيلو. لبنية السكوليطية د لكارديݣان مبدلة من ديال لپيمبروك، واحد التقويسة زايدة ف لقياس كاتكون عند هاد السلالة ف الرجلين لقداميين، لي مواتية معا لقفص الصدري د لحيوان. زيد على هادشي، لكارديݣان كايكون مكاضري ب زايد على لپيميروك ب كتافة عضمية كتر.[23]

تنويعة لكارديݣان عندها عدد كبر من لوان لفرو على تنويعة لپيمبروك، السطونضار د لكارديݣان كايخليه يكون عندو شلا تنويعات د لفرو بحال طبقات مبدلين من لحمر، الرملي (sable)، و لمزركط (brindle). التعلامات لبويض كايكونو متوقعين ف هاد التنويعة د لكورݣي، و شي واحد ب فرو كحل مسموح ليه يكون عندو نقاطي ب السمر ولا لمزركط على حساب قوانين الشوو د لكلاب. لعلمات د لميرل (merle) حتى هوما حاضرين ف التنويعة، وخا هادشي ف لعادة محصور غير ف لميرل الزرق.[26] شلا معايير لاتأهيليين كايتخدمو ف السطونضار د التنويعة على قبل الشووات د لكلاب. بحال لودنين الطايحين، لفرو لبيض، لعينين الزرقين، و نيف كحل ماصليبش ف لكلاب بلا التلوينة د ميرل.[27]

لكورݣي د پيمبروك

[بدل | بدل لكود]
كورݣي ويلزي د پيمبروك

كورݣيات پيمبروك كايوريو ودنين مقمقمين،[4] و هوما ب شي طريقة صغر ف لوقفة على لكارديݣان. هوما حادرين ل التحت، دكيين، صحاح، وكايصبرو على تامارة ب إينيرجي كافية باش يخدمو نهار كامل ف شي فيرما.[28] الطولة الشايعة حتى ل لكتف مابين 25–30 سونتيميطر، أما الدكر من هاد التنويعة ماكايخصوش يوزن كتر من 14 كيلوݣرام،، و النتوا 11 كيلوݣرام.[23] لقزيبة قصر من ديال لكارديݣان، لي تقدر تكون يا ب لمجاوجة يا ب التقزاب.[28] تاريخياً، لپيمبروك كانت تنويعة ب قزازب قصار بزاف (bobtail) ب شكل طبيعي.[4] و غير بانت فكرة التقزاب د لكلاب، لقزيبة لقصيرة ماكانتش مطمع، و ف عوض هادشي، لموربيين ركزو على خصايل خرين، و لقزيبة تقصّرات ب شكل صطيناعي يلا كان لازم. و ب لخودان ف لبال شي بلدان دابا كاتمنع التقزاب، شي موربيين كايجربو عاوتاني لعزيلة د كلاب ب جينات ديال لقزازب لقصار بزاف (bobtail).[29]

لوان د لفرو قل كايبانو ف التنويعة د لپيمبروك، بحال لحمر، الرملي، السمر، لبرونزي، و لكحل، كل لون فيهم يقدر يكون ب لعلمات لبويض ولا مايكونش. لبيض لكامل ولا الرمادي حتى هوما كايتشافو، و لايني كايتعتابرو عيوب كبار على حساب الشووات د لكلاب.[26] وخا هاكداك، لكورݣي لويلزي د پيمبروك ماعندو حتى معايير لاتأهيليين حاضرين ف السطونضار د التنويعة.[27]

لكورݣي لويلزي د پيمبروك عندو جوج فروات لي مبدلين ف الطول على طول كسدتهم. لفرو اللول كايكون فرو دخلاني قصير لي كايريزيسطي الجو لقاصح، ف لوقيتة لي لفرو لبراوي كايكون حرش و طوْل، ولايني طولتو موسطة. طولة لفرو كاتبدل على التوزيع د لفرو ف لكسدة. لفرو لي مور الطراف لقداميين و اللورانيين كايميل باش يكون طوْل و غلض، و حتى ل تحت من لكسدة. زيد على هادشي، كايبان بلي عندهم فرو كبر ف لحجم ف الصدر، لعنق، و لكتاف. لكورݣي لويلزي د پيمبروك عندو فرو كايتبدل.[30]

