سلاك لولاني

السلاك لولاني ولا الإسعافات الأولية هي واحد العلاج طبي سريع ومؤقت اللي كتدار لإنسان أولا حيوان مريض ولا مصاب. الهدف هو نحاولو نوصلوه لأفضل حالة صحية ممكنة بأدوات ولا مهارات علاجية بسيطة حتى تجي المساعدة الطبية الكاملة. فالغالب، الإسعافات الأولية عبارة على خطوات طبية بسيطة ولكن ديما كتقدر تنقذ حياة المصاب. الشخص اللي كيدير الإسعافات الأولية ماشي بالضرورة إكون عندو مهارات ولا تقنيات طبية عالية، يكفيه التدرب على شوية ديال المهارات باستعمال المعدات البسيطة.

تاريخ د الإسعاف الأولي

كان أول ظهور لفكرة الإسعاف الأولي في أوروبا فالقرن ل11 مع فرسان القديس يوحنا اللي كانوا ف جيوش الحملات الصليبية، حيث كانوا كيدربوا الفرق ديال الفرسان على مساعدة المصابين فالمقاتلة. لكن فكرة العناية بالمرضى والجرحى ف الحروب كانت موجودة فحضارات شرقية بزاف قبل هاد الفترة بقرون، وكان التمريض والإسعاف من المهام الرئيسية ديال لعيالات ففترات الحروب والمعارك.

الأهداف تاع الإسعافات الأولية

الهدف الأساسي ديال الإسعافات الأولية هو نمنعو لموت ولا التدهور والإصابات الخطيرة. يمكن نلخصو أهداف الرئيسية ديال الإسعافات الأولية تجري فتلاتة دالنقاك أساسية لي هي:

1. الحفاظ على حياتو

2. توقيف الضرر ولا الأذى، بحال نبعد المريض من مصدر الخطر أو بلاصت لكسيدا، ونضغط على الجروح باش نوقف النزيف.

3. تقوية الشفاء من خلال أننا نوفرو العلاج الأولي للإصابة

الحروب والصراعات المسلحة كان عندها الدور الكبير في تطوير مفهوم الإسعاف الأولي، بحيت الحرب الأهلية الأمريكية خلات كلارا بارتون تنظم لي ولا معروف بالصليب الأحمر لميريكاني.

اللوازم تاع الإسعافات الأولية

الصندوق ديال الإسعافات الأولية، اللي السائقين خاصو يشتريوه.

الاحتفاظ بصيدلية صغيرة للإسعافات الأولية في الدار أو الطوموبيل أو مكان الخدمة أمر مهم وضروري. بعض الأدوات الأساسية اللي ينصح يكونوا في حقيبة الإسعاف سواء في الدار أو الطوموبيل، كتشمل:

التوجيهات العامة

قبل مانشرعو فعملبة الانقاذ خاس المسعف إدير هادشي:

البداية بإسعاف الحالات اللي كتشكل خطر كبير بحال النزيف أو توقف التنفس، أو فالحوادث الكبيرة (وجود عدد كبير من المصابين) خاصك تبدى بفرز المصابين حسب القانون المتبع فالبلاد (خطة الدولة فالتعامل مع الحوادث الكبيرة). مثلا كاينة الخطة البريطانية والخطة الأمريكية فالتعامل مع الحوادث الكبيرة وكل خطة عندها إجراءاتها وتصنيفها.

خاصك تستمر فالمعاينة والإسعاف حتى يوصل الطبيب أو حتى توصل المصاب للمستشفى. ماتنقلش المصاب من بلاصتو إذا كان ممكن يكون عندو كسور ف العمود الفقري أو القفص الصدري إلا فحالة كان خاصك تبعدو عن الخطر وبشرط تحطو على حمالة مستقيمة.