زلزال كرايستشورتش 2011

من ويكيپيديا
اذهب إلى التنقل اذهب إلى البحث
بني رايب فمدينة كرايستشورتش.

زلزال كرايستشورتش 2011 كان زلزال قاصح بالشدة ديال 6.3 فلمقياس ديال ريختر[1] ضرب لݣزيرة دلجانوب فبلاد نيوزيلاندا نهار 22 فبراير 2011 معا 12:51 دالنهار بالتوقيت ديالهوم (21 فبراير 2011 ف 23:51 دالليل بتوقيت ݣرينيتش).[1] كان غارق تحت لارض بخمسة ديال لكيلوميطرات.[2] ضرب هاد الزلزال جيهة كانطربوري ودار بزاف دلخراب فمدينة كرايستشورتش، اللي هي تاني أكبر مدينة فلبلاد.

كان هاد الزلزال أقوى هزة رتيدادية على زلزال 4 شتنبر 2010، واخا كاتشاف باللي هادا زلزال بوحدو.[3] هادا كان زلزال صغر من ديال شتنبر، ولاكين كان كبير فالتأتير حيتاش كان قريب من كرايستشورتش ومن لارض. وهادا طرا فوقت لغدا (عكس لاخور اللي طرا فلفجر)، الشي اللي خلّا الناس تكون فخطر كبر ديال الديور اللي كاتريب حيتاش كانو على برّا. الديور أصلا ولّات ضعيفة بسباب الزلازل اللي طراو من قبل.[4] الشدة ديال الزلزال اللي حسات بيه الناس فكرايستشورتش وصلات لVIII فلمقياس ديال ميركالي.[5]

لوزير اللول جون كي ݣال باللي "22 فبراير هو نهار كحل فتاريخ نيوزيلاندا".[6] على لأقل شي 160 تحسبو ميتين، أمّا التقدير اللخراني غايكون وصل ل200.[7]

فاللخر ديال النهار اللول تأكدات لموت ديال 65 دالناس[8]، والرقم كان متوقذع باش يطلع. كتر من 100 واحد يقدرو يكونو محصورين فبني واحد.[9] ليطفائية ديال نيوزيلاندا ݣالت باللي "بزاف ديال الناس يقدرو يكونو تجرحو أولّا تحصرو فوسط لبنيان".[10] راديو نيوزيلاندا ݣالت باللي فلخمسة دلعشية شي 80% ديال لمدينة كانت بلا تريسينتي. لما ولواد لحار ماكنوش خدامين فبزاف دلبلايص من لمدينة. كتن داك النهار مطلوب من الناس باش يستهلكو غير شوية ديال لما ويجمعو لما دالشتا. لعسكر بالطّبا ديالو كانو خدّامين. جريدة كانت ݣالت باللي جوج طوبيسات وبزاف ديال الطوموبيلات تهرسو بسباب لبنب اللي كان كايطيح.[11]

التصاور[بدل | بدل لكود]

عيون لكلام[بدل | بدل لكود]

  1. ^ a b "New Zealand Earthquake Report - Feb 22 2011 at 12:51 pm (NZDT)". GeoNet. Earthquake Commission and GNS Science. 22 فبراير 2011. مؤرشف من الأصل في 23 فبراير 2011. تطّالع عليه بتاريخ 22 فبراير 2011.
  2. ^ M6.3 – South Island of New Zealand, USGS
  3. ^ Foley, Meraiah (22 فبراير 2011). "Scores Killed in New Zealand Earthquake". The New York Times. تطّالع عليه بتاريخ 22 فبراير 2011.
  4. ^ "Deadly quake could be sign of more to come". NZ Herald. 2011-02-22. تطّالع عليه بتاريخ 2011-02-22.
  5. ^ "M6.1 – South Island of New Zealand".
  6. ^ "65 dead in devastating Christchurch quake". Stuff.
  7. ^ McDonald, Philippa (26 فبراير 2011). "NZ quake toll surges to 145, fears for 200 - ABC News (Australian Broadcasting Corporation)". abc.net.au. تطّالع عليه بتاريخ 26 فبراير 2011.
  8. ^ "Deaths, destruction in Christchurch quake - stuff.co.nz". 22 فبراير 2011. تطّالع عليه بتاريخ 22 فبراير 2011.
  9. ^ "Christchurch quake: More than 100 may have died in CTV". New Zealand Herald. 23 فبراير 2011.
  10. ^ "Huge earthquake hits Christchurch city centre". Radio New Zealand News. 22 فبراير 2011.
  11. ^ Sands, Neil (22 فبراير 2011). "NZ quake leaves 65 dead, 100 missing". The Sydney Morning Herald.
Wikimedia Commons تقدر تزيد شوف بزاف د صور و معلومات ديال 2011 Canterbury earthquake ف ويكيميديا كومنز.