دريوش

دريوش
‫الدريوش‬ (ar) ⴷⵔⵉⵡⵛ (tzm)
لبلاصة
لبلاد	لمغريب
لإقليم	إقليم الدريوش
السكان
شحال دالسكان	15,661 (2024)
اللوغات	لعربية لفصيحة الجديدة لوغات أمازيغية
شحال دلفاميلات	3,285 (2014)
لجغرافيا
لعلو	300 م
معلومات خرين
توقيت ديال لمدينة	ڭريتينش
الجهة دالصوݣان	ليسر
الرمز لجغرافي	2550985 و 6546164

دريوش مدينة مغريبية و جماعة ترابية حضرية كاينة ف إقليم دّريوش، جهة الشرق، ساكنين فيها 14741 واحد، على حسب لإحصاء لعام 2014.

تاريخ

فـحرب الـريف (1921-1926)، وقفات دريوش فـالـجنب ديال لـأمازيغ ديال الـريف بـقيادة عبد لـكريم وضد لـإستعمار لـصبليوني. وفـعام 1975، من بعد ما ضـم لـمغريب لـأراضي ديال لـصحرا لمـغربية، سـتـقبلات لـمدينة لـمئات ديال لـمغاربة لـي هـربو من لـجزائر. ومن عام 2009، ولات الـدريوش هي لـعاصمة ديال لـإقليم الـجديد لـي تـدار وبـنفس الـسمية.

لـموقع ولـمناخ

​جات دريوش فـلـحاشية الـشرقية ديال جبال الـريف، بـشي 100 كلم (طريق) فـلـجنوب الـشرقي ديال لـحسيمة، وبـشي 60 كلم فـلـجنوب لـغربي ديال ناظور. وكـيـدوز من لـمدينة واد كرت لـي كـيـحمل من بعد ما كطـيح الشتا بـالـجهد، وهاد لـواد كـيـخوي فـلـبحر لـبيض لـمتوسط فـلـغرب ديال مليلية.

​لـمناخ فـلـغالب ناشف وسخون؛ والـشتا (شي 300 تـلـ 400 ملم فـلـعام) كـطيح بـالـأخص فـلـنص لـبارد ديال لـعام.

الـسكان

لـعام	1994	2004	2014	2024
لـعدد ديال سكان	ما معروفش	10.381	14.741	15.661

​هاد زيادة ـسريعة فـلـعدد ديال الـسكان راجعة بـالـأساس لـلـهجرة ديال لـعائلات لـأمازيغية من الـجبال لـي دايرة بـلـمدينة فـسلسلة جبال الـريف.

الـرياضة

الـرياضة فــدريوش كـيـعاود عليها واحد من لـمفكرين ديال لـمنطقة وقـيدوم الـرياضة تما، لـي هو لـمرجع لـأساسي لـتاريخ دريوش فـوقت لـإستعمار، الـسيد أحمد لـعرباوي. كـيـقول بلي لـمنطقة عرفات جوج نـواع ديال الـرياضات فـلـوقت ديال لـإستعمار لـصبليوني.

وكـيـعاود على لـكبار بلي لـفروسية بانت فـلـبدية ديال لـقرن لـعشرين، فين كانت كـتـدار تـدريب يوميا فـلـقشلة ديال لـعسكر، وبـالـضبط فـ"تدينسيا" ( بـلاصة فين كـيـتـرباو لـخيل).

وكـيـقول أحمد لـعرباوي بلي سمع من لـعسكر الـصبليون بلي كانوا كـيـلعبو كورة فـوسط لـحامية فـلـعشرينيات ديال لـقرن لـفايت، وبدات كـتـنتشر حتى بانت لـمرة لـلوالة بين لـمغاربة فالـتلاتـينيات.

وبـسباب لـحروب ولـقساوة ديال لـظروف (الـجوع ولـمدابزات)، غـبرات الـرياضة ووصلات لـمرحلة ديال الـشلل. كـيـكمل أحمد لـعرباوي بلي فـلـلخر ديال الربعينات رجعات كورة دقة دقة، وكان كـيـتـبع لـماتشات لـي كـيـلعبو لـعسكر فالـتيران ديال لـحامية، ومرات خـرى فـبلايص مـختلفة.

فـعام 1977، تـأسس فريق اتحاد الـدريوش ديال كورة، لـي دخل لـلمنافسة فـلـبطولة، وتـحط لـمكتب لـمسير ديالو من طرف سعيد لـجراري، لـوكيلي لـمختار، محمد لـعمراوي وأحمد لـعرباوي.

تعليم

• نسبة لأمية (نّاس لّي ما كايعرفوش يقراو ولا يكتبو) : 37,2%
• نسبة سّكان لّي قاريين فوق الليسي (ليسي و جامعة): 11,7%

إقتصاد

بزاف ديال الـرجال كـيـخدمو فـأوروبا وكـيـرجـعو كاع لـعوام فالـصيف لـمدينتهم لـأصلية. وكاينين فرص ديال لـخدمة خـرى فـالـتـيجارة الـصغيرة، و الـصناعة الـتقليدية، ولـإدارة، وكدلك فالـتعليم ولـقطاع ديال الـصحة.

• نسبة نّاس نّشيطين (لّي يقدرو يخدمو): 43,6%
• نسبة لبطالة (نّاس لّي ما خدامينش و تايقلبو على خدمة): 19%
• نسبة نّاس اللي خدامين ف دّولة (ولا لبيطاليين اللي سبق ليهوم خدمو): 12,4%
• نسبة نّاس اللي خدامين ف لپريڤي (ولا لبيطاليين اللي سبق ليهوم خدمو):45,6%

مصادر

هادي زريعة ديال مقالة خاصها تّوسع. تقدر تشارك ف لكتبة ديالها.