الصونطر الدولي د لمؤتمرات ف كاطوڤيتسه
| لمقال مقطوع من شجرة، ما كايدي ليه تا شي مقال أخر، زيد ليان ديالو ف مقالات خرين. |
الصونطر الدولي د لمؤتمرات ف كاطوڤيتسه
| ||
| ||
| معلومات عامة | ||
| نوع | صونطر د لمؤتمرات | |
| لبلاد | پولونيا | |
| لموضع | كاطوڤيتسه | |
| تاريخ د لبني | 2015 | |
| لمالك | كاطوڤيتسه | |
| تحل فـ | 2015 | |
| معلومات إضافية | ||
| لمواد دبال لبني | JEMS Architekci | |
| mck.katowice.eu | ||
الصونطر الدولي د لمؤتمرات ف كاطوڤيتسه (ب لپولونية Międzynarodowe Centrum Kongresowe w Katowicach) هوّ واحد الصونطر ديال لمؤتمرات و لمحاضرات ب شلّا ستيعمالات multipurpose. هاد لموضع تحلّ ل عامة الناس ف 2015، و كاين ف لملكية ديال لمجلس د لمدينة د كاطوڤيتسه، ف پولونيا. من ماي 2016، ولّات كاتسيّرو واحد الشركة ديال لإڤينتات PTWP Event Center ب كونطرا ديال لكرا على بزاف د لعوام.[1]
ف أغلب تاريخها، كانت كاطوڤيتسه مدينة ديال لمناجم د لفاخر ف لقلب ديال لمنطقة الصناعية ديال پولونيا، سيليسيا. زيادة على أرينا سپوضيك لي جات حداها، لمتحف السيليسي، و لمبنى ديال لؤركيسطرا د السيمفونيا لوطنية د الراديو د پولونيا،[2] تّبنى الصونطر على منطقة صناعية قديمة لي كان فيها منجم د لفاخر لي كان باقي خدّام تال اللخر د التسعينات.[3][4]
ف 2011، السلطات د لمدينة بداو لمشروع ديال لبني د الصونطر، ب قيمة ديال 378 مليون زلوطي (182 مليون منها من عند لإتحاد لؤروپي).[5] الديزاين دارتو شركة JEMS Architekci و لكونطرا ديال لبني تّعطى ل شركة Polimex–Mostostal. هاد لكونطرا د لبني تّفسخ من بعد، و تّعطى ل شركات ڤاربود Warbud و Mercury Engineering.[5] الديزاين د لمبنى، لي فيه خوية ف لوسط باش مايخبّيش أرينا سپوضيك، تّشكر بزاف، و ترشح ل جايزة ميس ڤان دي روهي ف 2017.[6][7] لموضع دابا مربوط ديريكت معا سپوضيك ب تونيل دايز تحت لأرض.[8]
لبني د لموضع تسالا ف مارس 2015، عام مور ما كان مخطط، و من 12 تال 15 مارس ف نفس لعام تدار أول مؤتمر فيه لي كان إنطيل إكصپو كاطوڤيتسه Intel ESL Expo Katowice.[4]
الصونطر الدولي د كاطوڤيتسه فيه 4 د لأقسام:[4][5][9][9]
- شومبرة ب شلّا ستيعمالات مساحتها 8174 م² لي كاتقدر تهز تال 10000 واحد، معا لإمكانية باش تتقسم ل 3 د لپارتيات مساحتها مابين 2583 م² و 2839 م².
- قاعة كاتهز تال 600 واحد، منفاصلة على لباقي، و عندها لمرافق ديالها خاصين بيها، بحال الدخلة، لڤيستيير، و الطواليطات. كاتعطي لإمكانية باش يتنضّمو إڤينتات منفاصلين ف نفس لوقت بلا مايأترو على بعضياتهم.
- قاعات ديال لإحتفالات (كيهزّو تال 1000 واحد) ف زون معزولة د لمبنى و تا هوما ب لمرافق ديالهم. يقدرو يتقسمو على 3 د لأقسام مستاقلين A و B و C.
- مركز د لمحاضرات، لي كيتشكل من 26 قاعة صغيرة و متوسطة ف التيساع (مابين 28 و 144 م²)، ف ليطاج لفوقاني، ب إمكانية ديال دمج و تفراق لقاعات.
