سعيد بنجبلي
سعيد بنجبلي
| ||
| ||
| معلومات عامة | ||
| زيادة | 9 ماي 1979 ولاد فرج | |
| لموت | 2 أبريل 2025 (45 عام) بوسطون | |
| طريقة دلموت | نتيحار | |
| لجنسية | لمغريب | |
| لحرفة | كاتب، بلوڭور و مناضل | |
| معلومات خرى | ||
| دين | شكوكية | |
| سّيت رّسمي | https://saidbenjebli.com/ و http://www.jeblis.com/ | |
| لبلوڭ رّسمي | http://bnojabal.maktoobblog.com/ | |
 
| ||
سعيد بن جبلي (مزيود ف 9 ماي 1979 ف ولاد فرج، توفى ف 2 أبريل 2025 ف بوسطن ف لميريكان)[1][2] مدوّن و كاتب رأي و ناشط مغربي عندو إهتمام كبير ب حقوق الإنسان.[3]
كان من بين لمؤسسين و أبرز لوجوه ف حركة 20 فبراير اللي دارت إحتجاجات ف 2011 ف المغرب[2][4] و كان كايسيّر الصفحة د فيسبوك ديالها،[5] عتابراتو مجلة إكسپريس الفرنسية من بين أكتر 100 مغربي عندهم تأتير ف عام 2011.[6][7] بشكل عام كان كيتّعتابر من أهم الشخصيات ديال لويب المغربي ف عوام 2010.[8]
بنجبلي كان كيعاني من مرض تنائي القطب، و الصحة العقلية ديالو تدهورات فالسنوات لي قبل الموت ديالو، خصوصا بعدما هاجر للميريكان.[2][8]
ف لبدية د عوام 2000، بنجبلي كان عضو ف شباب جماعة لعدل و لإحسان الصوفية، و كانو عندو مواقف سلفية. عندو ليصونس ف الهندسة الكيميائية و السوفتوير، و ديپلوم ف الدراسات الإسلامية من جامعة بوشعيب الدكالي ف مدينة الجديدة.[9][7] بسبب النشاطات النقابية و الطلابية ديالو، تّعتاقل[6] ل مدة 5 شهور[10] و تّطرد من كلية الشريعة و القانون ف فاس، حيت كان قاد لإحتجاجات الطلابية ضد التخلي على مجانية التعليم.[11]
بنجبلي بدا التدوين ف أنتيرنيت ف 2005.[11] كان عضو مؤسس ديال جمعية المدونين المغاربة و تّنتاخب رئيس ديالها ف الجمع لعام اللول لي تدار ف 4 أبريل 2009،[12][13] و عضو مؤسس ديال إتحاد المدونين العرب ف 2010 و كان مسؤول إعلامي ديالو.[7]
ف 2011، علن بنجبلي بلي مابقاتش عندو علاقة مع جماعة لعدل و لإحسان، و بلي هوّ مسلم عادي و ماشي إسلامي. بعدما هاجر للميريكان، ڭال بلي خرج من لإسلام. ف كتابو "صورة الله في القرآن والسنة" لي بان ف معرض الدارلبيضا، شرح بنجبلي لمواقف ديالو على لأساس ديال لأحاديت النبوية، التصورات ديال لمداهب الإسلامية، لأحدات التاريخية و التأمّلات ديالو.[11]
بعدما هاجر للميريكان، لوضعية الصحية د بنجبلي خيابت.[14]
على حساب مصادر صحافية، توفى سعيد بنجبلي منتاحر بعد معاناة معا مرض لبيپولير (تنائي لقطب). قبل ما يموت خلّا برية د لوداع لي تنتاشرات ف فيسبوك، لي ڭال فيها بلي مرض لبيپولير هوّ لي قتلو، و بلي بغى لڭسدة ديالو تّحرق، حيت ماخلاش مقدار كافي د لفلوس باش يدّيو لڭسدة ديالو للمغريب و يدفنوه.[14] ف هاد لبريّة طلب السماحة من عائلتو، مراتو و ولدو الصغير.[15]
ف 9 أبريل 2025، وصلات لڭسدة ديالو للمغريب، ب مجهود من مراتو، و تدارت ليه ڭنازة و تّدفن ف ولاد فرج، لموضع فين تزاد.[16][17]
ف واحد التصريح، ڭال بنجبلي بلي ختار التدوين حيت لميديا التقليدية ماغاديش تقبل باش تنشر لأفكار ديالو. و ڭال بلي ماكيعتابرش راسو "ملحد" ولّا "ربوبي"، و بلي كيرفض ببساطة لإيمان ب شي حاجة لي "ماعندهاش دليل" على حساب لقول ديالو.[18]
بنجبلي عاود ڭال على راسو بلي راه نبي، و ڭال بلي "كولشي حمق، ولايني كانحاولو نخبيو لحماق ديالنا... خليه يبان. أغلبكم ماكيزعموش يخليو الناس يشوفو لحماق لي فيهم، وخا كاينين شي وحدين زاعمين. (نتا) ماتقدرش يواجه لمجتمع ب عيوبك، و أنا كانواجه لمجتمع ب عيوبي، ب الصلعة ديالي، و سناني لمعوّجين، و جبهتي و لهجتي، و لوغتي و نقائصي. عندي الزعامة حيت ماعندي مانخسر، و يلا عندي مانخسر غادي نخسرو... لعام لي فات ولاو عندي متابعين لي بغاو يردوني مفكر و فيلسوف فا خرجت ليهم من الجنب و وليت نبي، حيت ماشي نتوما لي غادي تردوني فيلسوف ولّا مفكر، و ماكيهمنيش هادشي. بغيت نكون هبيل."[11]
- صورة الله في القرآن و السنة. الرباط: دار الوطن. 2019. ردمك 9789954648506.[19]
- مدونة "تحية نضالية" ف لأرشيڤ
- مدونة "جبليس" ف لأرشيڤ
- ^ "Moroccan Activist Said Benjebli Dies at 46". 2025-04-04. تطّالع عليه ب تاريخ 2025-04-13.
