انتقل إلى المحتوى

تبجيغة ديال لغطاسة تايتن

من ويكيپيديا
الرئيس التنفيذي ديال OceanGate، سطوكطون راش، ف 2015

ف 18 يونيو 2023، واحد لغطاسة submersible سميتها تايتن Titan، تبجغات ف شمال لمحيط لأطلسي، و هيّ نازلة ل عند لبقايا ديال لباطو تايتانيك لي كان غرق ف 1912. هاد لغطاسة كانت مملوكة و مسيّرة من عند الشركة د السياحة لميريكانية ؤشن ڭييت OceanGate، و كانو راكبين فيها 5 د الناس هوما سطوكطون راش، الرئيس التنفيدي ديال ؤشن ڭييت، پول هينري نارجولي، موستكشيف فرانساوي ديال لأعماق د لبحر، و خبير ديال تايتانيك، هاميش هاردينڭ، ملايري و بيزنيسمان بريطاني، و داوود شاهزادة، ملايري و بيزنيسمان پاكيستاني بريطاني، معا ولدو سليمان.

التواصل معا لغطاسة تّقطع ساعة و 45 دقيقة مورما نزلات، و السلطات تعلمو ملي مارجعاتش ل السطح ف لموعد ديالها داك النهار. ف 4 يام لي موراها تبيّن بلي لغطاسة تبجغات بسباب ضغط لما، شي لي أدى ل وفاة جميع الركاب ديالها فيساع.[1][2][3]

بزاف ديال لحرايفيا قبل مايطرا هادشي كانو ڭالو بلي الشركة ماخداتش حتياطات كافية د السلامة، ولاكين الرئيس ديال ؤشن ڭييت سطوكطون راش كان جاوبهوم بلي كپروطوكولات ديال السلامة ب الزايد كيحدّو من لإبداع.[4]

عيون لكلام[بدل | بدل لكود]

  1. ^ "Unified Command established for missing submersible from Polar Prince". United States Coast Guard. 20 يونيو 2023. مأرشيڤي من لأصل ف 21 يونيو 2023. تطّالع عليه ب تاريخ 21 يونيو 2023.
  2. ^ Petri، Alexandra E.؛ Lin، Summer (19 يونيو 2023). "Titanic tourist submersible carrying 5 disappears on trip to see wreck in North Atlantic". Los Angeles Times. مأرشيڤي من لأصل ف 19 يونيو 2023. تطّالع عليه ب تاريخ 20 يونيو 2023.
  3. ^ Liebermann، Oren؛ Britzky، Haley (20 يونيو 2023). "US military moving military and commercial assets to help submersible search efforts". CNN. مأرشيڤي من لأصل ف 21 يونيو 2023. تطّالع عليه ب تاريخ 20 يونيو 2023.
  4. ^ Bogel-Burroughs، Nicholas؛ Gross، Jenny؛ Betts، Anna (20 يونيو 2023). "OceanGate Was Warned of Potential for 'Catastrophic' Problems With Titanic Mission". The New York Times (ب نڭليزية). مأرشيڤي من لأصل ف 21 يونيو 2023. تطّالع عليه ب تاريخ 21 يونيو 2023.