العباس جدة
العباس جدة
| ||
 | ||
| معلومات عامة | ||
| زيادة | 1955 (70/71 عام) فاس | |
| لجنسية | لمغريب | |
| لحرفة | كاتيب مسراحي، ؤستاد د لفلسفة و مومتيل | |
| لّوغات لي كيعرف | الداريجة لمغريبية و عربية | |
العباس جدة (مزيود ف 1955 ف فاس) كاتب مسراحي ؤ ؤستاد د لفلسفة مغريبي. عندو كتابات كاتنتاقد لمسرح لمغريبي، و كان عضو ف لجنات تحكيمية ديال مهرجانات مسراحية.[1][2]
كبر ف فاميلة فقيرة ؤ قرا ف ليسي بن خلدون. مشا موراها ل جامعة سيدي محمد بن عبد الله ف ضهر لمهراز، ؤ تخرّج ب ليصونس ف لفلسفة.
ولا ؤستاد د لفلسفة ف سوق سّبت من 1980، قرّا ف عين تاوجطات عامين، ؤ ف 1991 تحوّل ل ليسي عمر بن لخطاب ف مكناس. ف 2012 نتاقل ل قنيطرة.
كان كيبغي لفنون د لمسرح ؤ لفراجة من صغرو، ؤ من فاش كانت عندو 12 عام، كان كيمشي ل ساحة لماكينة ؤ ساحة باب بوجلود باش يشوف لحلاقي لي كيتعاودو فيهوم حكايات ؤ تّمتيليات، ؤ لموسيقا شّعبية، ؤ شّطيح ؤ لبوكس.[3]
كان حتا متبّع لعروض لمسراحية ديال لفراقي د لمسرح ف فاس، بحال لمسرح شّعبي، ليتيحاد لفني و مسرح طّاليعة، ؤ موعجاب ب مومتيلين بحال محمد تيمد ؤ محمد الكغاط. ف 1974، نضمّ ل فرقة لّيواء لمسراحي باش يولّي مومتيل. دخل ل عالم لكتابة لمسراحية ف وقت معطل نسبيا، حيت كان كيعتاقد بلي لكتابة مايقدّو عليها غير نوخبة د لموتقّافين. أول عامال مسراحي ديالو كان ف 1984 ب عنوان "درس في التاريخ". دّافع لي كان عندو باش يبدا يكتب أعمال مسراحية هوّا لمستوى لعيّان لي شافو ف لمسرح لمغريبي، موقارنة معا لمسارح لعالمية.[3]
لعباس جدة مجوّج ؤ عندو 3 د لولاد.
- مسرحية ، درس في التاريخ، 1984
- في ظلمة الليل، 2007 (لمجموعة المسرحية اللولة) و كاتضمن المسرحيات التالية: درس في التاريخ- القرية الموحشة- روح في مهب الريح- في ظلمة الليل- والرحلة.[4][5]
- الإمبراطور الجديد، 2009 (المجموعة المسرحية التانية) و كاتضمن المسرحيات التالية: نزوة- خلوة- الامبراطور الجديد- الصدر الأعظم- الأستاذ الباحث.[6]
- لنمرح يا أصدقاء... إنه يوم عطلة!، 2018 (المجموعة المسرحية الخامسة) و كاتضمن المسرحيات التالية: محاكمة مدرس-لنمرح يا أصدقاء... إنه يوم عطلة-لوحات غير متناغمة.[7]
- ملاك الجحيم (المجموعة المسرحية التالتة) و كاتضمن المسرحيات التالية: في الكواليس -عيد ميلاد سعيد- العانس -ملاك الجحيم-قوس قزح -ياللخسائر العظيمة.
- حتى يشيب لغراب (المجموعة المسرحية الرابعة) و كاتضمن المسرحيات التالية: قطار منتصف الليل- حتى يشيب لغراب -مملكة الحواس -ماوراء الجدار
- المسرح والأيام: مجموعة د المقالات النقدية حول الممارسة المسرحية.[8][9][10]
- كلنا نشتغل من أجل المسرح: مجموعة د المقالات النقدية و التحليلية حول المسرح المغربي و العربي.
- ↑ "القصر الكبير تحتضن مهرجانا دوليا للمسرح". 19 مارس 2015. Archived from the original on 2022-11-16. Retrieved 2022-11-16.
- ↑ "سبعة من أجل النهوض بالمسرح". يونيو 2024.
- 1 2 بوشنتوف, لطيفة. "لقاء عابر جدا" (ب العربية). Archived from the original on 6 أبريل 2015.
- ↑ "الببليوغرافيا الوطنية المغربية 2007" (PDF). 2007. Archived (PDF) from the original on 2022-11-11. Retrieved 2022-11-11.
- ↑ "في ظلمة الليل". 2 ماي 2013. Archived from the original on 21 نونبر 2022.
- ↑ "الببليوغرافيا الوطنية المغربية 2009" (PDF). 2009. Archived (PDF) from the original on 2022-10-10. Retrieved 2022-11-11.
- ↑ "الببليوغرافيا الوطنية المغربية 2018" (PDF). 2018. Archived (PDF) from the original on 2021-11-29. Retrieved 2022-11-11.
- ↑ "العباس جدة وكتابه "المسرح والأيام" بفاس". 2023-03-03. Archived from the original on 2023-03-22. Retrieved 2023-03-22.
- ↑ "العباس جدة وكتابه "المسرح والأيام" بفاس". طنجة الأدبية. 2023-03-13. Archived from the original on 2023-03-26. Retrieved 2023-03-26.
- ↑ "العباس جدة يوقع كتابه "المسرح والأيام" بفاس". بيان اليوم. 2023-03-17. Archived from the original on 2023-05-08. Retrieved 2023-03-26.
 هادي زريعة ديال مقالة علا موضوع عندو علاقة ب شخصيات د لمغريب خاصها تّوسع. تقدر تشارك ف لكتبة ديالها. |