لحاجب

لحاجب
‫الحاجب‬ (ar) ⵍⵃⴰⵊⴱ (tzm)
لبلاصة
لبلاد	لمغريب
لإقليم	إقليم لحاجب
السكان
شحال دالسكان	23,369 (1994)
شحال دلفاميلات	11,069 (2024)
لجغرافيا
لعلو	1,000 م
خط الطول بـ °	-5.3707695
خط لعرض بـ °	33.6852107
معلومات خرين
كود د لبوصطة	51000
الرمز لجغرافي	2550252
لخريطة

لحاجب مدينة مغريبية و جماعة ترابية حضرية كاينة ف إقليم لحاجب، جهة فاس مكناس، ساكنين فيها 34516 واحد، على حسب لإحصاء لعام 2014.

التاريخ

لحاجب بانت فعهد لسلطان لمولى إسماعيل، لي تخدها كموقع عسكري، نظراً للتضاريس ديالها لي كتشكل حجاب واقي للعاصمة مكناس ضد لهجمات ديال قبائل لأطلس لمتوسط.

تعاود لبني ديال لقصبة فعهد لحسن لأول، سنة 1880 كمركز مراقبة للطريق لسلطانية لرابطة بين مكناس وتافيلالت، وأيضاً باش تصد لهجمات ديال قبائل لمنطقة (بني مطير وكروان) ضد مكناس.وهي لقصبة لي شكلات لنواة لأولى لمركز حضري فهاد لمنطقة.

لإستعمار لفرنساوي

ملي تحتل لموقع من طرف لقوات لفرنساوية ف 1911، خدا لموقع أهمية كبيرة فلمراقبة لسياسية ولعسكرية لقبائل لأطلس لمتوسط، لي ستمرات فلمقاومة ديال لإستعمار لحد تلاتينات لقرن لعشرين. قامت لحماية لفرنساوية بتقسيم منطقة قبيلة بني مطير لجوج مناطق، شمالية (تحت لحكم ديال لقايد حدو نهموشة) وجنوبية (عينات على راسها لقايد إدريس أورحو).

لإستقلال

من بعد لإستقلال، حافظات لحاجب على لأهمية لعسكرية ديالها بلإحتضان ديالها لوحدة من أكبر لتكنات ديال لقوات لمسلحة لملكية للتدريب لعسكري، لي كتساهم فلإقتصاد ديال لمدينة. ترقات لمدينة لعاصمة ديال إقليم لحاجب سنة 1991.

لموقع ولمناخ

​جات لحاجب فلحواشي الشمالية لغربية ديال لأطلس لمتوسط على علو كيوصل لشي 1050متر. أقرب مدينة كبيرة ليها هي مكناس لي كاينة على بعد شي 35 كلم (طريق) فشمال لغربية. أما المدن ديال أزرو وإفران فكاينيين بجوج على بعد شي 37 كلم فلجنوب لشرقي.

​لمناخ فلغالب سخون وناشف؛ والشتا (شي 350–500 ملم فلعام) كتيطيح بالأخص فلنص ديال لعام لي فيه لبرد.

السكان

لعام	1994	2004	2014	2024
لعدد ديال السكان	23.369	27.667	35.282	41.359

​أكثر من النص ديال السكان ديال مدينة لحاجب هوما أمازيغ لي هاجرو ليها من لجماعات لقروية لي دايرة بيها من السبعينات ديال لقرن لماضي، ولي لقاو لخدمة فلغالب كحرايفية، وخياطة، وشيفورات ديال الطاكسيات، ولا فلمشاريع الصغيرة. أما لأقلية ديال السكان لي من أصل عربي، فهوما لي شادين لمناصب لكبيرة فلإقتصاد ولإدارة، وفلقطاعات ديال الصحة والتعليم. والناس فلغالب كتهضر بالداريجة لمغربية.

تعليم

• نسبة لأمية (نّاس لّي ما كايعرفوش يقراو ولا يكتبو) : 24,4%
• نسبة سّكان لّي قاريين فوق الليسي (ليسي و جامعة): 23,6%

قتيصاد

• نسبة نّاس نّشيطين (لّي يقدرو يخدمو): 46,9%
• نسبة لبطالة (نّاس لّي ما خدامينش و تايقلبو على خدمة): 20,2%
• نسبة نّاس اللي خدامين ف دّولة (ولا لبيطاليين اللي سبق ليهوم خدمو): 24%
• نسبة نّاس اللي خدامين ف لپريڤي (ولا لبيطاليين اللي سبق ليهوم خدمو):45,7%

مصادر

ويكيميديا كومنز عندا تصاور و معلومات على لحاجب.

هادي زريعة ديال مقالة خاصها تّوسع. تقدر تشارك ف لكتبة ديالها.