غابة د لأمازون
تصويرة د لغابة د لأمازون.
خريطة د لغابة د لأمازون.
لغابة د لأمازون هي غابة استوائية جات ف أمريكا لجنوبية، و محسوبة أكبر غابة ف لأرض (فيها كتر من 5.5 مليون كم مربع). بقوة ما لغابة د لأمازون كبيرة، تاتسمّا "الرّية ديال لأرض"[1]، حيت تاتنتج بزّاف ديال لأوكسيجين اللي مهم للعيشة ديالنا.
لأغلبية د لغابة د لأمازون جات ف لبريزيل (60%)، و عاد كاين بلايص آخرا جات ف لپيرو (13%)، و كولومبيا (10%) و بوليڤيا و لإكواطًور و ݣويانا و سورينام و ڤينيزويلا. لأمازيون فيها تقريبا 390 مليار شجرة مقسومة على 16.000 نوع.[2]
تيعيشو ف لغابة د لأمازون كتر من 30 مليون د الناس، مقسومين على 350 إثنية، و 9 ديال لبلدان. 9% من هاد الناس معتارف بيهم باللي هوما سكّان أصليين، و منهم 60 مجموعة اللي معزولين و ساكنين ف لداخل د لغابة.
- ^ "هل غابات الأمازون حقا رئة الأرض؟ - الجزيرة (2019)". مأرشيڤي من لأصل ف 2021-09-27. تطّالع عليه ب تاريخ 2021-01-27.
- ^ "غابة الأمازون تضم 390 بليون شجرة - دام برس (2013)". مأرشيڤي من لأصل ف 2021-03-23. تطّالع عليه ب تاريخ 2021-01-27.
|
تقدر تزيد شوف بزاف د تّصاور و لمعلومات ديال Amazon Rainforest ف ويكيميديا كومنز. |
 هادي زريعة ديال مقالة خاصها تّوسع. تقدر تشارك ف لكتبة ديالها. |