المختبر الوطني د أرڭون

من ويكيپيديا
المختبر الوطني د أرڭون
معلومات أساسية
نوع د لمؤسسة مختبر، معهد د لأبحات و مختبر وطني للولايات المتحدة
لبلاد الولايات المتاحدة د ميريكان
تاريخ د تّأسيس 1 يوليوز 1946
سّيت رّسمي anl.gov
معلومات إضافية
عضو ف ORCID و أرخايف
أعضاء/ڭزوات Track Imaging Cherenkov Experiment
أدريسة 9700 S Cass Ave, Lemont, IL 60439



منضر من السما ل مختبر أرڭون

المختبر الوطني د أرڭون (بالنڭليزية: Argonne National Laboratory) هو واحد السونطر د البحت ؤ التطوير اللي كاتمولو الحكومة الفيدرالية الميريكانية كاين ف مدينة ليمونت ف ولاية إلينويز ف ميريكان. تأسس ف 1946 ؤ كاتملكو وزارة الطاقة الميريكانية ؤ كتجيريه شركة UChicago Argonne LLC التابعة ل جامعة شيكاڭو.[1][2] السطالاسيون د أرڭون هي أكبر مختبر ف الغرب الوسطاني د ميريكان من ناحية الحجم ؤ الضومين.

َأرڭون بدا ف إطار المختبر د الميطالوجي د جامعة شيكاڭو اللي جزء من السبب د التأسيس متاعو هو باش يديرو فيه الخدمة د إنريكو فيرمي على المفاعيلات النووية ف إطار مشروع مانهاتن ف وقيتة الحرب العالمية التانية. من مور الحرب، أرڭون غايتختار كا المختبر الوطني رقم واحد ف 1 يوليوز 1946.[3] فالعقود اللولة متاعو، أرڭون كان كايركّز بالأساس على التخدام السلمي د الطاقة النووية؛ أغلب المحطات النووية التجارية فالعالم كايجع الفضل فيهم للأبحاث د أرڭون. اليوم كتر من 1000 عاليم كايديرو البحت العلمي ف المختبر د أرڭون ف عدد كبير د الضومينات، من بينهم: التخزان د الطاقة ؤ الطاقات المتجددة؛ البحت الفوندامونطالي فالفيزيك، الشيمي، ؤ علم المواد؛ المداومة البيئية؛ تاحساسبيت الهاربة supercomputing؛ ؤ لأمن الوطني.

أرڭون كان حل فرع صغير ديالو سمّاه المختبر الوطني د أرڭون فالشرق (أرڭون الشرقي) ف ولاية أيداهو حدا المختبر الوطني د الهندسة ؤ البيئة. ف 2005، اللابووات بجوج تميرجاو باش يولّيو سميتهم المختبر الوطني د أيداهو.[4]

أرڭون داخل ف إطار الكولوار د الطيكنولوجيا ؤ البحت اللي غادي ؤ كايتوسّع.

عيون لكلام[بدل | بدل لكود]

  1. ^ "Master Government List of Federally Funded R&D Centers - NCSES - NSF". www.nsf.gov. مأرشيڤي من لأصل ف 2023-08-20. تطّالع عليه ب تاريخ 2023-03-08.
  2. ^ "About - UChicago Argonne LLC". www.uchicagoargonnellc.org. مأرشيڤي من لأصل ف 11 يوليوز 2023. تطّالع عليه ب تاريخ 2023-03-08.
  3. ^ Holl, Hewlett, and Harris, page xx (Introduction).
  4. ^ Menser، Paul. "Cleaning house and charting a future at INL". Post Register. Idaho Falls, ID. مأرشيڤي من لأصل ف 2013-11-13.