دبدو

دبدو
‫دبدو‬ (ar) ⴷⴱⴷⵓ (tzm)
تاريخ التأسيس	1465 (ڭريڭوري)
لبلاصة
لبلاد	لمغريب
لإقليم	إقليم تاوريرت
السكان
شحال دالسكان	4,447 (2024)
شحال دلفاميلات	1,137 (2014)
لجغرافيا
لعلو	1,000 م
معلومات خرين
الرمز لجغرافي	2552407 و 6545857

دبدو مدينة مغريبية و جماعة ترابية حضرية كاينة ف إقليم تاوريرت، جهة الشرق، ساكنين فيها 4,447 واحد، على حسب لإحصاء لعام 2024.

دبدو

أحياء دبدو

دبدو

تعليم

• نسبة لأمية (نّاس لّي ما كايعرفوش يقراو ولا يكتبو): 32,1%.
• نسبة سّكان لّي قاريين فوق الليسي (ليسي و جامعة): 18,8%.

قتيصاد

• نسبة نّاس نّشيطين (لّي يقدرو يخدمو): 39,8%.
• نسبة لبطالة (نّاس لّي ما خدامينش و تايقلبو على خدمة): 21,4%.
• نسبة نّاس لي خدامين ف دّولة (ولا لبيطاليين لّي سبق ليهوم خدمو): 31,2%.
• نسبة نّاس لي خدامين ف لپريڤي (ولا لبيطاليين لّي سبق ليهوم خدمو):29,4%.

تعريف

دبدو هي مدينة ف لمغريب. كتشتهر بتعدد لأعراق ديال ساكنة ديالها، بما فيهم لعرب لمغاربة أولأمازيغ أو سكن فيها حتى ليهود. كيبلغ عدد سكان ديالها 4,597.(إحصاء 2004)، جات لمدينة ف جهة شرقية من لمغريب ف إقليم تاوريرت، وهي قريبة بزاف من لحدود لجزائرية.

دبدو، وكتسمّى حتى دوبدو ولا دبّو (بالعربية: دبدو، وبالأمازيغية: ⴷⴱⴷⵓ)، هي مدينة كاينة ف شرق ديال لمغريب ف لجهة شرقية، على جناب واد دبدو، أو هي تابعة لإقليم تاوريرت ف ولاية وجدة. وتأسسات هاد لعمالة بمرسوم صادر نهار 9 أبريل عام 1997، من بعد ما تقسمات عمالة بركان تاوريرت، وتلحق بيها حتى دائرة دبدو لّي كانت تابعة من قبل لإقليم جرادة.

سكان ديال دبدو كيتسمّاو دبادبة. وكاين أكثر من تفسير لأصل تسمية ديال لمدينة، حيت كاين لّي كيرجعها لحاخام يهودي كان سميتو داود بار كوهن، ولي استقر ف لمدينة ف لقرن 14، وكاين حتى لّي كيشوف بأن لإسم جاي من لأمازيغية، بحيث كلمة “دبدو” كتعني “لمحيط” ولا “ناحية”.

لمنطقة كيسكنو فيها أهل دبدو، لي معروفين بتاريخ ديالهم، وتقافة ديالهم ف لجهة شرقية. أو ف لفترة ديال لحماية لفرنسية كانت دبدو تابعة لعمالة وجدة.أو حالياً كيوصل عدد سكان ديال لمدينة لحوالي 4.960 نسمة.

تاريخ

ذكرات مدينة دبدو ف لمصادر تاريخية قبل لقرن 13. وف تقسيم لي دار عبد لحق ما بين قبايل لمرينيين ما بين عام 1196 وعام 1218، تعطّات دبدو لقبيلة أمازيغية سميتها بني ورتاجين، لي كانت مكلفة ب دفاع على فاس ضد بني عبد لواد ديال تلمسان، أو ولّات دبدو لعاصمة ديال لمجال لقبلي ولإقطاعي ديالهم.

وفـ1364 و1365 تعرضات لمدينة للتخريب على يد أمير تلمسان. وحوالي عام 1430، قدر زعيم بني ورتاجين يأسس إمارة صغيرة كانت تابعة لوطاسيين. وبقات هاد لإمارة كاينة حتى لـ عام 1563، منين لأمير لعاشر سعيد لغالب بالله خضع لسلطة واحد لباشا.

من بعد هاد لمرحلة، ولّا تاريخ دبدو مرتبط بزاف ب نزاعات لمحلية بين لعرب ولأمازيغ، ولكن رغم هادشي بقات عندها إدارة شبه مستقلة حتى لقرن 19. أو لمسلمين كانو تابعين لعامل تازة لي كان كيرسل خليفة ديالو باش يجمع ضرائب، بينما ليهود كانوا كيخلصو لجزية لباشا ديال فاس.

أو ف أواخر لقرن 19، ملّي تولى لسلطان مولاي عبد لعزيز لحكم عام 1894، وخلال ثورة جيلالي زرهوني لمعروف ببوحمارة، حاول واحد لأمازيغي سميتو بوحصيرة يستقل ب لمنطقة. ولكن فـ عام 1904 خضعات لقبيلة ولمنطقة كاملة لبوحمارة، بتحريض من ليهودي دودو بار حيدا لي تعيّن قايد، واستغل المنصب ديالو باش ينتاقم من ليهود لمنافسين ليه، خصوصاً لي من أصل أندلسي.أو فـعام 1911 حتلات القوات لفرنسية دبدو ودارو فيها حامية عسكرية. وما بين عام 1936 وعام 1970، هاجر بزاف ديال ليهود لي كانو ساكنين ف لمدينة تجاه إسرائيل.

لعلم

لعلم ديال إمارة دبدو ما بين عام1894 أو عام1911، كان على أغلبية ظن أزرق ومشقوق من طرف، بحيت لون لأزرق كان كيرمز ليهود. وكان فيه متلت حمر ف لجهة ديال سّارية، دخلو نجمة بيضا، أوفوسط لجزء لأزرق كانت كاينة علامات شبيهة بـ “Db’r” مطرزة بخيط ذهبي. وهاد لعلم محفوظ ف متحف لجيش ف مدريد تحت رقم 40764.

مصادر

ويكيميديا كومنز عندا تصاور و معلومات على دبدو.

هادي زريعة ديال مقالة خاصها تّوسع. تقدر تشارك ف لكتبة ديالها.