- ^ a b c "تحولاته الفكرية والعقدية أثارت جدلا واسعا.. وفاة الناشط المغربي سعيد بنجبلي عن 46 عاما". 2025-04-03. تطّالع عليه ب تاريخ 2025-04-03.
- ^ "سعيد بنجبلي". مأرشيڤي من لأصل ف 2021-10-22. تطّالع عليه ب تاريخ 2021-10-22.
- ^ "الناشط سعيد بنجبلي يغادر دنيا الناس". 2025-04-03. تطّالع عليه ب تاريخ 2025-04-04.
- ^ "Revendications des jeunes : Le 20-Fév met de l'ordre dans ses rangs". 2011-06-07. تطّالع عليه ب تاريخ 2025-04-03.
- ^ a b "من النضال السياسي إلى نضال ضد اضطراب ثنائي القطب انتهى بوفاته، قصة سعيد بنجبلي أحد رواد "الربيع المغربي"". 2025-04-04. تطّالع عليه ب تاريخ 2025-04-12.
- ^ a b c "Digital Journalism Bootcamp: Tools for Newsgathering and Reporting Across Cultures" (PDF). 2012-11-01. تطّالع عليه ب تاريخ 2025-04-03.
- ^ a b "Said Benjebli, figure du 20 Février et blogueur controversé, est mort à 46 ans". 2025-04-03. تطّالع عليه ب تاريخ 2025-04-04.
- ^ "Muslimish Boston Conference: Modern Islam Between Reform and Renunciation". 2019-04-27. تطّالع عليه ب تاريخ 2025-04-03.
- ^ "بن جبلي: لن يبتغي المغاربة عن الملكية بديلا" (ب لعربية). 2011-02-07. مأرشيڤي من لأصل ف 2013-03-18. تطّالع عليه ب تاريخ 2025-04-13.
- ^ a b c d "الراحل سعيد بنجبلي.. مسار "مدوّن" آمن بالتغيير وحرية التعبير و"السّلميّة"". 2025-04-05. تطّالع عليه ب تاريخ 2025-04-06.
- ^ "المدونون المغاربة يؤسسون أول جمعية تهتم بالتدوين في المغرب". 2009-04-07. تطّالع عليه ب تاريخ 2025-04-13.
- ^ "Moroccan bloggers create first association". 2009-04-30. مأرشيڤي من لأصل ف 2010-07-25. تطّالع عليه ب تاريخ 2025-04-13.
- ^ a b "انتحار سعيد بنجبلي ووصية حرق الجثة.. القصة الكاملة للناشط المغربي المثير للجدل". 2025-04-04. تطّالع عليه ب تاريخ 2025-04-13.
- ^ "Said Benjebli's death sparks tough questions about mental health and stigma in Morocco". 2025-04-04. تطّالع عليه ب تاريخ 2025-04-13.
- ^ "جثمان سعيد بنجبلي يصل إلى المغرب". 2025-04-09. تطّالع عليه ب تاريخ 2025-04-13.
- ^ "ادعى "النبوة" وتوفي بأميركا.. قصة أحد رواد الاحتجاجات بالمغرب". 2025-04-09. تطّالع عليه ب تاريخ 2025-04-13.
- ^ "Das Internet bietet Marokkos Atheisten eine Heimat". 2019-06-12. تطّالع عليه ب تاريخ 2025-04-03.
- ^ "الببليوغرافيا الوطنية المغربية 2019" (PDF). تطّالع عليه ب تاريخ 2025-04-06.
 هادي زريعة ديال مقالة علا موضوع عندو علاقة ب شخصيات د لمغريب خاصها تّوسع. تقدر تشارك ف لكتبة ديالها. |