تازناخت

تازناخت
‫تازناخت‬ (ar) ⵜⴰⵣⵏⴰⵅⵜ (tzm)
لبلاصة
لبلاد	لمغريب
لإقليم	إقليم وارزازات
السكان
شحال دالسكان	8,268 (2024)
شحال دلفاميلات	2,010 (2024)
معلومات خرين
الرمز لجغرافي	2529245

تازناخت مدينة مغريبية و جماعة ترابية حضرية كاينة ف إقليم وارزازات، جهة درعا تافيلالت، ساكنين فيها 7281 واحد، على حسب لإحصاء لعام 2014.

تاريخ

كيف لحال فكاع لفيلاجات لأمازيغية، التاريخ ديال تازنخت ما فيه حتى شي تقاييد مكتوبة وصلاتنا من لقديم. ولكن، كنقدرو نفترضو بلي هاد لواحة ديال النخل تعرفات من طرف الصيادة للوالة، ومن بعد قرون كثيرة ستعملوها لرحّال باش يوكلو لكسيبة ديالهم. ومع لوقت، كاينين شي رحّال لي ستقرو تما بمرة وبداو فلفلاحة ديال لأرض (لشعير، لفول، وغيرهم) وفلغرس ديال الشجر (لرّمان، لكرموس، لوز).

لكسيبة لي بقات (لحمير، لغنم، لمعيز، الدجاج) ما بقاتش كتسرح فلخلا كيف لقبل، ولكن ولات كتجمع فزريبات ولا كوريّات، هادشي لي خلا لعدد ديالها ينقص بزاف.

وفهاد لمرحلة ديال لإستقرار، كانت الصداعات لي كتوصل للغوات ولمدابزة كتطرا باستمرار بين السكان ديال لواحات وبين الرحّالة لي باقين كيدوروا بلبهايم ديالهم. وحتى للنص ديال لقرن 20، كانت تازنخت غير فيلاج أمازيغي صغير، وما ولات مدينة صغيرة إلا من بعد ما زادت لحركية ديال الناس فلجنوب.

السكان

لعام	1994	2004	2014	2024
لعدد ديال السكان	3813	6185	7281	8268

​السكان ديال تازنخت كيتكونو بلا ستتناء من لأفراد ديال قبائل أمازيغية مختلفة من النواحي. الأغلبية ديالهم هاجرو للمدن من السبعينيات، بسباب الشتا لي ما بقاش كيطيح فلفيلاجات ديالهم لأصلية، ولكن حتى لشي أسباب جتماعية وتقافية (لأمل فلخدمة، تحسين الظروف ديال لعيش، ولعناية صحية، ولفرص حسن للقراية ديال ولادها، وغيرها).

تعليم

• نسبة لأمية (نّاس لّي ما كايعرفوش يقراو ولا يكتبو) : 28,7%
• نسبة سّكان لّي قاريين فوق الليسي (ليسي و جامعة): 16,8%

لقتيصاد

فلقرون لقديمة، كان لإكتفا الذاتي هو لأساس ديال لإقتصاد. وما بداو لمواد لغدائية لي كتنتج فلواحة ديال النخل (لفول، لبصلة، وغيرها) يتباعو فلأسواق لجهوية ولا لوطنية، إلا من بعد ما تقادو بزاف ديال لمسالك لي كتلاقى فتازنخت (لي ولات دابا طرقان معبّدة) فوقت لإستعمار لفرنساوي. وفنفس لوقت، دخلو نواع جديدة ديال لخضرة للمنطقة (بطاطا، مطيشة، لفلفلة، وغيرها) لي غنات لماكلة ديال لناس.

وحتى ليوما، باقي لإقتصاد ديال لواحات هو لي كيتحكم فلحياة ديال أغلب السكان؛ كينتجو بالدرجة للوالة التمر، و الزيتون، و الرمان ولكرموس، و زيد على هادشي لفلاحة ديال لحبوب (الشعير، لقمح، الدرة) ولخضرة (لفول، خيزو، مطيشة، وغيرها).

من غير لفلاحة، بانو من لوقت ديال لحماية بزاف ديال لمشاريع الصغيرة فلمجالات ديال الصناعة لتقليدية، والتيجارة، ولخدمات، فين كيلعب تصواب ولبيع ديال الزرابي لأمازيغية دور كبير ومهم بزاف. وفالشرق ديال لمدينة، كاينين بزاف ديال لمناجم فين كيتلقاو لمعادن ولحجر لكريم.

لاحصاء

• نسبة نّاس نّشيطين (لّي يقدرو يخدمو): 42,9%
• نسبة لبطالة (نّاس لّي ما خدامينش و تايقلبو على خدمة): 11,7%
• نسبة نّاس اللي خدامين ف دّولة : 15,7%
• نسبة نّاس اللي خدامين ف لپريڤي:39,2%

لمعرض ديال تصاور

• 
  لمحطة الطرقية في لمدينة واللي فيها طاكسيات لكبيرة و الصغيرة و الكيران
• 
  لأنشطة ديال سرح الجمال
• 
  جبال ونباتات ديال لمنطقة

مصادر

ويكيميديا كومنز عندا تصاور و معلومات على تازناخت.

هادي زريعة ديال مقالة خاصها تّوسع. تقدر تشارك ف لكتبة ديالها.