جدري القرود
جدري القرود
| ||
| ||
| معلومات عامة | ||
| نوع | مرض فيروسي، مرض الفيروس الجدري المعدي، مرض حيواني المنشأ و مرض | |
| سباب | فيروس جدري النسناس | |
جدري القرود هو مرض كيجي من ڤيروس سميتو ڤيروس جدري القرود. هاد المرض كيخلي الواحد يطلعو ليه حبوب فالجلد كيوجعو بزاف، وكتنفخ ليه الغدد اللمفاوية، وكتجيه السخانة. فالغالب الناس كيبراو منو مزيان، ولكن كاين شي وحدين كيمرضو بزاف.[1]
أي واحد ممكن يشد جدري القرود. هاد المرض كيتنقل بهاد الطرق:
- لمسّان د شي واحد مريض، إما بالبوسان ولا الجنس
- لمسّان د الحيوانات المريضة ملي كنصيدوهم ولا كنسلخوهم ولا كنطيبوهم
- لمسّان د الحوايج الملوثة بحال الفراش ولا الكسوة ولا البر[ماواضحش]
- العيالات الحاملات المريضات ممكن يعطيو الڤيروس للدراري ديالهم اللي فالكرش[1]
العلامات وليمارات ديال جدري القرود كيبانو عادة فالسيمانة اللولة، ولكن ممكن يبانو من نهار واحد حتى ل21 يوم من بعد ما الواحد يتعرض للفيروس. ليمارات كيبقاو عادة من جوج سيمانات حتى ل4 ديال السيمانات.
ليمارات اللي كيبانو بزاف هوما:
- حبوب فالجلد
- سخانة
- حريق فالقرجوطة
- ضران د الراس
- وجع فالعضلات
- وجع فالظهر
- عيا
- نفخة فالغدد اللمفاوية
عند شي ناس، أول حاجة كتبان هي الحبوب فالجلد، وعند ناس خرين كيبانو ليمارات خرين قبل.[1]
الهدف من العلاج هو نتهلاو فالحبوب اللي فالجلد ونقصو الوجع ونمنعو المشاكل الكبيرة. التهلّو من بكري مهم باش نعاونو فالتحكم فالأعراض ونتجنبو المشاكل الكبيرة.
الجلبة ديال جدري القرود ممكن يعاون باش نمنعو العدوى. خاصنا ناخدو الجلبة ف4 يام من بعد ما نخالطو شي واحد مريض (ولا ف14 يوم إيلا ماكانوش عندنا أعراض).[1]
إيلا كنتي مريض بجدري القرود، خاصك:
- تڭولها أي واحد خالطتيه مؤخراً
- تبقى فالدار حتى يطيح الجلد كامل ويتصاوب جلد جديد
- تغطي ليطاش وتلبس الكمامة ملي تكون مع ناس خرين
- تبعد على الملامسة الكسدية
باش نمنعو جدري القرود ما ينتشرش بين الناس، خاص الناس المرضى يعزلو راسهم فالدار، ولا فالسبيطار إيلا كان ضروري، طول الوقت اللي فيهم العدوى (من اللول ديال الأعراض حتى يبرا الجلد وتطيح القشرة). تغطية البقع ولبس الكمامة الطبية ملي نكونو مع ناس خرين ممكن يعاون باش ما ينتشرش المرض.[1]