الصحة

[بدل | بدل لكود]
كورݣي د پيمبروك عمرو 14 لعام

على حساب واحد الستيطلاع صحي ف 2004، الجوج تنويعات د لكورݣي كان عندهم موعدال لعمر كيف كيف؛ متوسط لعمر د لموت كان 12 لعام و 3 شهور ب النسبة ل لپيمبروك و 12 لعام و شهراين عند لكارديݣان. لمسببات الساسيين د لموت كانو بحال بحال عند التنويعات ب جوج؛ السباب اللولاني كان كونصير لكلاب و لعمر لكبير. غير هو، تنويعة لپيمبروك بينات نسبات د لموت زيْد د فشل لكلاوي و نسيداد مجاري لبول.[31][32] الستيطلاع ورى بلي السلالة مضرورة من شي حالات صحيين مستامرين ب موعدالات مشابهين ب ستيتناء واحد: ف لوقيتة لي كتر من الربع د لكورݣيات لويلزيين د پيمبروك لي ف الستيطلاع تضرّو من شي نوع د حالة مرضية د لعين (eye condition)، غير 6.1٪ من لكورݣيات د كارديݣان لي تقاصو بيها.[31][32] لحالات لمرضيين النوعيين د لعين ف سلالة لكورݣي بحال ضمور الشبكية التدريجي (Progressive Retinal Atrophy)، لي دايماً كاتكون موجودة ف لكلاب لي عمرهم كتر من ست سنين، و ݣلوكوما لكلاب (Canine Glaucoma)، لي كاتكون شايعة كتر ف لكلاب لكبار ف لعمر.[33] الجلالة ف لكورݣيات كاتداوى ب التخراج د الجلالة (cataract extraction).[34] نسبات مياويين مشابهين تشافو ف ستيطلاع د الجوج تنويعات ف غراض متعلقين ب لمكاترة، بحال لحاجة ل ولادة سيزاريان (caesarian section) و لحمالة لمزورة (false pregnancie). تشابيهات خرين حتى هوما تشافو بلي متعلقين لغراض السكوليطوعضليين (musculoskeletal)، بحال حريق لمفاصل (arthritis)،[31][32] وخا هاكداك، خلل تنسوج لورك (hip dysplasia) لي شايع ف شي نواع د لكلاب، كايكون نادر عند سلالة لكورݣي.[33]

التأتيرات التقافيين

[بدل | بدل لكود]

لملكة إيليزابيط جاوجات 10 د الجيال من لكورݣيات د پيمبروك، و ملكات شخصياً كتر من 30 كلب من هاد التنويعة، لي كانو ياما كورݣيات ويلزيين د پيمبروك أصيلين (purebred) ياما تكرويزات بين لكورݣي و الداكسهوند لي كايعيطو ليهم الضورݣي (dorgi).[35][36]

لكورݣيات عاوتاني بانو ف الشاشة، لخشبة، و الريوايات. لكورݣيات ب صيفتهم كاراكطيرات تدخلو ف لكتاب لقصصي د لفنطازيا كورݣيڤيل فير (corgiville fair)، لختيطاف لكبير د كورݣيڨيل (the great corgiville kidnapping) و كريسماس د كورݣيڤيل د لكتاتبية و الرسامة تاشا توضور.[37] ف لفيلم لي من بطولة إلڤيس پريسلي د عام 1961، هاواي زرقا (Blue Hawaii)، واحد لكورݣي لوكال بان ف واحد السين كايعاون ف التحضار د فوطة.[38] ف 1963، واحد لكورݣي بان ف لفيلم د ستوديوات وولت ديزني، كلب صغير موضر (little dog lost)،[39] لي ودى ف واحد الزيادة ف شعبية السلالة ف ميريكان.[40] واحد لآضاپطاسيو مسراحية سميتها لعملاق لكبير الضريف (bif friendly giant) د لكتاتبي لويلزي رولض ضول و لي كان خصها بزاف د لكورݣيات لمبدلين ف لخشبة ب صيفتهوم دوك لكورݣيات د لملكة إيليزابيط.[41] كورݣيات لملكة (the queen's corgis) هو فيلم آنيماسيو بلجيكي كايصور لكورݣيات د لملكة.[42]

