علال لفاسي

سمع (فيشي)
من ويكيپيديا
علال لفاسي
معلومات عامة
زيادة 10 يناير 1910
فاس
لموت 13 ماي 1974 (64 عام)
بوكاريست
سباب لموت مرض قلبي وعائي
لجنسية لمغريب
لحرفة سياسي و شاعير
لّوغات لي كيعرف عربية
لفاميلة
لولاد عبد الواحد الفاسي
لمحيط محمد الفاسي (ولد لعم ؤلا ولد لخال)
عباس لفاسي (نسيب)
محمد لوافا (نسيب)
نزار بركة (حفيد)
معلومات خرى
دين إسلام
لحيزب حيزب ستيقلال



محمد علال لفاسي، تولد ف فاس نهار 10 يناير 1910 ومات ف بوخاريست نهار 13 ماي 1974، كان واحد سياسي، كاتب، شاعر وعالم دين عربي مغريبي.

ف لوسط سياسي ؤ لحزبي، علال لفاسي كانو ملقبينو بسميت زّعيم.

عائيلتو[بدل | بدل لكود]

علال لفاسي تولد ف وسط عائيلة لفاسي لفهري من مدينة فاس، ؤ تزوج ملي كانت عندو 20 عام ب زهرة لفاسي لفهري لي ماتت ف 13 ماي 1974 ؤ ولد معاها 3 د لبنات و2 دراري: ليلى، أم لبنين (تزوجات ب عباس لفاسي)، عواطف (تزوجات ب محمد لوافا)، عبد لواحد (كان وزير الصحة ف حوكومة اليوسفي و عضو مهم ف حزب الاستيقلال) و أم هاني.[1]

من بين حفايدو، كانلقاو نزار بركة لي هو لأمين لعام د حيزب ليستقلال من 2017.

حياتو[بدل | بدل لكود]

تولد ف فاس ف لمغريب فعائلة معروفا بعلاقتها بدار المخزن، كايرجع اصلها للقبايل العربية[ماواضحش] و اللي كتوصل لصحابة الرسول محمد، و فنفس الوقت عندها اصول يهودية دخلات للإسلام فالقرن 16، بات علال كان قاضي و عالم و أستاد ف القرويين.

قرا العلوم ديال الدين فالقرويين ف 1927، ومن تما بدات التحركات اللولة ديالو مع الوطنيين، بسباب هادشي غادي يجريو عليه من الجامعة ف 1932 و غادي يدخل المدرسة الناصيرية.

غادي يبدا السياسة ف 1933 مور المشاركة ديالو فالمظاهرات ضد الفرانسيس بسباب الظهير البربري، اللي دار باش يفرق ف لمحاكم بين المغاربة العرب و الامازيغ، موراها غادي يأسس مع محمد لحسن الوزاني و أحمد بلافريج كتلة العمل الوطني، اللي هو أول تنظيم وطني غادي يجمع الدراري الوطنيين ديال فاس.

أسس حيزب ليستقلال لي كان عنصر مهم ف لحركة لوطنية ضد ليستعمار لفرانصاوي باش لبلاد ياخد ليستقلال ديالو. فنص ديال لخمسينات خرج من لحيزب باش يتبع توار لمسلحين ؤلموقاتيلين ف لمدن ضد لفرانسيس، ف لوقت لي كانت فيه لإديولوجيا د لحيزب كاتفضل حل سياسي وديبلوماسي.

فعام 1956، ملي لمغريب حدا ستيقلال ديالو، لفاسي رجع لحيزب ليستقلال ودافع على لموقف ديالو فجورنال لعلم باش لمغريب يرجع لأراضي لي كانت تابعة ليه من قبل.

فـ1959، ليساريين د لحيزب نشقو وأسسو حيزب جديد سماوه تيحاد لوطني للقوات شعبية، ؤموراها لفاسي ولا رئيس دحيزب ليستقلال.

فـ1962، لفاسي تعين وزير شؤون لإسلامية لفترة قصيرة، ؤموراها بعام دخل للبرلامان كنائب من حيزب ليستقلال. تما ولا هو زعيم ديال لموعاراضا من لخر ديال ستينات حتال لبدية ديال سبعينات.

مات ف عام 1974، ف زيارة لرومانيا لي كان خاصو يتلاقا برئيس نيكولاي تشاوشيسكو.

كتوبا ديالو[بدل | بدل لكود]

  • الحركات الاستقلالية في المغرب العربي (1948)
  • حماية أسبانيا في مراكش من الوجهتين التاريخية والقانونية (1948)
  • النقد الذاتي (1952)
  • السياسة البربرية في مراكش : عناصرها ومظاهرها وتطبيقها (1952)
  • محاضرات في المغرب العربي منذ الحرب العالمية الأولى (1955)
  • حديث المغرب في المشرق (1956)
  • دفاعا عن وحدة البلاد (1957)
  • نداء القاهرة (1959)
  • مهمة علماء الإسلام (1959)
  • كي لا ننسى (1959)
  • عقيدة وجهاد (1960)
  • مقاصد الشريعة الإسلامية (1961)
  • منهج الاستقلالية (1962)
  • الإسلام والتنمية في الاقتصاد العصري (1963)
  • مقاصد الشريعة الإسلامية ومكارمها (1963)
  • معركة اليوم والغد : المشروعية الديمقراطية التعادلية (1965)
  • واقع العالم الإسلامي (1966)
  • دائما مع الشعب (1967)
  • نضالية الإمام مالك (1971)
  • دفاع عن الشريعة (1973)
  • حديث عن التبشير المسيحي وبعض الوثنيات الطائفية الهندية (1973)

عيون لكلام[بدل | بدل لكود]

  1. ^ "الراحلة زوجة الزعيم علال الفاسي.. زهرة لم تذبل إلى آخر رمق". مأرشيڤي من لأصل ف 2022-08-18. تطّالع عليه ب تاريخ 2020-02-19.
Wikimedia Commons تقدر تزيد شوف بزاف د تّصاور و لمعلومات ديال Allal al-Fassi ف ويكيميديا كومنز.