تيفاقية د تطبيع بين لمغريب ؤ إسرائيل
.jpg)
تّيفاقية د تّطبيع بين لمغريب ؤ إسرائيل هيّا تّيفاقية لي سناها لمغريب معا إسرائيل ف 22 دجنبر 2020. هاد تّيفاقية كانت علنات عليها لحوكومة د لميريكان ف 10 دجنبر 2020، لي ب موجب ديالها غادي تولي لعلاقات بين لمغريب ؤ إسرائيل غادية بشكل طابيعي ؤ علني، بما فيها رحلات ب طّيارة موباشيرة بيناتهوم، تّعاون لقتيصادي ؤ لعسكاري، ؤ حلان بيروات ديال تّواصل ف لبلدان بجوج باش يحققو "علاقة د صداقة ديپلوماسية ؤ سلمية". ف إطار هاد تّيفاقية، عتارف لمغريب بشكل رسمي ب دّولة د إسرائيل، ؤ لميريكان عتارفات ب سّيادة د لمغريب علا صّحرا لمغريبية، معا دعم ديال لموخطاط د لحوكم دّاتي لي قتارحو لمغريب، كا حل واحيد د نّيزاع د صّحرا.
ب هاد تّيفاقية، نضم لمغريب ل مجموعة د لبلدان ف شمال إفريقيا ؤ شرق لأوسط لي ديجا عتارفات ب إسرائيل ؤ سنات تّطبيع معاها، لي منهوم لبحرين، لإمارات، مصر، لأردن، ؤ سّودان.[1]
صونداج دارتو مؤسسة لباروميطر لعربي ف 2021 بيّن بلي 41% د لمغاربا كيساندو تّطبيع معا إسرائيل، موقابيل 28% لي رافضين، ؤ 33% ماعندهومش ري ؤلا ماعطاوش رّي ديالهوم.[2]
- ^ "Moroccan Normalization with Israel: Temporary Deal or Permanent Peace?". 2021-07-08. مأرشيڤي من لأصل ف 6 يونيو 2023. تطّالع عليه ب تاريخ 2023-08-11.
- ^ "Arab Barometer VI Morocco Country Report" (PDF) (ب نڭليزية). 2021. مأرشيڤي (PDF) من لأصل ف 2023-02-03. تطّالع عليه ب تاريخ 2021-12-20.
 هادي زريعة ديال مقالة خاصها تّوسع. تقدر تشارك ف لكتبة ديالها. |