ف لآنيمي كاوبوي بيبوپ (cowboy bebop)، لكرو كان عندهم واحد لكورݣي ويلزي د پيمبروك دكي ب زايد، سميتو آين (ختيصار د آينشطاين) ف لمركبة ديالهم.[43] الريواية لمصورة كورݣي (korgi) د دار النشر طوپ شيلف كاتلعب على التقليد لفولكلوري د لكورݣيات ب صيفتهم حيوانات د الجنيات (fairy).[44]

السيرية التلفازية لميريكانية د لانيماسيو، طران لمالانيهاية (infinity train) ورات واحد لبلاد د كورݣيات آنطروپومورفيين (anthropomorphic) معروفين ب سمية كورݣينيا و لي حاكمهم لملك آتيكوس.[45]

ف السيتكوم لميريكاني بروكلين ناين ناين (Brooklyn Nine-Nine)، لكاراكطيرات كاپطن هولت و كيڤن كوزنر مالكين واحد لكورݣي د پيمبروك سميتو تشيدر. تشيدر كايخدم كا تلهية كوميدية و كايعاود يبان ف شي حلقات كل موسم[46][47]

مصادر

[بدل | بدل لكود]
  1. ↑ "The Queen's Corgis designated a 'vulnerable' breed". The Telegraph. 8 February 2015
  2. 1 2 Beauchamp, Richard (1999). Welsh Corgis: Pembroke and Cardigan. Hauppauge, NY: Baron's. p. 7
  3. ↑ Boorer, Wendy (1975). Dogs. London: Octopus Books. p. 17
  4. 1 2 3 Boorer, Wendy (1975). Dogs. London: Octopus Books. P. 17
  5. ↑ Beauchamp, Richard (1999). Welsh Corgis: Pembroke and Cardigan. Hauppauge, NY: Baron's. p. 8
  6. 1 2 Boorer, Wendy (1975). Dogs. London: Octopus Books. P. 18
  7. ↑ McGreevy, Paul (1999). Dogs. San Francisco: Weldon Owen. P. 300
  8. ↑ Beauchamp, Richard (1999). Welsh Corgis: Pembroke and Cardigan. Hauppauge, NY: Baron's. P. 8
  9. ↑ McGreevy, Paul (1999). Dogs. San Francisco: Weldon Owen. p. 301.
  10. 1 2 3 Bennett Woolf, Norman. "Welsh Corgis: Small Dogs With Big Dog Hearts"
  11. 1 2 Beauchamp, Richard (1999). Welsh Corgis: Pembroke and Cardigan. Hauppauge, NY: Baron's. p. 9
  12. 1 2 3 Beauchamp, Richard (1999). Welsh Corgis: Pembroke and Cardigan. Hauppauge, NY: Baron's. p. 10.
  13. ↑ Steinkoff, Alan (21 March 1953). "Putting on Royal Dog". The Oil City Derrick. No. 27636. p. 8.
  14. ↑ "The Bulldog Breed IS All Wrong". The Times. No. 55870. 28 November 1963. p. 14.
  15. 1 2 "Comparative Tables of Registrations for the Years 2006-2016 Inclusive: Pastoral" (PDF). The Kennel Club
  16. 1 2 Grossman, Samantha (5 November 2013). "Everybody Panic: Corgis Are On Their Way to Becoming Endangered"
  17. ↑ Millward, David (3 November 2013). "Queen's favourite corgi endangered due to Labour law". The Daily Telegraph.
  18. ↑ Winter, Stuart (12 October 2015). "Corgi popularity on the rise thanks to social media". Daily Express.
  19. ↑ Nagesh, Ashitha (7 February 2016). "Pembroke Corgis and Old English Sheepdogs are officially no longer endangered". Metro.
  20. ↑ McGreevy, Paul (1999). Dogs. San Francisco: Weldon Owen. p. 300.
  21. ↑ McGreevy, Paul (1999). Dogs. San Francisco: Weldon Owen. P. 301
  22. 1 2 Niccoli, Ria (1989). Pembroke Welsh Corgis. Neptune City, NJ: T.F.H. Publications. p. 6
  23. 1 2 3 Beauchamp, Richard (1999). Welsh Corgis: Pembroke and Cardigan. Hauppauge, NY: Baron's. P. 15
