السعادة (جورنال)
السعادة (جورنال)
| ||
| ||
| معلومات أساسية | ||
| نوع د الدورية | جورنال سيماني، جورنال و دورية | |
| لبلاد | لمغريب | |
| لموضع | طانجا و الرباط | |
| اللوغات د النشر | عربية | |
| إديتور | وديع كرم و ادريس بن محمد الخبزاوي | |
| تاريخ التأسيس | 7 نونبر 1904 | |
| لإصدار اللول | 7 نونبر 1904 | |
| لإصدار اللخر | 27 دجنبر 1956 | |
| معلومات إضافية | ||
| نشر كلّا | 2 | |
السعادة[1] هو جورنال أسبوعي كان كيتنشر ب لعربية ف لمغريب، وكانت بمثابة لسان حال لحكومة لفرانساوية. كان جورنال ممول من فرانسا، و تطبع ف لأصل ف مقر لمفوضية لفرانساوية ف طنجة، و تخدم كأداة لنشر لأفكار لفرانساوية بين لمغاربة.[2][3] وصلت لجميع مدن لمغريب لكبير.[4] وتوصف محتواها بأنه ستعماري و موجه للرأي العام ف لمغريب.
فاش صدر الجورنال عام 1904، كان مدير تحريرها جزايري سميتو إدريس بن محمد الخبزاوي.[4] و تنشر جورنال السعادة لأول مرة ف مقر لمفوضية لفرانساوية ف طنجة، موراها نتاقل لرباط عام 1913.[5]
و ف أزمة طنجة عام 1905 نشر جورنال السعادة هادشي:
|
ماكاين شك بلي هاد لإتفاقية لفرانساوية لألمانية حيّدات لماصك على لقضية د لمغريب، و زوّلات جميع لعقبات لي كانت قبك ف وجه الدولة لفرانساوية، حيت بفضل السياسة لمزيانة ديالها، و وزير الشؤون لبرانية و لخبرة ديالو ف لحكامة، حصلات على عتراف ديال دولة لالمان بجميع حقوقها ف لمغريب، و داكشي لي متعلق بيه بحال لمعاهدات لقدام[ن. 1] | 
|
خدا لخط تحريري د الجورنال منعطف راديكالي كثر بعدما تعين وديع كرم رئيس للتحرير عام 1906، وهو راجل ماروني من بلاد الشام.[2][6] ستهدف لخط تحريري لعلماء الصوفيين ف فاس بعد مبايعتهم لسلطان عبد لحفيظ.[7][8] و وصف علماء فاس فواحد لمقال نشرو ف 15 يناير 1908 ب «الزنادقة والمارقين الثوار».[4]
نشرات السعادة كثر من 20 مقال على زعيم طريقة لكتانية صوفية و مهندس لبيعة لمشروطة لعبد لحفيظ عام 1908 - محمد بن عبد الكبير الكتاني - وعلى عائلتو وأتباعو.[9] ودفع الجورنال فكرة بلي شيخ صوفي بغا يقلب نظام لملكي، وياخذ سلطة سلطان.
|
|
لمخزن كان حاضي راسو من لكتاني حيت كان متيقن بلي ماكانش قاصد أمور ديال الدين، مي عندو غاية خرة كيغطيها ب التوب ديال الدين، و داكشي علاش لمخزن ماكانش محتافل بيه ؤلا عاطيه قيمة كيما كيستاحق. لمخزن براسو كان عارف شنو مخبي لكتاني تحت راسو، و نيتو باش يهجم على لماليك، و مكانتو بين لأمازيغ[ن. 2] |
|
حاولو شيوخ فاس يحبسو الجورنال - لي طلقو عليها سمية «الشقاوة» - من دخول لمدينة.[4][10] ف 30 يناير 1908، ذكر الجورنال لو راپيل Le Rappel بلي مجلس علماء فاس على منع «السعادة» ف فاس، و بلي محررها وديع كرم خاصو عقاب رادع.[8]
ونشروا أعيان فاس مقالات كتدحض لأفكار لمنشورة ف "السعادة"، وما ترددوش ف توجيه تهامات ل وديع كرم نيشان،[4] ومن داكشي لي نشرو:
- "الجيش العرمرم لهزم وديع كرم، مؤلف مجهول، سالات التأليف ديالو عام 1908" (تطبع على لحجر ف فاس ف 24 صفحة)[4]
- "سنان القلم لتنبيه وديع كرم، ديال مولاها محمد العابد بنسودة" (طبعة حجرية. فاس 1909 ف 32 صفحة).[4][10]
دار جورنال السعادة حملة واسعة على ود غتيال شخصية الشيخ ماء لعينين، بتشكيك ف وطنيتو و تدينو، و وصفاتو بلي راه سعّاي ماعندو ضمير و مهرب د السلاح،[11] و روجات إشاعات كتقول بلي أتباعو من الشيعة.[2]
و نشر "السعادة" على ماء لعينين:[11]
|
|
الشيخ د الصحرا رجع ل تاحراميات ديالو لي عندو ف الدم، و هيّج لخواطر نهار داز حدا لپلاجات معا رجوعو ل مقرو، و ماقنعش ب داكشي لي خدا د لفلوس و لهديات، و صيفط ولدو ل فاس باش يدير راسو قدام لمخزن بلي بّاه مستاعد باش يعاون ف حمايتو و طرد لفرانسيس من وجدة[ن. 3][ن. 4] |
|
مع إنشاء لحماية لفرانساوية، نقل لمقيم لعام هوبير ليوطي جورنال السعادة لرباط ف أكتوبر 1913، وولا ناطق رسمي بسمية لإقامة لعامة لفرانساوية ف لمغريب. كانت ف شارع ديلكاس.[12] قدم ليوطي تمويل ودعم مالي كبير، وعين مستعرب فرانساوي سميتو يوجين ماركو مدير فيها.[2]
