تينجداد

تينجداد
‫تنجداد‬ (ar) ⵜⵉⵏⵊⴷⴰⴷ (tzm)
لبلاصة
لبلاد	لمغريب
لإقليم	إقليم الراشيدية
السكان
شحال دالسكان	9,528 (2024)
شحال دلفاميلات	1,691 (2014)
لجغرافيا
لعلو	1,062 م
معلومات خرين
الرمز لجغرافي	2527925

تينجداد مدينة مغريبية و جماعة ترابية حضرية كاينة ف إقليم رّاشيدية، جهة درعا تافيلالت، ساكنين فيها 8930 واحد، على حسب لإحصاء لعام 2014.

اصل السمية

كيختلف الأصل ديال سمية "تنجداد" بين الناس ؛ كاين اللي كيقول بلي لمدينة كانت شحال هادي بحال شي ضاية ديال لما عامر بالطيور اللي كيتسماو بـالأمازيغية "إيكداد"، وعليها تسمات لمدينة من بعد "تين إيكداد" وولات "تنجداد".

وكاين عاوتاني اللي كيقول بلي لمنطقة كانت معروفة بـ "تين إنجدا"، وتسمات على سميتو حيت كانت أقرب بلاصة كيرتاحوا فيها ناس لمسافرين، خصوصاً وأن لمنطقة كانت فـالقديم من طرقان لي كيدوزو منها لقوافل اللي كانت غادة لـ "السودان".

وصف لـطبيعة ديال مدينة تنجداد

كتنتمي لـمنطقة ديال تنجداد ولا واحة فركلة لـلـمنطقة ديال لـهضاب لـأطلسية، وفين كتعبر حوض كبير حادينو جبال لأطلس لكبير الـشرقي من لـشمال ولـغرب، و لأطلس الصغير من لـجنوب. وحادها من لـجهة ديال الـشمال الـشرقي لـبسيط ديال جماعة غريس لـي كاين على ارتفاع 1000م على لـبحر.

كما كيبانوا فـلـحوض عدد من لـكتل الـصخرية لـي لـارتفاع ديالها قليل، وكاينين فـلـمنطقة ديال تنجداد عدد من لـواحات لـأهم ولـأكبر فيهم هي لـواحة لـي ممتدة على طول وادي تنجداد . وكاينين فيها بزاف ديال لـواحات الـثانوية بحال واحة (أيت مولاي المامون) وواحة (أيت معمر) و(قطع الواد) و(تين أيت محمد) و(إيحنضار) و(توغاش). وكيقطع هاد لـمنطقة وادي فركلة لـواد الـرئيسي، وكذالك وادي الزات لـي حاد لـواحة لـكبيرة من لـجهة ديال لـجنوب، ووادي (أغرو) و(تنكارفا) من لـجهة ديال لـشمال.

هاد لـوديان كيتعبرو من الـروافد ديال وادي غريس، وكانوا حتى لـسبعينيات ديما جارين، ولكن لـيوم ولاو غير موسمييين.

لـمنطقة ديال تنجداد فيها مناخ شبه جاف حتى لـجاف (أي ناشف)، وقليل فين نقدرو نفرقو بين لـفصول لـأربعة، حيت نقدرو نهضرو غير على جوج فصول: شتا رطبة وباردة وصيف جاف وسخون. الشتا ر كتقلب على 200 ملم، وكتميز هاد لـمنطقة بـرياح مجهدة متبوعة بـعواصف رملية فـلـفصل ديال الـصيف ولـخريف، و معروفة بـرياح الشوم فين كطلع لـحرارة وتفوت فـشي مرات 40 درجة، لـذلك كتعتبر لـمنطقة منطقة قارية.

لموقع ولمناخ

​تنجداد جات نيشان على الطريق الوطنية نمرة 1 (لمغريب)، بعيدة بحوالي 55 كلم شرق تنغير وتقريباً 90 كلم غرب أرفود. لمدينة هي عبارة على واحد لواحة ممتدة على الجناب بجوج ديال واد تودغي اللي كيكون ناشف فغالب الأوقات، و كتعتبر من غير كلميمة هي أبعد محطة فـجهة الشرق فـ طريق القصبات.

​لمناخ فتنجداد صحراوي؛ والشتا قليلة بزاف (حوالي 125 ملم فالعام) وكطيح تقريباً غير فالفصل ديال الشتا.

السكان

لعام	1994	2004	2014	2024
لعدد ديال السكان	5755	7494	8942	9528

هاد الزيادة لستمرة ولخفيفة فعدد السكان جاية بالأساس من لهجرة ديال لعائلات الأمازيغية من لمناطق لجبلية ديال لأطلس لكبير و لأطلس لمتوسط.

التاريخ

بالنسبة التاريخ ديال لمنطقة و بسباب غياب لوثائق لمكتوبة ما معروف عليه والو. ولكن بحال كاع لواحات اللي فالجنوب ديال لمغريب، غالباً الناس استقرو هنا هادي آلاف السنين، حيت فالواحات كاين كاع داكشي اللي كيحتاجو باش يعيشوا مدة طويلة: النخل ديال التمر وشجر آخر اللي كيعطي الضل (الرمان، لكرموص...)، ولأرض ديال لفلاحة يعني ساهل تسقيها وتزرع فيها لحبوب (خصوصا الشعير) ولخضرة (خصوصاً لفول).

أما تربية لمواشي على نطاق واسع ما كانتش ممكنة فالواحات، حيت كانت غادي تشكل خطر على المحاصيل اللي كيضربوا عليها الناس تمارة باش يزرعوها

تعليم

• نسبة لأمية (نّاس لّي ما كايعرفوش يقراو ولا يكتبو) : 19,5%
• نسبة سّكان لّي قاريين فوق الليسي (ليسي و جامعة): 22,5%

قتيصاد

لوضعية لاقتصادية مبنية على اقتصاد لواحات، اللي كيعتمد بدور ديالو على مياه الثلوج اللي كتذوب فـ لأطلس الكبير ففصل الربيع. أما السياحة، فما عندهاش شي دور كبير.

• نسبة نّاس نّشيطين (لّي يقدرو يخدمو): 41%
• نسبة لبطالة (نّاس لّي ما خدامينش و تايقلبو على خدمة): 23,8%
• نسبة نّاس اللي خدامين ف دّولة : 27,7%
• نسبة نّاس اللي خدامين ف لپريڤي:27,8%

مصادر

ويكيميديا كومنز عندا تصاور و معلومات على تينجداد.

هادي زريعة ديال مقالة خاصها تّوسع. تقدر تشارك ف لكتبة ديالها.