جدوان
جدوان
| ||
| ||
| معلومات عامة | ||
| زيادة | 1967 (56/57 عام) الرباط | |
| لجنسية | لمغريب | |
| لحرفة | مغني | |
| لّوغات لي كيعرف | عربية و لوغات أمازيغية | |
| معلومات خرى | ||
| لألة | صوت | |
 
| ||
لمختار جدوان لمعروف بجدوان ولاً الشاب جدوان (تولد فالرباط ف 1967) كان مغنًي مغريبي د الشعبي عتازل ف 2008 وبدا تيدير الدعوة لإسلامية.
تولد لمختار جدوان ف 1967 فالرباط وكبر فأسرة فنية, كان كل واحد من خُوتو التلاتة عندو مجموعة موسيقية ديالو, وكانوا كلًهم كيتدرًبو فالدار.[1] كبر لمختار فهاد لجو وكان تيسمع لبزاف د لمغنًيين منهم ناس لغيوان وجيل جيلالة ومحمد لمراكشي ومحمد بنعمر الزياني.[2]
بدا جدوان لمسيرة ديالو فلغنا ف 1987 وخرًج أول ألبوم مع لمجموعة ديالو وكانت سميتو: أنا لمسيكينة. من ديك لوقت بانلو باللًي حياتو أتكون فلموسيقى ووقًف قرايتو فلعام التاني د لجامعة. من بعد دخل للمعهد لموسيقي ديال الرباط وبدا تيخرج أغاني جداد مع لفرقة ديالو اللي كانت سميتها "أوركيسطرا جدوان". تعرف بزاف فلمغريب وولاُ تيشارك فلمهرجانات ولعراسات, وغنًا ببزاف د اللهجات باش يبيًن التنوع د الثقافة د لمغريب كامل.[3]
جدوان كان معروف باللي كان دياني, ومشا للحج جوج مرات ف 1992 و 1993, وواعد راسو باش يعتازل ملًي يوصل ل 40 عام. فعلا, ف 2008 عتازل لموسيقا ومابقاش تيغني. من ديك الساعة ولاً لمختار جدوان مقرئ ديال لقرآن فبزاف د الجوامع وداعية تيشارك فبزاف د لمناسبات الدًينية.[4]
جدوان عندو بزاف د لأغاني لمعروفة عند لجمهور لمفريبي, منها بحال دابا:
- خليتيني نساين
- لالة العروسة
- شكون كان ليا سباب
- شهدو عليه
- مول الطاكسي
- شوف بنات اليوم
- أبابا وايا بابا
- ^ جامولة (2008-04-14). "الفنان المعتزل جدوان : ندمت على بعض الأغاني". هسپريس (ب لعربية). مأرشيڤي من لأصل ف 2022-02-13. تطّالع عليه ب تاريخ 2022-02-13.
- ^ "البدايات الفنية للمختار جدوان". هسپريس (ب لعربية). 2011-08-07. مأرشيڤي من لأصل ف 2022-02-13. تطّالع عليه ب تاريخ 2022-02-13.
- ^ "كيف اعتزل الشاب جدوان؟". هسپريس (ب لعربية). 2011-08-09. مأرشيڤي من لأصل ف 2022-02-13. تطّالع عليه ب تاريخ 2022-02-13.
- ^ "المغرب مملكة الفنانين «التائبين»؟ - لأخبار (2011)". مأرشيڤي من لأصل ف 2022-08-11. تطّالع عليه ب تاريخ 2020-07-21.