- ^ «لا شك أن هاته الاتفاقية الفرانساوية الألمانية قد كشفت قناع المسألة المغربية وأزالت جميع العقبات التي كانت سابقا في وجه الدولة الفرانساوية حيث تحصلت بحسن سياسة وزير خارجيتها وخبرته بالأمور الحكمية على اعتراف دولة الألمان بجميع حقوقها في المغرب ومما يتعلق به كالمعاهدات العتيقة»
- ^ «المخزن كان نافرا من الكتاني تيقنا منه أن الرجل لا يقصد من وراء ورده الأمور الدينية وإنما له غاية أخرى يجللها بثوب الدين، ولذلك لم يحتفل به المخزن كما ينبغي ولا راعى شأنه كما يستحق. المخزن نفسه عارف ما يبطنه الكتاني وما تنطوي عليه نيته من الوثوب على الملك، وما له من المكانة في قلوب البربر.»[9]
- ^ «عاد شيخ الصحراء إلى دسائسه المفطور عليها، فقام بما هايج من الخواطر يوم مروره بالشواطئ البحرية عند رجوعه إلى مقره، ولم يقنع بما ناله من الأموال وحاز من الهدايا، بل أرسل الآن ولده إلى فاس يتظاهر أمام المخزن باستعداد أبيه لحماية المخزن وإخراج الإفرنسيين من وجدة»
- ^ «لم يكن إشفاق المولى عبد العزيز على هذا الشيخ ولا أكرمه سخاء على حاشيته وأتباعه فمازلنا نتذكر الأنعام العديدة التي حباه بها في العام الماضي والذنوب الكبيرة التي تحمل المخون مسؤوليتها يوم مروره بالدار البيضاء وكيف كانت العمال تقاد إلى طاعة الشيخ صاغرة كالنعاج لدى الراعي والأمناء تتسابق للتبريك …حاملة الهدايا والدراهم، والشيخ يهزأ بالمخزن ويضحك عليه»
- ^ "الصحافة المغربية في الموسوعة العربية الميسرة دعوة الحق". مأرشيڤي من لأصل ف 2022-03-05. تطّالع عليه ب تاريخ 2023-06-10.
- ^ a b c d "متصوفة استهوتهم "السلطة الرابعة" : شيخ الطريقة المعينية "صحافيا" في "السعادة" - جريدة الصباح". assabah.ma (ب لعربية). 2012-07-10. مأرشيڤي من لأصل ف 2022-12-13. تطّالع عليه ب تاريخ 2023-06-10.
- ^ Chouki، يقول Rachedi (2015-05-15). "جريدة «السعادة» التي كانت لسانا ناطقا باسم الاحتلال الفرنسي في المغرب". هوية بريس (ب لعربية). مأرشيڤي من لأصل ف 2023-06-10. تطّالع عليه ب تاريخ 2023-06-10.
- ^ a b c d e f g "الصحافة اللبنانية الهاجرة إلى طنجة (1889 - 1911م)" (PDF). مأرشيڤي من لأصل (PDF) ف 9 دجنبر 2021.
- ^ "دعوة الحق - مدخل لدراسة الصحافة المغربية بعد سنة 1332 هـ 1912 م". مأرشيڤي من لأصل ف 2022-02-07. تطّالع عليه ب تاريخ 2023-06-10.
- ^ "A History of Modern Morocco P 84 - 85".
- ^ "السلطانُ المغربي المخلوع – Taroudant News - تارودانت نيوز". web.archive.org. 2021-12-11. مأرشيڤي من لأصل ف 11 دجنبر 2021. تطّالع عليه ب تاريخ 2023-06-10.
- ^ a b "Le Rappel / directeur gérant Albert Barbieux - 1908-01-30 - Gallica". web.archive.org. 2022-01-11. مأرشيڤي من لأصل ف 11 يناير 2022. تطّالع عليه ب تاريخ 2023-06-10.
- ^ a b "متصوفة استهوتهم "السلطة الرابعة" : 20 مقالا عن الطريقة الكتانية - جريدة الصباح". assabah.ma (ب لعربية). 2012-07-11. مأرشيڤي من لأصل ف 2022-12-13. تطّالع عليه ب تاريخ 2023-06-10.
- ^ a b "صفحات من تاريخ الصحافة المغربية". مغرس. مأرشيڤي من لأصل ف 2023-06-10. تطّالع عليه ب تاريخ 2023-06-10.
- ^ a b "متصوفة استهوتهم "السلطة الرابعة" : "السعادة" تتهجم على الشيخ ماء العينين - جريدة الصباح". assabah.ma (ب لعربية). 2012-07-10. مأرشيڤي من لأصل ف 2023-06-10. تطّالع عليه ب تاريخ 2023-06-10.
- ^ "Edition Franco-Anglaise - Guide Arabe pour le Commerce, l'Industrie et les Professions Libérales Dans Laes Pays Arabes - Google Books". web.archive.org. 2022-02-11. مأرشيڤي من لأصل ف 11 فبراير 2022. تطّالع عليه ب تاريخ 2023-06-10.
- "تاريخ الصحافة العربية - المغرب". Archived from the original on 2020-06-21. تطّالع عليه ب تاريخ 2023-06-10.CS1 maint: unfit url (link)