قضية د التيكيات د ماتشات لمغريب ف كاس لعالم 2022
لقضية د التيكيات د ماتشات لمغريب ف كاس لعالم 2022 ؤلا لفضيحة د التيكيات د لمونديال كيما سمّاتها الصحافة، هيّ واحد لقضية لي بدات قبل لماتش د الدومي فينال ديال لمنتخب د لمغريب د لكورة ضد لمنتخب د فرانسا، حيت كان مفتارض باش يتوزّعو تيكيات د لماتش فابور على لمتفرجين لمغاربا، لي وفراتهوم الجامعة لملكية لمغريبية د كورة، ولاكين طرف منهوم غبر و عاود بان ف السوق لكحلة ب أتمنة خيالية.[1][2]
لقضية بدات ملي واحد التسجيل صوتي ديال شونطاج على التامان د التيكي مابين مشجع مغريبي و محمد الحيداوي، سياسي مغريبي و رئيس ؤلامپيك أسفي، تحط و تنتاشر ف أنتيرنيت. الحيداوي نفى بلي عندو علاقة معا لبيع و الشرا د التيكيات، و ڭال بلي لؤديو تّنشر غي مقطع منو باش تّشوّه السمعة ديالو.[3]
ف 27 دجنبر 2022، فوزي لقجع، رئيس الجامعة د كورة، ندد ب "لممارسات اللاأخلاقية" لي طراو ف هاد لافير، و علن على إنشاء لجنة ديال التحقيق ف لملابسات ديالها. و واعد بلي أي عضو ف الجامعة لي ساهم ف لبيع د التيكيات غادي يتعرض ل عقوبات و يتم الطرد ديالو من لمؤسسة. و كان ڭال بلي القرار اللخراني غادي يتعلن عليه ف الجمع لعام د 16 يناير 2023. ف نفس لوقت، لبوليس لقضائي لمغريبي حل تحقيق ف لقضية.[4]
ف يوليوز 2023، تشد محمد الحيداوي على مايتسالا التحقيق، ف لوقت لي تقرر متابعة الصحافي د راديو مارس عادل لعوماري ف حالة سراح.[5]
ف 11 غشت 2023، حكمات لمحكامة د عين السبع ف الدارلبيضا على محمد الحيداوي عضو ف مجلس النواب[6] و رئيس فرقة ؤلامپيك أسفي،[7] ب 18 شهر د لحبس و خطية د 2000 درهم، و على عادل لعوماري ب 10 شهور د لحبس و 1000 درهم خطية بسباب الدور ديالهوم ف لبيع اللاقانوني ديال التيكيات.[8][9]
عيون لكلام[بدل | بدل لكود]
- ^ "Heavy sentences for Mohamed El Hidaoui and Adil El Omari". 2023-08-12. مأرشيڤي من لأصل ف 2023-08-12. تطّالع عليه ب تاريخ 2023-08-12.
- ^ "Scandale des billets pour le Mondial 2022 : au Maroc, le dirigeant d'un club de football en détention". 2023-07-27. مأرشيڤي من لأصل ف 2023-08-12. تطّالع عليه ب تاريخ 2023-08-12.
- ^ "الحيداوي لMFM " هادكشي غير تخربيق والأوديو قطعو منو لي بغاو ودوزو لي بغاو باش يوسخو سمعتي"". 2022-12-15. مأرشيڤي من لأصل ف 2023-08-12. تطّالع عليه ب تاريخ 2023-08-12.
- ^ "Scandale des billets du mondial: Fouzi Lekjaa s'indigne et promet des sanctions". 2022-12-27. مأرشيڤي من لأصل ف 2023-08-12. تطّالع عليه ب تاريخ 2023-08-12.
- ^ "كازا..اعتقال محمد الحيداوي رئيس أولمبيك آسفي ومتابعة صحافي راديو مارس في حالة سراح فقضية تيكيات مونديال قطر". 2023-07-26. مأرشيڤي من لأصل ف 2023-08-12. تطّالع عليه ب تاريخ 2023-08-12.
- ^ "السيد النائب: محمد الحيداوي". تطّالع عليه ب تاريخ 2023-08-12.[ليان مهرس ديما]
- ^ "Scandale des billets du Mondial 2022: nouvelle décision du tribunal". 2023-08-10. مأرشيڤي من لأصل ف 2023-08-12. تطّالع عليه ب تاريخ 2023-08-12.
- ^ "Scandale des billets du Mondial: Prison ferme pour El Hidaoui et El Omari". 2023-08-11. مأرشيڤي من لأصل ف 2023-08-19. تطّالع عليه ب تاريخ 2023-08-12.
- ^ "الحكم بالسجن على محمد الحيداوي بسنة ونصف". 2023-08-11. مأرشيڤي من لأصل ف 2023-08-12. تطّالع عليه ب تاريخ 2023-08-12.
 هادي زريعة ديال مقالة خاصها تّوسع. تقدر تشارك ف لكتبة ديالها. |