أفونصو دي ألبوكيرك
أفونصو دي ألبوكيرك
| ||
 | ||
| معلومات عامة | ||
| زيادة | 1453 ألهاندرا (لمملكة د لبرتغال) | |
| لموت | 16 دجنبر 1515 (ڭريڭوري) (61/62 عام) ڭوا لقديمة (الإمبراطورية البرتغالية) | |
| لجنسية | لمملكة د لبرتغال | |
| لحرفة | كشايفي | |
| لّوغات لي كيعرف | لبرتغالية | |
| لفاميلة | ||
| لواليد | Gonçalo de Albuquerque, seigneur de Vilaverde dos Francos | |
| لواليدة | Dona Leonor de Menezes | |
| لولاد | Brás de Albuquerque | |
| لمحيط | António de Ataíde (ولد عم / ولد خال) | |
| لعسكر | ||
| لڭراد | أميرال | |
 | ||
  | ||
ألفونصو[a] دي ألبوكيرك (ب لبرتغالية: Afonso de Albuquerque)، تزاد ف 1453 ومات ف 1515، كان قايد بحري و سياسي برطقيزي.[1]
عندو أصول أرستقراطية وتعومل معاملة ديال النبلاء، بحيت تلقب باللقب البرتغالي "فيدالغو" اللي كتعني ولد النبلاء. كان جنرال بحري و نائب حاكم الهند البرتغالية، الخبرة لعسكارية و أسلوب القيادة اللي عندو خلاتو يغزو ويخضع المنطقة ديال المحيط الهندي تحت راية الإمبراطورية البرتغالية. عطاه الملك البرتغالي مانويل الأول اللقب ديال نائب الملك ودوق غوا قبل مايموت بشوية، خلاه يكون أول دوق مكينتميش للعائلة الحاكمة، و أول الألقاب اللي كتعطى خارج البرتغال. كيتشاف غالبا قائد عسكري عبقري يلا شفنا لإستراتيجيات الناجحة اللي دار ف الغزوات ديالو. من هاد الإستراتيجيات المشهورة: منين سد ݣاع ٠المعابر البحرية للمحيط الهندي للمحيط الأطلسي و البحر الأحمر والخليج العربية والمحيط الهادئ، الحاجة اللي غتخليه بحال شي بيحرة خاصة بالامبراطورية البرتغالبة، ويكون عائق قدام الامبراطورية العثمانية اللي كانت منافسة فديك الوقت البرتغال ومع الحلفاء ديالها المسلمين و الهندوس. و نزيدو لهادشي بلي أفونصو بنا بزاف ديال الحصون للنقاط المهمة اللي عاوناتو باش يدير شبكة من العلاقات الديپلوماسية على قبل هادشي كلو و زيد و زيد تلقب ب الكبير و العظيم، و قيصر الشرق وأسد البحار ومارس البرتغالي.
تزاد ف مدينة الإسكندرية عام 1453 حدا لشبونة عاصمة البرتغال. و هو الولد الثاني ل ݣونزالو دي ألبوكيرك لورد ڤيلاّ ڤيردي (ب لبرطقيزية: Gonçalo de Albuquerque, senhor de Vila Verde dos Francos) اللي كان خدام ف لقصر لملكي ف بلاصة مهمة حيت كان كيجي للعائلة الملكية واخا بطريقة لاشرعية و علاقة بعيدة، كان مزوج ب"الدونا ليونور دي مينيزيس"، الأم "أفونصو"، الحاجة اللي عطاه فرصة يعيش ف القصر. قرا أفونصو الماط و اللغة اللاتينية ف القصر ديال ملك البرتغال أفونصو الخامس و كان مصاحب بزاف مع الأمير جواو، من بعد تديپلاصا باش يخدم فشمال افريقيا لعشر سنين تما فين تعلم وخدا الخبرة العسكرية. عام 1471، شارك في حملة دارها الملك أفونصو الخامس باش يغزو طنجة و أصيلة ف لمغريب، فين خدم سنوات عسكري. و ف سنة 1476، عاون الأمير جواو ف الحرب ديالو ضد قشتالة، و ساهم من بعد ف حملة بحرية تصيفطات ل شبه الحزيرة الطاليانية باش يعتقو ملك أراڭون فرناندو الثاني ف سنة 1480 ضد الغزو العثماني ل أوترانتو و اللي تسالات ب الرباح ديال القوات المسيحية. من بعدما رجع عينو ملك البرتغال الجديد "جواو الثاني" كبير ياورات القصر الملكي. هاد العلاقة خلاتو يوصل للبحرية البرتغالية. و ف عام 1489 رجع عوتاني باش يخدم ف شمال إفريقيا، ك قائد للمجموعة المدافعة على حصن ڭراسيوسا اللي كاين ف جزيرة ف واد لوكوس حدا مدينة العرائش، ولى من بعد جزء من حرس الملك جواو الثاني سنة 1490، و رجع ل أصيلة عام 1495 حيت قتل خوه الصغير ݣاع مارتم.
- ↑ كتنطق أفونصو حيت لبرتغاليين كيحييدو حرف لام.
- ↑ Ooi, Keat Gin (2004). Southeast Asia: A Historical Encyclopedia, from Angkor Wat to East Timor. Vol. 1. ABC-CLIO. ردمك 9781576077702.
 |
ويكيميديا كومنز عندا تصاور و معلومات على أفونصو دي ألبوكيرك. |
 هادي زريعة ديال مقالة خاصها تّوسع. تقدر تشارك ف لكتبة ديالها. |