خوصصة

الخوصصة (و كاتّسما الخصخصة ف لعربية د لمشرق) ف لقتيصاد و السياسات لعمومية هي لعملية اللي كاتدوز فيها الدولة لملكية ديال شي حاجة ديالها، يمكن تكون شركة ولا مؤسسة عمومية د الصناعة ولا التجارة و يمكن تكون حتّا نشاط قتيصادي ولا خدمة عمومية كانت كاتحتاكرها، ل عند القطاع الخاص (لپريڤي). هاد التفويت يمكن يكون كامل ولا غير جزئي.

العملية العكسية، لّي كاتكون الدولة هي اللي كاتشري ولا كاتّاخد ب السيف شي نشاط قتيصادي كان عند الخواصّ، كاتّسما التأميم.

لخوصصة مفهوم قتيصادي لّي خلق بزّاف د النقاش ف لعالم و ف لقتيصادات ديال لعالم التالت. ف لمغريب، لخوصصة، من اللخر ديال التمانينات د لقرن العشرين ولّات سياسة قتيصادية هيكلية ديال الدولة، و تخصّصو ليها قطاعات وزارية ديالها و مساطر و صنادق ف لميزانية ديال الدولة اللي كاتسير لمداخيل ديالها.

أكبر عملية د لخوصصة ف التاريخ د لمغريب كانت ف 2001 فاش باعت الدولة 35 ف لميا د لأسهم ديالها ف اتصالات لمغريب ب 23.34 مليار درهم.

بين 1993و 2008 الدولة لمغريبية دخلات 100 مليار درهم من 107 عملية د لخوصصة ديال شركات و مؤسسات عمومية ب شكل كامل ولا جزئي.

عيون لكلام

تقدر تزيد شوف بزاف د تّصاور و لمعلومات ديال Privatization ف ويكيميديا كومنز.

هادي زريعة ديال مقالة خاصها تّوسع. تقدر تشارك ف لكتبة ديالها.