ضمير ابلة حكمت
| لمقال مقطوع من شجرة، ما كايدي ليه تا شي مقال أخر، زيد ليان ديالو ف مقالات خرين. |
ضمير أبلة حكمت مسلسل درامي ميصري تّنتج ف عام 1991. لمسلسل نتجو تّلفيزيون لميصري و كتب سّيناريو و لحوار ديالو أسامة أنور عكاشة و دارت لإخراج ديالو إنعام محمد علي. هاد لمسلسل هو أول مسلسل متّلاتو لممتلة لمصرية فاتن حمامة و كان دار لموسيقا ديالو لموسيقار عمر خيرت.
لمسلسل زيادة على فاتن حمامة متّلو فيه أحمد مظهر، جميل راتب، عبلة كامل، صلاح قابيل، إبراهيم يسري و ممتلين خرين.[1]
لمسلسل كايعاود لقيصّة د مديرة د مدرسة د لبنات (أبلة حكمت هاشم، لّي متّلاتها فاتن حمامة) لّي قدرات تحقّق معجيزة فاش ردّات لمدرسة ديالها ميتال ل لمداريس د ميصر. هاد لقضية غادي تجرّ عليها بزّاف د لمشاكيل من عند نّاس لّي حاسدينها ولا ماشي ف مصلاحتهوم يتحسّن تّعليم (مّالين شكارة، لأساتيدة لّي كايزيدو سّوايع...).
- فاتن حمامة من بعد كاريير كبيرة ف سّينيما متّلات أول مسلسل ديالها و هي عندها 60 عام، و ماكانتش قبلات الدور ب سهولة و تشرطات بزاف د لحوايج باش تلعب ف لمسلسل:[2]
- فرضات على إنعام محمد علي تصور ب طريقة سينيمائية.
- هي لّي فرضات أحمد مظهر و جميل راتب ف لمسلسل.
- بزّاف د لمشاهد ف سّيناريو ما كانتش قبلاتهوم.
- فاتن حمامةهي لّي كانت فرضات أن لموسيقا د لمسلسل يديرها عمر خيرت.[3]
- أسامة أنور عكاشة ستوحى الشخصية من واحد سّيدة حقيقية لّي كانت مديرة د مدرسة و دخلات ف صراعات ب سباب لمبادئ و لأخلاق ديالها. فاتن حمامة تلاقات ب هاد سّيدة قبل من ما تبدا التصوير باش تخدم معاها الدور.[3]
- مدرسة "نور المعارف كاينة ب صّح ف لإسكندرية.[3]
- ^ "صّفحة د لمسلسل ف Imdb". مأرشيڤي من لأصل ف 2019-12-15. تطّالع عليه ب تاريخ 2020-09-11.
- ^ "مسلسل ضمير أبلة حكمت.. قصة حقيقية بتصرف فاتن حمامة كادت تطيح بوزيرين".
- ^ a b c "قصة «أبلة حكمت» الحقيقية: ناظرة مدرسة هدّدت عرش وزيرين". مأرشيڤي من لأصل ف 2017-11-15. تطّالع عليه ب تاريخ 2020-09-11.