حب

"روميو و جولييت"، رسمة ديال لفنان فورد مادوكص براون

لحب ؤلا لبغو ولّا لباضاض هو واحد لحالة نفسية لي تيحسو بيه بزاف د لخلايق بحال بنادم ولا لحيوان. يقدر يكون لحب ما بين بنادم وحيوان ديالو مثلا، ولا مابين بنادم وبنادم آخر بحال رّاجل معا مراتو ولا لوالدين معا ولادهم.

لحب كيكون مرتابط ب أحاسيس إيجابية بحال السعادة، لإتارة، الرضا على لحياة، و النشوة، و ب أحاسيس سلبية بحال لغيرة، الستريس، لخوف ديال فقدان لحبيب، لكعيان ؤلا لغضب يلا كان حب من طرف واحد، و لحزن على لبعد ؤلا لموت د لحبيب.

وخا لحب عندو ساس بيولوجي عند بنادم و بزاف د لكائنات لحية، باقين لعولاما كيتداكرو بيناتهوم واش جميع لمضاهر ديالو عندها ساس بيولوجي ؤلا تقافي. ف لغالب هاد الجوج عناصر كيلعبو دور ف أشكال التعبير على لحب، لي يقدرو يختالفو من تقافة ل تقافة خرة.

على حساب عالم لپسيكولوجيا زيك روبين، لحب الرومانسي كيتميّز ب هاد لحوايج:

• التعلق: بنادم كيبغي يكون قريب من لحبيب ديالو و يلمسو و يكون مقبول و مرغوب عندو
• لهتيمام: بنادم كيعطي قيمة ل السعادة و الرغبات د لحبيب ديالو بحال يلا دياولو نيت
• لحميمية و لمودة: بنادم كيبغي يپارطاجي لأفكار، لأحاسيس و الرغبات ديالو معا لحبيب ديالو

عيون لكلام

تقدر تزيد شوف بزاف د تّصاور و لمعلومات ديال Love ف ويكيميديا كومنز.

هادي زريعة ديال مقالة خاصها تّوسع. تقدر تشارك ف لكتبة ديالها.