لموضع عندو پاركينڭ ب تيساع د 1500 طونوبيلة و طوبيس.[9]
معا سپوضيك، الصونطر يقدر يستاضف إڤينت ب 25000 مشارك.[1]
لمجلس د لمدينة ردّ هاد لمنطقة لي تعاود فيها لبني، "زون تقافية" (ب لپولونية Strefa Kultury).[10] التطوير لحضاري ديال هاد الزون طاح ب كتر من مليار زلوطي. هاد الزون خدات جوائز متعددة منها:
- 2015: "أحسن منتوج سياحي د لعام 2015" (لي نضماتها منضمة السياحة د پولونيا)[11]
- 2016: Meeting Planner Power Awards
- 2018:
- Real Estate Impactor
- MP Power Multi Venue
من بين لإڤينتات لي تضايفو ف الصونطر:
- لمؤتمر لإقتصادي لؤروپي
- مؤتمر لأمم لمتحدة د التبدال لمناخي عام 2018[12]
- لفينيال د إنطيل إكصپو كاطوڤيتسه Intel Extreme Masters (2015-2018 و 2022-2024) [13]
- ويكيمانيا 2024 لملاقية السنوية ديال حاراكة ويكيميديا نمرة 19، لي دازت مابين 7 و 10 غشت 2024.[14]
-
لمبنى ديال لؤركيسطرا د السيمفونيا لوطنية د الراديو د پولونيا -
سپوضيك من الجيهة ديال الصونطر -
الدخلة ديال لمتحف السيليسي -
نطاحات لغيام ف كاطوڤيتسه -
سپوضيك و الصونطر د لمؤتمرات من الجيهة ديال لمتحف السيليسي
.jpg)
.jpg)
- ^ a b "Polskie Towarzystwo Wspierania Przedsiębiorczości – Obiekty". www.ptwp.pl (ب لپولونية). تطّالع عليه ب تاريخ 2023-12-05.
- ^ "International Congress Centre (MCK) in Katowice | Piotr Krajewski – Architectural Photography". Archello (ب نڭليزية). تطّالع عليه ب تاريخ 2023-12-05.
- ^ "Strefa Kultury". www.katowice.eu. تطّالع عليه ب تاريخ 2023-12-05.
- ^ a b c "Podstawowe informacje o projekcie – Międzynarodowe Centrum Kongresowe w Katowicach". 2016-02-10. مأرشيڤي من لأصل ف 2016-02-10. تطّالع عليه ب تاريخ 2023-12-05.
- ^ a b c "Większe unijne dofinansowanie centrum kongresowego w Katowicach". wnp.pl (ب لپولونية). تطّالع عليه ب تاريخ 2023-12-05.
- ^ "Design i nagrody". www.mckkatowice.pl (ب لپولونية). تطّالع عليه ب تاريخ 2023-12-11.
- ^ "EUMiesAward". www.miesarch.com. تطّالع عليه ب تاريخ 2021-02-12.
- ^ "The MCK International Congress Centre – IGF2021 – Gov.pl website". IGF2021 (ب نڭليزية). تطّالع عليه ب تاريخ 2023-12-05.
- ^ a b c "Międzynarodowe Centrum Kongresowe w Katowicach , Katowice". konferencje.pl (ب لپولونية). تطّالع عليه ب تاريخ 2023-12-05.
- ^ "Culture Zone". www.mckkatowice.pl (ب لپولونية). تطّالع عليه ب تاريخ 2023-12-05.
- ^ "Międzynarodowe Centrum Kongresowe KATOWICE – Śląskie. Inf..." www.slaskie.travel (ب لپولونية). تطّالع عليه ب تاريخ 2023-12-05.
- ^ "COP24 Katowice United Nations Climate Change Conference". مأرشيڤي من لأصل ف 2019-12-03. تطّالع عليه ب تاريخ 11 December 2023.
- ^ together with Spodek
- ^ Team، Wikimania Core Organizing؛ Nadzik؛ Locesilion، Tar؛ Pedzich، Wojciech (2023-12-11). "Announcing the Wikimania 2024 dates and venue". Diff (ب نڭليزية). تطّالع عليه ب تاريخ 2023-12-12.