ألفونسو دي ألبوكيرك

من ويكيپيديا
اذهب إلى التنقل اذهب إلى البحث
Ambox important.svg مقالة ناقصينها عيون لكلام. لمعلومات لّي ف هاد لمقالة ناقصين ف توتيق، خاصّ يتزادو فيها عيون لكلام باش تكون موتوقة.
ألفونسو دي ألبوكيرك
ألفونسو دي ألبوكيرك
معلومات عامة
زيادة 1453
ألهاندرا (لمملكة د لبرتغال)
لموت 16 دجنبر 1515 (جريجوري) (61/62 عام)
ڭوا لقديمة
لجنسية برطقيز
لحرفة مستكشف
لعسكر
لڭراد أميرال
Afonso de Albuquerque Signature.svg


ألفونسو[a] دي ألبوكيركلبرتغالية: Afonso de Albuquerque)، تزاد ف 1453 ومات ف 1515، كان قايد بحري و سياسي برطقيزي.

حياتو[بدل | بدل لكود]

أصل ديالو[بدل | بدل لكود]

عندو أصول أرستقراطية وتعومل معاملة ديال النبلاء، بحيت تلقب باللقب البرتغالي "فيدالغو" اللي كتعني ولد النبلاء.كان جنرال بحري ونائب حاكم الهند البرتغالية،الخبرة العسكرية وأسلوب القيادة اللي عندو خلاتو يغزو ويخضع المنطقة ديال المحيط الهندي تحت راية الإمبراطورية البرتغالية. عطاه الملك البرتغالي مانويل الأول اللقب ديال نائب الملك ودوق غوا قبل مايموت بشوية، خلاه يكون أول دوق مكينتميش للعائلة الحاكمة، وأول الألقاب اللي كتعطى خارج البرتغال. كيتشاف غالبا كقائد عسكري عبقري إلى شفنا الاستراتيجيات الناجحة اللي دار فالغزوات ديالو. من هاد الاستراتيجيات المشهورة : منين سد ݣاع ٠المعابر البحرية للمحيط الهندي للمحيط الأطلسيوالبحر الأحمر والخليج العربية والمحيط الهادئ، الحاجة اللي غتخليه بحال شي بيحرة خاصة بالامبراطورية البرتغالبة، ويكون عائق قدام الامبراطورية العثمانية اللي كانت منافسة فديك الوقت البرتغال ومع الحلفاء ديالها المسلمين والهندوس. ونزيدو لهادشي بلي ألفونسو بنا بزاف ديال الحصون للنقاط المهمة اللي عاوناتو باش يدير شبكة من العلاقات الدبلوماسية على قبل هادشي كولو وزيد وزيد تلقب بالكبير والعظيم، وقيصر الشرق وأسد البحار ومارس البرتغالي.

خدمتو ف لعسكر[بدل | بدل لكود]

تزاد فمدينة الإسكندرية عام 1453 حدا لشبونة عاصمة البرتغال. وهو الولد الثاني ل ݣونزالو دي ألبوكيرك لورد ڤيلاّ ڤيردي (بالبرتغالية: Gonçalo de Albuquerque, senhor de Vila Verde dos Francos) اللي كان خدام فالبلاط الملكي ف بلاصة مهمة حيت كان كيجي للعائلة الملكية واخا بطريقة غير شرعية وعلاقة بعيدة، كان مزوج ب"الدونا ليونور دي مينيزيس"، الأم "ألفونسو"، الحاجة اللي عطاه فرصة يعيش فالقصر. قرا ألفونسو الماط واللغة الاتينية فالقصر ديال ملك البرتغال ألفونسو الخامس وكان مصاحب بزاف مع الأمير جواو، من بعد تديبلاصا باش يخدم فشمال افريقيا لعشر سنين تما فين تعلم وخدا الخبرة العسكرية. عام 1471، شارك في حملة دارها الملك ألفونسو الخامس باش يغزو طنجة وأصيلة ف لمغريب، فين خدم سنوات كعسكري. وفسنة 1476, عاون الأمير جواو فالحرب ديالو ضد قشتالة، وساهم من بعد فحملة بحرية تصيفطات لشبه الحزيرة الإيطالية باش يعتقو ملك أرغون فرناندو الثاني فسنة 1480ضد الغزو العثماني لأوترانتو واللي تسالات بالرباح ديال القوات المسيحية. من بعد مارجع عينو ملك البرتغال الجديد "جواو الثاني" كبير ياورات القصر الملكي. هاد العلاقة خلاتو يوصل للبحرية البرتغالية. وفعام 1489 رجع عوتاني باش يخدم فشمال افريقيا، كقائد للمجموعة المدافعة على حصن غراسيوسا اللي كاين فجزيرة فنهر واد لوكوس حدا مدينة العرائش، ولى من بعد جزء من حرس الملك جواو الثاني سنة 1490، ورجع ل أصيلة عام 1495 حيت قتل خوه الصغير كاع مارتم.

ملاحضات[بدل | بدل لكود]

  1. ^ كتنطق أفونسو حيت لبرتغاليين كيحييدو حرف لام.

عيون لكلام[بدل | بدل لكود]

لمزاود[بدل | بدل لكود]

كتاب علا ألفونسو دي ألبوكيرك



Midori Extension.svg
هادي زريعة ديال مقالة خاصها تّوسع. تقدر تشارك ف لكتبة ديالها.


Wikimedia Commons تقدر تزيد شوف بزاف د صور و معلومات ديال Afonso de Albuquerque ف ويكيميديا كومنز.