إنسان تافوغالت
إنسان تافوغالت هو إنسان لهوموساپيان اللي، هادي 15 ألف عام، ستوطن مغارة ديال تافوغالت لي سميتها مغارة لحمام لي موجودة ليوم ف إقليم بركان. كانت عندو حضارة فنية وعلمية ف الحقبة التي كاتسمى الإبيرو موريزية. الاكتشافات الأثرية بينات وجود أدوات ديال الزينة ومعلقات حجرية، وتشكيلات منقوشة فهاد المغارة التافوغالتية. شي اخور مهم بزاف هو أن الآتار كاتݣول بلي دار عمليات جراحة د رّاس لبعض أفرادو، هاد العملية تتسمى طريپاناسيو Trépanation.[1]
أقدم حمض نووي د لإنسان العاقل ف إفريقيا[بدل | بدل لكود]
لقاو لعولاما ديال الآتار بلي الحمض النووي ديال إنسان تافوغالت هو أقدم آتار لحمض نووي لإنسان عاقل (Homo Sapiens) فإفريقيا، يوصب العمر ديالو لـ 15000 عام ف مغارة تافوغالت. هاذ لكتيشاف تم من طرف فريق دولي ديال لعولاما د لأتار و لعولاما د لجينات بقيادة الدكتور عبد الجليل بوزوكار، مدير المعهد الوطني د لأتار وعلوم الترات ف الرباط.
ميطولوجيا عند إنسان تافوغالت[بدل | بدل لكود]
بالنسبة ل لميطولوجيا لباحث عبد الله لحسايني كيعتاقد، ب لعتيماد على دوك النتائج لي علن عليها لفريق ديال التنقيب، من الطريقة ديال الدفن عند هاد الإنسان بلي قبل 15 ألف سنة كان كيآمن بمعتقدات ديال الحياة ورا الموت. وكيأول تأويل طريقة الدفن للناس لكبار بلي كانو واجدين باش يخرجو من المغارة ملي ترجعليهم الروح.[1]
و كيݣول لحسايني بلي هاد لكتيشافات لأركيولوجية كتعطي دليل علمي باش نقلبو ف لإسكاطولوجيا ديال إنسان تافوغالت و ندرسو لعلاقة ديال هاد الظاهيرة بلبيدايات ديال ليستقرار عند لهوموساپيان.
عيون لكلام[بدل | بدل لكود]
 هادي زريعة ديال مقالة خاصها تّوسع. تقدر تشارك ف لكتبة ديالها. |