الطيرمينال (فيلم)
الطيرمينال
| ||
| معلومات عامة | ||
| لعنوان لأصلي | The Terminal | |
| نوع د لفيلم | ملهاة مأساوية و فيلم دراما | |
| تاريخ د نّشر | 18 يونيو 2004 | |
| شركة د لإنتاج | أمبلين إنترتاينمنت و Parkes/MacDonald Productions | |
| شركة د توزيع | يو آي بي دونا و نتفليكس | |
| لموساهمين | ||
| لمخرج | ستيڤن سپيلبرݣ | |
| سيناريست | Sacha Gervasi و جيف ناثانسون | |
| مودير د تّصوير | يانوش كامينسكي | |
| مونتيج | لوري ماكدونالد، ستيڤن سپيلبرݣ، والتر باركس و آندرو نيكول | |
| مومتيلين | توم هانكس، كاثرين زيتا جونز، ستانلي توتشي، Barry Shabaka Henley، كومار باللانا، دييغو لونا، تشي ماكبرايد، زوي سالدانا، مايكل نوري، جود سيكوليلا، كورى رينولدز، إدي جونز، غييرمو دياز، مارك إيفانير، سكوت أدسيت، ميل رودريغيز، كاس أنفار، كينيث تشوي و Benny Golson | |
         
| ||
ذا تورمنل ولا الطيرمينال هو فيلم كوميديا-دراما ميريكاني نتجو و خرجو ستيڤن سپيلبرݣ ف عام 2004. سيناريو ساتشا دجرڤازي و دجيف نايثنسن و لقصة د آندرو نيكول و دجرڤازي.[1] بطولة طوم هانكس، كاثرين زييتا دجونس و ستانلي توتشي، لفيلم كايعاود لقصة ديال واحد الراجل من أوروپا الشرقية لي وحل ف الطيرمينال د ماطار دجون إف كينيدي ف نيويورك، ملي رفضو الدخول ديالو لميريكان، و ف نفس لوقت مايمكن ليهش يرجع لبلادو بسباب واحد لنقيلاب عسكاري.
لفيلم مأنسپيري جوزئيا من لقصة لحقيقية ديال مهران كريمي ناصري لي عاش ف الطيرمينال 1 ديال ماطار شاغل دو ݣول ف پاريس، فرانسا، من 1988 حتى ل 2006.
سينوپسيس[بدل | بدل لكود]
واحد التوريست من أوروپا الشرقية على غفلة لقا راسو واحل ف ماطار دجاي إف كاي، و بزز منو خصو يسكن تما.
ڤيكطور ناڤورسكي (لاعبو طوم هانكس)، هو راجل من الدولة الشرق أوروپية كراكوجيا (خيالية)، طار لماطار دجون كينيدي. ف لجاماريك د لماطار منعو عليه الدخول لميريكان، حيت وقع نقيلاب ف كراكوجيا و ميريكان باقية مامعتارفاش ب النيضام لي شد لحوكم، زيد على هادشي، لحودود د كراكوجيا مسدودة، هادشي خلا ڤيكطور حاير، مايمكنليهش يدخل لميريكان و مايقدرش يرجع لبلادو. و ف لوقيتة لي كان كايتسنى ف لأزمة الديپلوماسية تتحل، بزز منو خصو يسكن ف صالة د الطرمينال الدولي، بالفلوس لي عندو، و معا لوقت دار شي صحاب خدامين تما.
كاستينݣ[بدل | بدل لكود]
- طوم هانكس ف دور ڤيكطور ناڤورسكي
- كاثرين زييتا دجونس ف دور أميليا وورن
- ستانلي توتشي ف دور فرانك ديكسن
- باري شباكا هينلي ف دور دجودج ثورمان
- كومار پالانا ف دور ݣوپطا راجان
- دييݣو لونا ف دور إينريكي كروز
- تشاي مكبرايد ف دور دجو مولروي
- زووي صالدانا ف دور ضولوريس طوريس
- إدي دجونس ف دور ريتشرد سالتشاك
- دجود تشيكوليلّا ف دور كارل إڤرسن
- ݣييرمو دياس ف دور بابي أليما
- ريني بيل ف دور نادية
- ڤاليري نيكولاييف ف دور ميلودرݣوڤيتش