صيونص د بلعاني
صّيونص د بلعاني (ب نّڭليزية Pseudoscience) هيّا مجموعة د لأفكار، لموعتقدات، ؤ لمومارسات لي كاتدّاعي بلي عندها ساس علمي ؤ واقعي، ولاكينها مامتناسقاش معا لمنهاجية لعلمية. صّيونص د بلعاني كيكون فيها عادتن كلام متناقض، زايد فيه فيخرات، ؤلا ماقابلش ل تّكديب،[4] ب لإضافة ل عتيمادها على نّحياز تّأكيدي بلاصت ماتحاول تتبت لخطأ ؤلا صّحة د شي معلومة بشكل منهاجي. ماكاتميّزش ب نّفيتاح على لمراجعة د لحرايفيا د ضّومين، ؤ ماعندهاش منهاج واضح ف لمصاوبة د لفرضيات، معا ستيمرارية ف قبول فرضيات لي ديجا تبت بلي غالطة.
تّمييز مابين شنو لي صيونص ؤ شنو لي صيونص د بلعاني عندو توابيع علمية، فلسافية، ؤ سياسية.
لفلكي كارل سيݣان كيعتابر بلي لإيمان ب صّيونص د بلعاني هوّا "لغلطة ديال نّيضام تّعليمي لي ماكيقرّيش لمنهاجية د تّفكير". لعالم د لبيولوجيا ريتشارد داوكنز كيعتابر بلي "سّداجة لي كيستاغلوها لمونجّيمين ؤ لأدعياء لإنجيليين ؤ لموشعودين ب شلا نواع تقدر تكون عادية ؤ صحية عند درّي صغير، ولاكينها ماشي صحية ؤ مامقبولاش عند بنادم راشد".[4]
- ↑ Bowler J (2003). Evolution: The History of an Idea (3rd ed.). University of California Press. p. 128. ISBN 978-0-520-23693-6.
- ↑ Parker Jones, O., Alfaro-Almagro, F., & Jbabdi, S. (2018). An empirical, 21st century evaluation of phrenology. Cortex. Volume 106. pp. 26–35. doi: موضيل:Doi
- ↑ Magendie F (1843). An Elementary Treatise on Human Physiology. John Revere (5th ed.). New York: Harper. p. 150.
- 1 2 "Pseudoscience". Archived from the original on 30 ماي 2023. Retrieved 3 أبريل 2022.
 هادي زريعة ديال مقالة خاصها تّوسع. تقدر تشارك ف لكتبة ديالها. |