  24. ↑ Hartnagle-Taylor, Jeanne Joy; Taylor, Ty (2010). Stockdog Savvy. Crawford, CO: Alpine Publications. P. 82
  25. ↑ Cunliffe, Juliette (2000). The Encyclopedia of Dog Breeds. Bath, England: Parragon Publishing. P. 237
  26. 1 2 Beauchamp, Richard (1999). Welsh Corgis: Pembroke and Cardigan. Hauppauge, NY: Baron's. P. 16
  27. 1 2 Beauchamp, Richard (1999). Welsh Corgis: Pembroke and Cardigan. Hauppauge, NY: Baron's. P. 17
  28. 1 2 Cunliffe, Juliette (2000). The Encyclopedia of Dog Breeds. Bath, England: Parragon Publishing.p. 237
  29. ↑ Hausman, Gerald; Hausman, Loretta (1997). The Mythology of Dogs. New York: St. Martin's Press. P. 275–277
  30. ↑ "Official Standard of the Pembroke Welsh Corgi" (PDF). American Kennel Club. American Kennel Club
  31. 1 2 3 Kennel Club/British Small Animal Veterinary Association Scientific Committee (2004). "Summary results of the Purebred Dog Health Survey for the Welsh Corgi Cardigan breed" (PDF). Kennel Club.
  32. 1 2 3 Kennel Club/British Small Animal Veterinary Association Scientific Committee (2004). "Summary results of the Purebred Dog Health Survey for the Welsh Corgi Pembroke breed" (PDF). Kennel Club.
  33. 1 2 Beauchamp, Richard (1999). Welsh Corgis: Pembroke and Cardigan. Hauppauge, NY: Baron's. P. 93
  34. ↑ Kim, Mu-young (2018). "Phacoemulsification for Cataract Secondary To Persistent Hyperplastic Tunica Vasculosa Lentis And Persistent Hyperplastic Primary Vitreous in a Welsh Corgi". Acta Veterinaria-Beograd.
  35. ↑ Bennett, Will (10 April 2004). "Queen's moving tribute to her favourite corgi". The Daily Telegraph.
  36. ↑ Haddon, Celia (20 April 2006). "Her devoted canine companions – cocker spaniels, labradors and, of course, corgis". The Daily Telegraph. London.
  37. ↑ "Who is Tasha Tudor?". Tasha Tudor Museum.
  38. ↑ Dowling, Tim (2 October 2022). "'Ah, the Queen's dog!' How the royal connection brought the corgi back into fashion". The Guardian.
  39. ↑ "Little Dog Lost". British Film Institute.
  40. ↑ Living, Marin (10 August 1974). "Mr. Snowshoes Has Proven Himself The Best Corgi In West". Daily Independent Journal. p. 38.
  41. ↑ "Corgis line up for royal role". The Times. No. 64128. 18 September 1991. p. 6.
  42. ↑ Keslassy, Elsa (12 February 2018). "Charades pre sells 'The Queen's Corgi' to key territories". Variety.
  43. ↑ Russell, H.D. (14 March 2016). "Cowboy Bebop - Whatever Happens, Happens". The Escapist.
  44. ↑ "Christian Slade". Top Shelf Productions.
  45. ↑ Archived at Ghostarchive and the Wayback Machine: "Atticus of Corginia |Infinity Train |Cartoon Network". youtube.com
  46. ↑ [55]Cheddar's Best/Fluffiest Moments! |Brooklyn Nine-Nine
  47. ↑ "Marc Evan Jackson Introduces Real-Life Cheddar To Brooklyn Nine-Nine Fans". News18
مرجّعة من "https://ary.wikipedia.org/w/index.php?title=كورݣي_ويلزي&oldid=431137"