سمع لهاد لمقال

جدوان

من ويكيپيديا
اذهب إلى التنقل اذهب إلى البحث
جدوان
جدوان
معلومات عامة
زيادة 1967 (52/53 عام)
رباط
لجنسية لمغريب
لميهنة مغني
معلومات خرى
لألة صوت بشري ترجم



سمع لهاد لمقال
Spoken Wikipedia icon
هاد لؤديو مخدوم من واحد نوسخة د لمقال "جدوان" بتاريخ 2020-08-02، وماداخلش فيه تبديلات لي جاو من بعد.

لمختار جدوان لمعروف بجدوان ولاً الشاب جدوان (تولد فالرباط ف 1967) كان مغنًي مغريبي د الشعبي عتازل ف 2008 وبدا تيدير الدعوة لإسلامية.

حياتو[بدل | بدل لكود]

تولد لمختار جدوان ف 1967 فالرباط وكبر فأسرة فنية, كان كل واحد من خُوتو التلاتة عندو مجموعة موسيقية ديالو, وكانوا كلًهم كيتدرًبو فالدار.[1] كبر لمختار فهاد لجو وكان تيسمع لبزاف د لمغنًيين منهم ناس لغيوان وجيل جيلالة ومحمد لمراكشي ومحمد بنعمر الزياني.[2]

بدا جدوان لمسيرة ديالو فلغنا ف 1987 وخرًج أول ألبوم مع لمجموعة ديالو وكانت سميتو: أنا لمسيكينة. من ديك لوقت بانلو باللًي حياتو أتكون فلموسيقى ووقًف قرايتو فلعام التاني د لجامعة. من بعد دخل للمعهد لموسيقي ديال الرباط وبدا تيخرج أغاني جداد مع لفرقة ديالو اللي كانت سميتها "أوركيسطرا جدوان". تعرف بزاف فلمغريب وولاُ تيشارك فلمهرجانات ولعراسات, وغنًا ببزاف د اللهجات باش يبيًن التنوع د الثقافة د لمغريب كامل.[3]

جدوان كان معروف باللي كان دياني, ومشا للحج جوج مرات ف 1992 و 1993, وواعد راسو باش يعتازل ملًي يوصل ل 40 عام. فعلا, ف 2008 عتازل لموسيقا ومابقاش تيغني. من ديك الساعة ولاً لمختار جدوان مقرئ ديال لقرآن فبزاف د الجوامع وداعية تيشارك فبزاف د لمناسبات الدًينية.[4]

لأغاني ديالو[بدل | بدل لكود]

جدوان عندو بزاف د لأغاني لمعروفة عند لجمهور لمفريبي, منها بحال دابا:

  • خليتيني نساين
  • لالة العروسة
  • شكون كان ليا سباب
  • شهدو عليه
  • مول الطاكسي
  • شوف بنات اليوم
  • أبابا وايا بابا

لمصادر[بدل | بدل لكود]