سلوڭي
سلوڭي
| ||
| ||
| خصايصو | ||
| لعلو | 66 سم، 72 سم، 61 سم و 68 سم | |
السلوڭي ولاّ السلوڭي لمغريبي هو سلالة ديال الكلاب ديال الصيد، جاي من المغرب العربي و كيعترفو بيه المنظمة العالمية ديال الكلاب. هاد السلوڭي كيعيش فشمال إفريقيا من قرون، و كاين بزاف ف المغرب. مازال الناس كيستعملوه ف الصيد و العسّة.[1]
ماخصناش نخلطو هاد الكلب مع السلوقي لي كاين ف الخليج و الشرق الأوسط، ولا مع الكلب الأفغاني. السلوڭي المغربي عندو جسم متوسط و شعرو قصير و رطب. الأمازيغ و العرب ديال شمال إفريقيا (المغرب، الجزائر، تونس، و ليبيا) رباو هاد الكلب باش يصيدو بيه القنان و الثعلب و الغزال و الحلوف.[2][3] هاد لكلب قديم ف شمال إفريقيا، كيجري مزيان و خفيف و كيقدر يجري مسافات طويلة. عندو عنق طويل و ودنين مدليين. الڭسدة ديالو و كراعيه فيهم عظم مبين و عضلات قوية. عندو ديل طويل و مقوس فاللخر.[4] كيتميز بالخفة والدكاء، وجسمو متناسق. كرشو ضامرة، نظرو حاد، و عينيه كيبريو. كيجري بزاف، كيوصل حتى ل85 كيلومتر فالساعة ملي كيتبع الفريسة. كيكون سريع بزاف فوق الضهور ملي كيجري ورا الفريسة، وكينقص شوية فالهبطة.[5]
- ^ "SLOUGHI". www.fci.be. تطّالع عليه ب تاريخ 2025-01-01.
- ^ "Sloughi Dog Breed Information". web.archive.org. 2020-12-08. تطّالع عليه ب تاريخ 2025-01-01.
- ^ "Ocerico Sloughis – Top Winning AKC Sloughis". web.archive.org. 2020-11-25. تطّالع عليه ب تاريخ 2025-01-01.
- ^ "Wayback Machine" (PDF). cdn.akc.org. تطّالع عليه ب تاريخ 2025-01-01.
- ^ "«السلوقي»". archive.aawsat.com (ب لعربية). تطّالع عليه ب تاريخ 2025-01-01.
 هادي زريعة ديال مقالة خاصها تّوسع. تقدر تشارك ف لكتبة ديالها. |