راس السوق
| لمقال مقطوع من شجرة، ما كايدي ليه تا شي مقال أخر، زيد ليان ديالو ف مقالات خرين. |
راس السوق ؤلا أخر ما غنّات أم كلتوم (بالنݣليزية: State of the Art ؤ بالفرانساوية: Etat de l'Art ؤ اللي كايعنيو حرفيا حالة الفن) هي أخر ما وصل ليه شي ضومين بحال العلوم، الطيكنولوجيا، الفن، الطب ؤ زيد ؤ زيد.
تاريخ الكلمة[بدل | بدل لكود]
العبارة الأصلية State of the Art بالنݣليزية أول مرة بانت فالقرن العشرين ؤ بالضبط ف 1910 ف واحد الكتاب ديال الهندسة سميتو Turbines Operated by Gases of Combustion (التوربينات اللي خدّامين بالݣازات ديال الحريق) كتبو هينري هاريسّون سوپلي Henry Harrison Suplee. الفقرة اللي دكرات عبارة State of the Art كاتݣول: "In the present state of the art this is all that can be done" اللي الطرجمة ديالها: "ف راس السوق اللي كاينة دابا غا هادشي اللي يمكن يتدار".[ن.ل 1]
فالبحت العلمي[بدل | بدل لكود]
فالضومين الأكاديمي ؤ د البحت العلمي المصطلح ديال "راس السوق" كايعني "راس المعارف" حيت كايعتامد على تحليل د أخر ما تكتب فالكواغط العلميين ديال واحد الضومين، سيرتو ف ضومينات بحال البحت الطبي ؤلا الدكا المصنوع.
الفريان ديال راس السوق ؤلا راس المعارف "Dresser un état de l'art" كايعتامد على أنك تبقشش على ݣاع المعلومات اللي كاينين على واحد الضومين ؤ ليهم تدير تحليل synthese ؤ بانشمارك benchmark. هاد الخطوة مهمة بزاف فالبداية د أيتها بحت علمي ؤلا أطروحة ديال الدوكتورا ؤ الغاراض منها هو أن الواحد يبني على المعارف اللي ديجا موجودين فواحد الضومين بلاما يعاود يختارع الرويضة بأنه يعاود يدير تجارب اللي ديجا تدارو ؤلا يعاود يوصح ل حواصل (ستنتاجات) اللي ديجا مسلّم بيهم الضومين.
الخدمة ديال أنك تفاري مع راس السوق ؤلا راس المعارف كاتتدار على طريق البيبليوݣرافيا travail bibliographique ديال الضومين اللي خدام عليه. هاد الخدمة كايكون فيها التحليل ديال الكتيشافات ؤ الختيراعات اللي تدارو ؤ أخر ما كاين فالضومين ؤ أنك تدير الميزاجور، خصوصا ف داكشي اللي يالله خرج.
فالتصنيع[بدل | بدل لكود]
بالفرانساوية فالضومينات الهنداسة المعمارية ؤ الهندسة ؤ البني كايخدمّو العبارة « règles de l'art » ديال اللي عندها تقريبا نفس المعنى ديال راس السوق ؤلا راس الصنعة.
فالشركات، راس السوق عندو بالأساس علاقة بالفياق الطيكنولوجي اللي كايجي على طريق القراية ديال المجلات ؤ المنشورات المتخصصة ف شي ضومين ؤ المشاركة فالكولوكات ؤ المؤتمرات ؤ الفورماصيو المستامرة فالضومين.
راس الصنعة ؤلا راس الطيكنولوجيا « état de la technique » عبارة ؤخرة ديال راس السوق ؤ اللي كاتوصف المعاير ديال التمجديد critères de nouveauté باش تاخد واحد البروڤي: واحد الختيراع كايتعتابر جديد غا فالحالة اللي كايكون فيها فايت راس السوق / راس الطيكنولوجيا / راس الصنعة.[1]
فالضومين ديال البروڤيّات، عبارة "State of the art" كاتتخدّم من طرف الهيئات الرسمية بالنݣليزية.
نوطات لوغاوية[بدل | بدل لكود]
- ^ العبارة بالدارجة ديال راس السوق اللي تخدّمات باش تطرجم عبارة State of the Art فالأصل كاتتخدم باش تعني أحسن ما كاين فالسوق ف شي سلعة ؤ من بعد تدار ليها تكحاز سيمونتيكي باش تولي تعني أحسن ؤ أخر ما كاين ف شي ضومين كانوع ديال النيولوجيزم باش تطرجم المعنى ديال State of the Art.
عيون الكلام[بدل | بدل لكود]
- ^ "Convention sur le brevet européen, article 54". european-patent-office.org.
Une invention est considérée comme nouvelle si elle n'est pas comprise dans l'état de la technique
