بولمان

بولمان
‫بولمان‬ (ar) ⴱⵓⵍⵎⴰⵏ (tzm)
لبلاصة
لبلاد	لمغريب
لإقليم	إقليم بولمان
السكان
شحال دالسكان	6,067 (1994)
شحال دلفاميلات	1,947 (2024)
لجغرافيا
لعلو	2,029 م
خط الطول بـ °	-4.73021507
خط لعرض بـ °	33.3653737
معلومات خرين
الرمز لجغرافي	2554389
لخريطة

بولمان مدينة مغريبية و جماعة ترابية حضرية كاينة ف إقليم بولمان، جهة فاس مكناس، ساكنين فيها 7104 واحد، على حسب لإحصاء لعام 2014.

التاريخ

​تطورات مدينة بولمان بفضل الدور ديالها كمعتقل عسكري فلوقت ديال لحماية لفرانساوية على لمغريب، ولكن التطور ديالها بقى محدود بسباب لموقع لجغرافي والتضاريس ديالها الصعيبة.

تعليم

• نسبة لأمية (نّاس لّي ما كايعرفوش يقراو ولا يكتبو) : 29,4%
• نسبة سّكان لّي قاريين فوق الليسي (ليسي و جامعة): 22,7%

لموقع ولمناخ

​جات بولمان على بعد كتر من 100 كلم (طريق) فلجنوب ديال فاس، لعلو ديالها كيوصل ل 1700 متر فلجهة الشمالية ديال لأطلس لمتوسط. أما مدينة ميدلت فكاتبعد عليها بحوالي 110 كلم فلجنوب. لمناخ تماك ناشف وسخون؛ والشتا (حوالي 250-300 ملم فلعام) كاتطيح بلأساس فالنص ديال لعام الشتوي.

التضاريس

​جات مدينة بولمان فلأطلس لمتوسط الشرقي، وكتعتبر معبر رئيسي بين حوض ملوية وهضبة سايس. دايرين بلمدينة سفوح جبلية لميل ديالها قاصح (شديدة لإنحدار)، وهادشي كيحد من لإمكانية ديال التوسع ديالها.

السياحة لإيكولوجية

​نظم إقليم بولمان فلفترة ما بين 3 و 7 يوليوز من عام 2024 لملتقى التاني ديال السياحة لإيكولوجية تحت شعار "السياحة لإيكولوجية رافعة للتنمية لمستدامة بإقليم بولمان". هاد لملتقى نظماتو لجمعية لإقليمية لتنمية لسياحة لمستدامة، وجمعية تاركا للتنمية ولبيئة، وجمعية ملتقى أدرار، بحضور لمجلس لجهوي ديال السياحة لجهة فاس مكناس.

​وجاء هاد لحدث حتفالا بليوم لعالمي ديال التعاونيات لي كيوافق لسبت لأول من شهر يوليوز من كل عام، وباش ينعشو السياحة لإيكولوجية ولجبلية ولقروية لي كتمتل وحدة من لمجالات لواعدة فلاقليم ديال بولمان.

السكان

لعام	1994	2004	2014	2024
لعدد ديال السكان	6.067	6910	7104	6761

السكان ديال بولمان فلأغلبية ديالهم من أصل أمازيغي، ولكن لهضرة لي مستعملة بزاف هي الدارجة لمغربية.

قتيصاد

لمدينة كتلعب دور ديال مركز تجاري، وحرفي، وإداري، وتعليمي، وصحي بالنسبة للدواور لفلاحية لي دايرة بيها. وفلعقود للخرة ديال لقرن لعشرين، ولات عندها واحد لأهمية سياحية كبلاصة للإصطياف وتبراد فلوقت ديال لحرارة.

• نسبة نّاس نّشيطين (لّي يقدرو يخدمو): 39,2%
• نسبة لبطالة (نّاس لّي ما خدامينش و تايقلبو على خدمة): 23,1%
• نسبة نّاس اللي خدامين ف دّولة (ولا لبيطاليين اللي سبق ليهوم خدمو): 21,5%
• نسبة نّاس اللي خدامين ف لپريڤي (ولا لبيطاليين اللي سبق ليهوم خدمو):42,6%

الصناعة التقليدية

​كتعتبر صناعة النسيج التقليدي من أقدم وأعرق لحرف التقليدية فلمغريب، حيت مارسوها لأمازيغ لأولين قبل ما يتلاقاو مع لحضارات لخرا؛ فاش استقرو فجبال لأطلس وفلوطا لي حداها جابو معاهم لقواعد لأساسية ديال هاد الصناعة، وزيد عليها أنهم كسبو مهارات كبيرة فلفن ديال صباغة الصوف. وهاد النشاط عرف تطور كبير مع لفتح لإسلامي للمغريب فلقرن السابع لميلادي، حيت تنوعات لمنتوجات ديال النسيج لتقليدي فإقليم بولمان على حساب لقبائل لي كاينين فلإقليم؛ داكشي علاش كنلقاو زربية مرموشة، وزربية تيساف، وحنبل كيكو، ولحنديرة ولجلباب ديال ولاد علي، وهادشي كلو عندو علاقة مباشرة بقبائل مرموشة، وآيت يوسي، وآيت سغروشن.

التصاور

• 
  تساقط الشتا بمركز مدينة بولمان
• 
• 

مصادر

هادي زريعة ديال مقالة خاصها تّوسع. تقدر تشارك ف لكتبة ديالها.