سڤيتلانا تيخانوڤسكايا

من ويكيپيديا
اذهب إلى التنقل اذهب إلى البحث
سڤيتلانا تيخانوڤسكايا
سڤيتلانا تيخانوڤسكايا
معلومات عامة
زيادة 11 شتنبر 1982 (39 عام)
Mikaševičy
لجنسية بيلاروس (1991–)
لإتحاد السوڤياتي (1982–1991)
لحرفة مدافعة عن الحقوق المدنية، مترجمة، معلم لغات، مترجمة، سياسية و فقيهة لغة
لفاميلة
شريك سيرجي تيكانوفسكي (2004–)
معلومات خرى
لحيزب لامنتمي
لجوايز
IMDB: nm11814630 Facebook: 100051849943177 Twitter: Tsihanouskaya Instagram: prezident.sveta Telegram: tsikhanouskaya Youtube: UCcCJ5p6hQi1n-xaYkSMILXg Modifica els identificadors a Wikidata


سڤيتلانا تيخانوڤسكايا، (ب لبيلاروسية: Святлана Ціханоўская، و ب روسية: Светлана Тихановская) (تزادت نهار 11 شتنبر 1982)، هي ناشطة سياسية بيلاروسية، و مرشحة ل لإنتخابات رئاسية ديال بيلاروسيا 2020.

حياتها[بدل | بدل لكود]

قبل ما تكون مرشحة ل رئاسة، تيخانوڤسكايا كانت أستادة و مترجمة. و هي مزوجة من واحد ليوتوبر، مدون، و ناشط سياسي لمعتقل، سيرجي تيخانوڤسكي.[1]

لحملة لينتيخابية 2020[بدل | بدل لكود]

تعتاقل زوج ديال سڤيتلانا ف 29 ماي، بعدما ترشح ل لإنتخابات رئاسية.[2] من بعد هادشي، علنات سڤيتلانا تيخانوڤسكايا بلي غادي ترشح بلاصتو. ف تسجلات نهار 14 يوليوز 2020 ك مرشحة مستقلة.[3] من بعد ما تسجلات، حضات ب لمساندة ديال لحملة د ڤالري تيپكالو و ڤيكتار باباريكا، لي هوما جوج من أكبر شخصيات لمعارضة ف بيلاروسيا، و لي تمنعو من ترشح ل رئاسة. واحد تصويرة ديال تيخانوڤسكايا مع ماريا كوليسنيكوڤا، لي هي لمسؤولة د لحملة ديال ڤيكتار باباريكا، و زوجة ديال ڤالري تيپكالو، ولات رمز ديال لحملة لنتيخابية ديالها.[4]

تجمع ديال لأنصار د سڤيتلانا تيخانوڤسكايا نهار 30 يوليوز 2020 ف مينسك

ف يونيو، نشرات واحد لڤيديو كاتݣول فيه بلي تعرضات ل تهديد ب لإعتقال، و أن ولادها غايتخادو منها ف حالة ستامرات ف لحملة لإنتيخابية ديالها. بعد هاد لحادتة، صيفطات ولادها ل برا د لبلاد، باش يبقاو ف أمان مع جداتهم.[5]

تضامن نسوي[بدل | بدل لكود]

قبل لحملة لينتيخابية، رئيس د بيلاروسيا ألكسندر لوكاشينكو ݣال بلي لبلاد ما مستاعداش ل رئيسة أنتى.[6] لحملة ديال سڤيتلانا تيخانوڤسكايا جات بعد تقرير ديال أمنستي، لي ندد ب لمعاملة لعنصرية ديال ناشطات سياسيات ف بيلاروسيا.[7]

لبرنامج سياسي[بدل | بدل لكود]

تيخانوڤسكايا ݣالت بلي سبب ف ترشح ديالها ل رئاسة هو لحب، و رغبة ديالها ف أنها تحرر زوج ديالها من لمعتقل.[8] و ݣالت بلي لهدف لأساسي ديالها هو تخلق انتخابات نزيهة و حرة. تيخانوڤسكايا كاتشوف بلي لإنتخابات لحالية ما عندهاش شرعية حيتاش لحكومة كاترفض تسجل لمنافسين سياسيين رئيسيين ديال لوكاشينكو. سڤيتلانا تعهدات أنها تدير بلان باش تولي لإنتخابات ف لبلاد أكتر شفافية وخاضعة ل لمسائلة ف 6 شهور بعدما تنجح تولي رئيسة.[9]

لأنصار[بدل | بدل لكود]

ب رغم من أن سڤيتلانا تيخانوڤسكايا مرشحة مستقلة، قدرات أنها تجدب عدد كبير من لأنصار ف ݣاع لمناطق د بيلاروسيا، و ݣاع لمعارضين كيفما كانت توجهات ديالهم كايدعموها. ڤيتال ريماشوسكي، زعيم ديال لحزب لمسيحي ديمقراطي لبيلاروسي، علن على دعم ديالو ل تيخانوڤسكايا، و نفس شيئ ب نسبة ل حزب ديمقراطي لإجتماعي لبيلاروسي، لحزب لمدني لموحد، لحزب نسائي لبيلاروسي.[10][11] سڤيتلانا تيخانوڤسكايا تدعمات حتى من لمرشح رئاسي سابق ديال لإنتخابات رئاسية 2010، ميكولا ستاتكيڤيتش.[11]

عيون لكلام[بدل | بدل لكود]

  1. ^ Marc Bennetts (2020-06-06). "Svetlana Tikhanovskaya: Housewife steps into election fight with Belarus strongman Lukashenko". The Times (بنڭليزية).
  2. ^ Syarhei Tsikhanouski intends to become candidate for president of Belarus // Country for Life YouTube channel (in Russian)
  3. ^ Tatiana Kalinovskaya (2020-07-20). "In Belarus, 3 Women Unite to Fight Strongman Lukashenko". The Moscow Times (بنڭليزية).
  4. ^ Marc Bennetts (2020-07-20). "Wife of jailed blogger steps up to fight Lukashenko of Belarus". The Times (بنڭليزية).
  5. ^ Andrei Makhovsky (2020-07-20). "Belarus presidential candidate sends her children abroad after threats". Reuters (بنڭليزية).
  6. ^ "In Belarus, three women unite to fight strongman Lukashenko". RTL (بنڭليزية). 2020-07-17.
  7. ^ "Belarus: Authorities threatening women political activists ahead of election". Amnesty International (بنڭليزية). 2020-07-17.
  8. ^ "Newsday: The female politicians of Belarus taking on a male president who has been in power for more than two decades". BBC (بنڭليزية). 2020-07-22.
  9. ^ "«У Лукашэнкі вельмі нізкі рэйтынг». Што Ціханоўская сказала ў сваім першым выступе на тэлевізіі. ВІДЭА". Radio Svaboda (بالبيلاروسية). 2020-07-21.
  10. ^ "БСДП (Грамада) заклікала галасаваць за Ціханоўскую і адстойваць права на свабодныя выбары". Radio Svaboda (بالبيلاروسية). 2020-07-23.
  11. ^ a b "Статкевіч, Кавалькова, Хашчавацкі, АГП і БХД. Хто падтрымлівае Сьвятлану Ціханоўскую". Radio Svaboda (بالبيلاروسية). 2020-07-22.


Wikimedia Commons تقدر تزيد شوف بزاف د صور و معلومات ديال Sviatlana Tsikhanouskaya ف ويكيميديا كومنز.