التفراق الكوانتي د السوارت

لمقال مقطوع من شجرة، ما كايدي ليه تا شي مقال أخر، زيد ليان ديالو ف مقالات خرين.

التفراق الكوانتي د السوارت (النݣليزية: Quantum Key Distribution، مضموصة ب QKD) هو واحد الطريقة ديال الكومينيكاصيو مأمنة اللي كاتنضّي واحد الپروطوكول كريپطوݣرافي كايخدّم عناصر من الميكانيك الكوانتية. هاد الطريقة كاتخلّي جوج ديال الجهات باش يولّدو واحد الساروت عشوائي مشتارك بيناتهم كايعرفوه غا هوما بجوج، اللي من بعد كايتخدّم فالكريپطاج ؤ الديكريپطاج ديال الميساجات اللي كايدوزو بيناتهم. ما خاصش الواحد يخلّط بينات الپروصيص ديال التفراق الكوانتي د السوارت ؤ الكريپطوݣرافي الكوانتية، حيت اللولاني غا أشهر مثال ديال التخديمات الممكنة د التاني.

واحد من أهم الخصايل ديال التفراق الكوانتي د السوارت هو القدرة ديال الجيهات بجوج اللي كايكومينيكيو باش يديطيكطيو لا شي واحد ثالث باغي يسرق الساروت باش يتجسّس عليهم. هادشي راجع ل واحد الخصيلة مهمة من الخصايل اللي كاتتكا عليهم الميكانيك الكوانتية: فاش كاتبغي تعبر شي سيسطيم كوانتي كاتصدق غالبا مبرزطو. لا شي جيهة تالتة بغات تدير ودينة على الساروت خاصها ولابدة تعبرو بشي طريقة، ؤ بالتالي كاتصدق مخرمزاه. فاش كاتخدّم الترداف الكوانتي quantum superposition ؤلا التخبال الكوانتي quantum entanglement ؤ تصيفط المعلومات ف حالة كوانتية، كاتقد تصاوب سيسطيم د الكومينيكاصيو اللي كايديطيكطي التجسّس. فاش النيڤو د طليق الودينة كايكون تحت واحد العتبة، الواحد كايقد يولّد واحد الساروت اللي كايضمن ليه لامان (بو ودينة ما كايكون سايق ليه خبار). وا إلا تا ساروت ما كايتولّد ؤ الكومينيكاصيو كاتحبس.

مصادر

هادي زريعة ديال مقالة خاصها تّوسع. تقدر تشارك ف لكتبة ديالها.