عين بن صميم
عين بن صميم، ولا عين إيفران، كاينة هاد العين فمنطقة لإتصال د الهضبة العالية دالكلس ديال إيفران والسهل ديال تيڭريڭرا فالأطلس المتوسط الوسطاني الهضبي، هاد العين جات على الطريق الجهوية نمرة 7202 بين الطريق الوطنية نمرة 13 و الطريق الوطنية نمرة 8. حدا العين كاين مصنع فين تايعمرو الما دالعين و تايشحنوها لسوق باش كاتباع كما معديني بسميت عين إيفران، هاد العين كاينة وسط غابة طبيعية ديال البلوط.[1]
عام 2002 بدات شي جهات تاطمع فلاستغلال ديال الما ديال هاد العين لي تابعة لزاوية بن صميم، بالتحديد شركة «أورو أفريقيا للمياه»، و من بعد شركة «براسري» لي مسجلة فالمغريب و لي كاترجع الملكية ديالها لمجموعة «كاستل» الدولية. واجهو السكان ديال زاوية بن صميم هاد الطمع فالعين ديالهم بالإحتجاج، حيت كانو تايعتامدو عليها بزاف فالفلاحة لي هي النشاط لاقتصادي اللول فالمنطقة، لكن هذه الإحتجاجات تواجهات بالقمع، و تحكم على الناس لي حتجو بالحبس 3 شهور بلا تنفيذ و خطية. نجحات الشركة فالأخير باش تشيد مصنع ديال تعمار و الشحن ديال الما ديال العين كا ما معدني، لكن السكان واخا هكاك مزال مصرين على المطالب ديالهم،[2] خصوصا أن هاد القضية عرفات تضامن كبير من قبل المجتمع المدني الوطني والدولي، بما فيه جمعية العقد العالمي دالما.[3][4]
- ↑ "جمال "عين إفران" في بنصميم .. منبع مائي يترقب الترميم وإعادة التأهيل". web.archive.org. 2023-06-11. Archived from the original on 11 يونيو 2023. Retrieved 2023-07-03.
- ↑ "مجتمع : زوبعة الماء في قرية بن صميم لم تهدأ". web.archive.org. 2023-06-11. Archived from the original on 11 يونيو 2023. Retrieved 2023-07-03.
- ↑ "تفويت ماء عين بنصميم لشركة مغربية، جمعية العقد العالمي للماء تدين وتستنكر". 2023-06-14. Archived from the original on 14 يونيو 2023. Retrieved 2023-07-03.
- ↑ "افران : ساكنة بن صميم تفضح الاستغلال الممنهج لخيرات المنطقة". web.archive.org. Archived from the original on 14 يونيو 2023. Retrieved 2023-07-03.
 هادي زريعة ديال مقالة خاصها تّوسع. تقدر تشارك ف لكتبة ديالها. |