المركز الثقافي أزرو

لمقال مقطوع من شجرة، ما كايدي ليه تا شي مقال أخر، زيد ليان ديالو ف مقالات خرين.

المركز الثقافي أزرو
معلومات عامة
لبلاد	لمغريب
لموضع	إقليم إيفران
لمدينة	أزرو
تاريخ د لبني	2016
معلومات إضافية
	web.facebook.com…

المركز الثقافي أزرو هو مؤسسة ثقافية فمدينة أزرو المغربية، تدشنات عام 2016. هاد المركز كاين وسط المدينة، ؤ تايتكون من 2 طيقات أو بزاف دالمرافق.

مرافق المركز

• مكتبة للصغار مساحتها 196 ميترو مربع ؤ فيها 2000 كتاب و 20 طبلة و فضاء دالألعاب.
• مكتبة ديال لكبار، المساحة ديالها 206 ميترو مربع ؤ فيها 5000 كتاب و 60 طبلة
• قاعة ديال لمعالجة د لكتوبا
• فضاء ديال لمعارض الفنية و التشكيلية مساحتو 163 ميترو مربع
• قاعة ديال الندوات مساحتها 175 ميترو مربع ؤ كاتهز 120 بلاصة
• قاعة د المعلوميات، فيها 12 أورديناتور مربوطين بالإنترنيت
• قاعة د الورشات كاتكوّن من تلاتة د القاعات، مساحتها 113 ميترو مربع، ؤ كاتهز 100 بلاصة
• متحف تراث الأطلس المتوسط (المتحف الأمازيغي)

متحف التراث الأمازيغي

الهدف من هاد المتحف هو يبرز الغنى ديال التراث دالمنطقة دالأطلس المتوسط و يتمن المنتج السوسيو ثقافي دالمنطقة. هاد المتحف مكوّن من 3 د القاعات د العرض:

• القاعة 1: مساحتها 206 ميترو مربع، كايتعرضو فيها قطع ديال المعدن ؤ الحفريات ؤ الحجر ؤ جدورا د الشجر د المنطقة بحال الأرز و البلوط و العرعار، هاد القاعة فيها تا النباتات دالريحة و ديال الدوا لي فالمنطقة، ؤ طابلوات على الجغرافيا د المنطقة ؤ المشاكل البيئية لي كاتواجها
• القاعة 2: هاد القاعة متخصصة فالتراث الثقافي اللامادي، بحال الحرفة و الفنون التقليدية د المنطقة، كايتعرضو فيها المجوهرات الأمازيغية و اللباس التقليدي د الراجل و المرا، و المكحلات الألات دالموسيقى و الزرابي، ؤ طابلوات على التراث الثقافي دالمنطقة والترحال و المهرجانات.
• القاعة 3: متخصصة فالتراث الأثري التاريخي، المساحة ديالها 163 ميترو مربع، فيها القطع الأثرية لي تكتاشفات فالمنطقة، منها لي تايرجع لما قبل التاريخ، ؤ لي تايرجع لما قبل الإسلام، ؤ لي تايرجع للفترة الوسيطية. هاد القطع تالقاو فيها ادوات حادة د الصيد، و الفخار والخزف، و العضام، و السنارات، و الرحى، ؤ الحفريات د الحيوانات بحال الدب لي تكتاشف فمغارة إفري أوسعيد، زيادة على لحلي و الزاج و غيرها.