الأعمدة ديال هيركوليس

من ويكيپيديا
اذهب إلى التنقل اذهب إلى البحث
Ambox important.svg مقالة مقطوعة من شجرة. هاد لمقالة مقطوعة من شجرة، ما كاتوصل ليها تا شي مقالة خرة ف لموسوعة، حاول تزيد ليانات ديالها ف مقالات خرين.

جبل موسى (بعيد ف الخلفية) و جبل الطّر (قريب) اللي بجوج كيمتلو الأعمدة ديال هيركوليس

الأعمدة ديال هيركوليس هي العبارة اللي كاتّستعمل باش توصف الدخلة من المحيط الأطلسي للبحر البيض المتوسط. هاد الوصف جا من عند نّاس لقدام اللي كانو كيتنقلو ف هاد المنطقة. هاد الأعمدة كيتواجدو ف مضيق جبل الطّر. العمود الشمالي، اللي السمية الأسطورية ديالو هي كالپي، هو الجبل اللي كاين ف جبل الطّر (مستعمرة بريطانية ف الجنوب د الصبليون) و واخد نفس السمية. و العمود الجنوبي (آبيلا) هو جبل موسى (60 كيلوميتر ف الشرق ديال طانجا)، ف الوقت اللي كاينين مصادر، صبنيولية ف الأغلبية ديالها، كيقولو بيلا جبل هاتشو ف سبتة (مدينة صبنيولية ف الشمال د المغريب) حتى هو مرشح باش يكون العمود الجنوبي ديال هيركوليس.

الأساطير[بدل | بدل لكود]

الأسطورة الرومانية[بدل | بدل لكود]

ملي كان هيركوليس باغي يمشي للجردة ديال هيسپيريديس ف جزيرة إيريتيا (ؤلا ليكسوس ف لمغريب)، كان خاصو ضروري يقطع واحد جبل كانت سميتو أطلس. فعوض ما يتسلق جبل، ستعمل القوة الخارقة ديالو و اخترق وسط الجبل حتى خرج من جهة لخرة.[1] ب هاد الفعلة هادي، هيركوليس لاقا للمرة اللولة البحر البيض المتوسط مع المحيط الأطلسي و خلق المضيق ديال جبل الطّر. هادشي كيعني بيلا، على حساب هاد الأسطورة، جبل موسى و جبل الطّر ما هوما غير بقايا ديال الجبل القديم د أطلس.

الأسطورة ديال ديودوروس سيكولوس[بدل | بدل لكود]

ديودوروس سيكولوس، مؤرخ يوناني، كان كيحكي بيلا هيركوليس ضيّق الممر البحري اللي كان ديجا كاين بلحاق كان واسع بزاف (ماشي بحال الأسطورة د الرومان) باش يمنع الوحوش ديال المحيط الأطلسي من أنهم يدخلو للبحر البيض المتوسط.[2]

عيون لكلام[بدل | بدل لكود]

  1. ^ Seneca, Hercules Furens 235ff.; Seneca, Hercules Oetaeus 1240; Pliny, Nat. Hist. iii.4.
  2. ^ Diodorus 4.18.5.
Wikimedia Commons تقدر تزيد شوف بزاف د صور و معلومات ديال Pillars of Hercules ف ويكيميديا كومنز.



Midori Extension.svg
هادي زريعة ديال مقالة خاصها تّوسع. تقدر تشارك ف لكتبة ديالها.